Yitentam Yetu ya pa Muvu Yikat Kutwinkish​—Mutapu wa Kumekeshijadin Rukat

Mulong wak tukata kusanger nakash yitentam yetu ya pa muvu? Mud in Isarel a pasak, yitentam yetu ya pa muvu ya mu chirung chetu yitwinkishining mitapu ya kumwifukwil Yehova pamwing ni akadivar etu yitot, ap tunan ni kusut twa akadivar netu. Tukat kusanger yakudia ya mu spiritu yikatau kuturijekin. Tukat kusanger chisu tusutishininga pamwing ni arund netu ni majuku metu. Musangar wetu wawiy utubachikininga chakwel tukumangana machuku masatu ku chitentam chinech.

Pitukwetinga mutapu wa kukumangan pamwing, tufanyidinap kutongin ching pa yom tukutaninamu ayinetu pakwez tufanyidin kutongin kand mutapu tukutwisha kuyimekeshin antu akwau rukat. (Gal 6:10; Heb 10:24, 25) Anch twayifungwil akadivar nau anambaz etu yis ap kulam ndond yitukushakama ching ayinetu, tukumekesh anch tutekin yisakin ya antu akwau pa ndond ya kusambish. (Fl 2:3, 4) Yitentam yiney yitukwashining kand kuta urund ni arund asu. Kurutu kwa kusambish ni kupwa kwa program ni pa chisu cha kupim, tukutwish kwitekin chisu cha kwijikijan nau antu twakad kwijik. (2Ko 6:13) Yisu yiney yawiy tukutwisha kuta urund ukutwisha kushakam chikupu! Chikwau kand, anch antu akad kumusadin Yehova aman mutapu tukatijadina, yawiy yikutwisha kuyikwash chakwel akwata mupak wa kumusadin Yehova pamwing niyetwetu.​—Yh 13:35.

TAL VIDEO, “RUKAT RUSHICHING CHIKUPU”! YITENTAM YA PA MANGAND MAWONSU, NI KUPWA AKUL KU YIPUL YILONDWILAKU EY:

• Mutapu ik wamekeshinau angendj rukat ayila kukumangan ku yitentam ya pa mangand mawonsu ya muvu wa 2019?

• Mulong wak uumwing ni rukat yidia pakach pa atushalapol a Yehova yishimokishening nakash?

• Mulad ik wa rukat ra win Kristu wakasikeshidinau kud akadivar adia mu Chisak Chitakedila?

• Mutapu ik wamekeshinau akadivar a mu Alemany ni a mu Coré du Sud rukat ra win Kristu?

• Mupak ik tufanyidina kwitekin?