Les Témoins de Jéhovah : organisés pour proclamer la bonne nouvelle

Pasutin kal mivu 100, kudiosh patenchikinau Atuman a Yehova kupalangesh kwa rusangu ruwamp. Mudimu winou wikala kal kampany mujim nakash wa kulejan usadikina mu mangand, tulejen uruw winou mu yitot ya jindim ni mu jingand 230 ni kusut. (Mat. 24:14) Ov, mulong wak mudimu winou udi wa usey? Ov, mutapu ik usadilau mudimu winou mu mangand mawonsu? Video Les Témoins de Jéhovah : organisés pour proclamer la bonne nouvelle wakwil ku yipul yiney kusutil ku kulejan kachom pa kachom piur pa milad yivud ya mijikit yetu mu mangand mawonsu. Kupwa kwa kutal video, shinshikinany pa yipul yiney.

Ov, mutapu ik video winou wakasikeshay kusanger kwey mulong wa (1) usu usadina ditenchik dia Yehova mulong wa kulejan rusangu ruwamp? (2 Tim. 4:2) (2) ma Betel madia mu mangand mawonsu? (3) kuyifumb amishoner ni atulam? (2 Tim. 2:2) (4) usey wa kusambish dichuku ni dichuku kushinshikin verse wa Bibil ni kwirijek rubing ni rubing mulong wa yikumangan ya chikumangen? (Mid. 17:11) (5) wa yiyukish ya kukumangan ku yikumangan yetu? (Heb. 10:24, 25) (6) yiyukish ukezany kutambul chisu chikezau kukarumun divu kwikal Paradis? (Isay 11:9) (7) chisend cha kwipan mu mudimu wa kwangul udandamedina?—Yoh. 4:35.

Video winou umeken kwikal chom chiwamp nakash cha mudimu mulong wa kuyijikitish antu asangaredina nich mudimu ukatau kusal pa mangand mawonsu kudi Atuman a Yehova. (8) Ov, chisu ik chiwamp chifanyidina kulejan video winou kudi in kwilej etu a Bibil, ambay, ni antu akwau? (9) Ov, kusanger ik kuwamp wamenanya chisu chamekeshau video winou?

Anch twatongijokin pa yom yiwanyishinay Yehova, tudi abachikinau chakwel twiyova mutapu umwing ni nfund a kuseng chisu chalonday anch: “A [Yehova], Nzamb wam, midimu yivud ya ufun yiwasala kal ey, ni yitongijok yiutongila kudi etu yipandiken kuvul.” (Kus. 40:5) Tusadilany amboku nawamp video winou chakwel tuyikwasha antu akwau kumusanger Yehova ni dirijek diend!