Kampany Mujim Nakash wa Kulejan Kandikal Asadikangap pa Mangand!

Pasutin kal mivu 100, kudiosh patenchikinau Atuman a Yehova kupalangesh kwa rusangu ruwamp. (1 Kor. 9:23) Mu win wikala kal kampany mujim nakash wa kulejan kandikal asadikangap mu mangand, tulejen rusangu riner mu yitot ya jindim. Turilejen mu jingand 230 ni kusut. (Mat. 24:14) Pakwez mulong wak mudimu winou udi wa usey? Ni mutapu ik usadilau mudimu winou mu mangand mawonsu?

Vidéo Les Témoins de Jéhovah : organisés pour prêcher la bonne nouvelle wakwil ku yipul yiney kusutil ku kulejan kachom pa kachom piur pa milad yivud ya mijikit yetu mu mangand mawonsu. Piumutadila, shinshikin pa yipul yiney : (1) Ov, mujikit wetu autenchikin ni kuutakel mutapu ik? (2) Ov, mutapu ik kufund, midimu ya kukarumun, ukaliweny, ni madepartema ma midimu ya Audio/video yikwashin ku kulejan rusangu ruwamp? (3) Ov, mudimu wetu wa kuchap ni kupalangesh mikand pa divu diawonsu ukwet rutong ik? (Yohan 17:3) (4) Ov, mikand yinch yichapinau mu muvu umwing? (5) Ov, mikand yimedina pa Bibil yasala mudimu ik? (6) Ov, yik yisadinau chakwel kupan ukwash wa muspiritu kudi antu akad kuman ap kutesh nawamp? (7) Ov, kwisu kudiokila nfalang jendishina mudimu wetu? (8) Ov, ukwash ik tutanina mu Service d’information médicale (Midimu wa Kupan Rusangu Piur pa Milong ya Rupital), Departema wa Mudimu, ni Departema wa Chitentam? (9) Chiudia umwing wa Atuman a Yehova, mutapu ik video winou wakasikesha kusanger kwey mulong wa (a) usu usadina ditenchik dia Yehova mulong wa kulejan rusangu ruwamp? (b) mulong wa ma Betel 100 ni kusut madia mu mangand mawonsu? (c) mulong wa kuyiy atulam ni amishoner? (d) mulong wa usey wa kusambish dichuku ni dichuku kushinshikin verse wa Bibil ni kwirijek rubing ni rubing mulong wa yikumangan ya win-Kristu? (e) mulong wa yiyukish ya kukumangan ku yikumangan yetu? (f) mulong wa chikeza kurumburik paradis pa divu? (Is. 11:9) (g) mulong wa Kwipan kwa muntu ipend mu mudimu wa kwangul udandamedina?—Yohan 4:35.

Ov, yibudikin ik yiwamp yiwamena kudiau anamakwey, arund, antu wachirikina, ni in kwilej Bibil piwayileja Video winou? Ukutwishap kumutal pamwing ni kutesh rusangu ruwamp ni muntu mukwau machuku madia piswimp ap.—Mat. 28:19, 20.