Ov, Ukatin Kwilej Shikol ya in Kulejan a Want?

Ov, ukwet mivu pakach pa 23 ni 65 ni ud mu mudimu wa chisu chawonsu? Ov, ukwet ukash wa mujimbu uwamp, ni ukutwish kusadin kwi ndond kwin kwawonsu kuda maswir ma in kulejan? Anch wakul anch mwaning ku yipul yiney, ov, watonginap kal piur pa Shikol ya in Kulejan a Want? Kudosh kwasambishina shikol yiney, kwayil kal tunan twa ambay a uruw, akadivar ajich ni anambaz ajich. Pakwez tukwet kuswir nakash kwa akadivar ajich. Mwita Yehova akukwash kujimbish maswir mey ma kumusangaresh ni kumwimburij Mwanend Yesu. (Kus 40:8; Mt 20:28; Heb 10:7) Kupwa shinshikin yom ukutwisha kusal mulong wa kukepish midimu yey ya ku mujimbu ap yisend yikwau chakwel utwish kuya ku shikol yiney.

Mu mitapu ik ni ku jindond ik kukatau kuyisadin antu afumbinau ku shikol yiney ya uteokras? Antu amwing ilejina shikol yiney akat kuyitum kwi ndond kulondinau dizu dikwau ap kulejan mu misumb yijim pa jindond pada antu avud. Akwau akat kuyitum mud atulam a munyingumuku ankwash, atulam a munyingumuku ap amishoner. Piutongidina piur pa yom ukutwisha kusal mu mudimu wa Yehova, ikal amboku nich chitongijok mud cha muprofet Isay walonda anch: “Yam unou! Ntuma!”—Is 6:8.

TAL VIDEO AMISHONER ADIA MU CHINGAND—IN KUSAL MU MUDIMU WA KWANGUL, NI KUPWA AKUL KU YIPUL YILONDWILAKU EY:

• 

  Mutapu ik ukatau kutond amishoner?

• 

  Mudimu ik uwamp usadinau amishoner?

• 

  Yiyukish ik yimwing yida mu mudimu wa umishoner?