Yakudia ya Muspiritu pa Chisu Chifanyidina
1. Mutapu ik nlel unou muwanyidinay Ezekiel 36:29?
1 Mwant Mujim Yehova ulondin anch, “Nikez kuvudish yakudia chakwel kiukez kufanyap kand nzal ap pakemp.” (Ezek. 36:29) Mazu minam ma uprofet mawanyidin pad antu a Nzamb nlel unou. Mu kulond kwa chifanikesh, Yehova wasala chakwel mbut jivud ja kulam mwom jisong mulong wa antwend. Yakudia ya pa chisu chifanyidina ya muspiritu yipaniningau kusutil ku yikumangan yetu ya distrik yiwanyishin kamu nawamp ukashinsh winou.
2. Mutapu ik usadidilay Yehova yikumangan ya distrik mulong wa kwangan yakudia ya muspiritu pa chisu chau?
2 Ku chikumangan cha distrik chasadika mu Columbus, Ohio, mu muvu wa 1931, Yehova wayitakela in kumwifukwil end ipila dijin disu dia—Atuman’a Yehova. (Isa. 43:10-12) Mu muvu wa 1935 kwikala kujingunin kuwamp kwa chisak chipandikena kujimb cha mu Kuburik 7:9-17. Mu muvu wa 1942, Mukadivar Knorr wasala diskur “Chisambu cha Diamashik—Ov Chikwikal cha Chikupu?” Diskur dined dialeta usu ku mudimu wa kulejan pa mangand mawonsu ni diabuza njil ya kutenchik Shikol ya Bibil ya Gilead ya Watchtower. Kudi kand yikumangan yikwau ya distrik yashala mu rusangu, chikumangan ni chikumangan chamekana kwikal tebur wizwila sens nich yakudia ya ukwash ya muspiritu ya pa chisu chau.—Kus. 23:5; Mat. 24:45.
3. Yom ik tufanyidina kusal mulong tutaninamu ku musambu wa mu spiritu ku chikumangan chetu cha distrik?
3 Ov Udiling Mutapu ik? Chiswapel kwikal nich yakudia yivud ni kwikal kand kwau akezina anch tusadinap usu wa kashinsh mulong wa kudia. (Jinsw. 26:15) Chawiy kand chimwing mu yom ya muspiritu. Ku yikumangan ya distrik yimwing, kwameken anch antu avud akat kusutangan kwau chamwamu ap kulondol kwau nau antu akwau chisu cha program. Ap anch urund ukasikeshina udi chikunku cha usey cha chikumangan cha distrik, chisu cha kwambamb chidi kurutu ap kupwa kwa chikunku. (Mul. 3:1, 7) Anch tushichap pa ndond jetu twend twata matu, tukutwish kwishalap chom cha usey. Atulam a madepartema ma chikumangan cha distrik ni akadivar akweta yisend akutwish kuman anch chawiy chisu cha usey cha kwisambin milong ya chikumangan chisu chisadikina yikunku. Pakwez anch alik kwisambin milong ya chikumangan, afanyidin kulet chilakej ku kuta matu mau ku Program. Kangal muntu ap umwing wa pakach petu ishalap chimwing cha yakudia ya muspiritu yitushidinau.—1 Kor. 10:12; Fil. 2:12.
4. Mutapu ik tukutwisha kwimekesh in kujikitish mulong wa kuvul kwa yakudia ya muspiritu yitenchikinay Yehova?
4 Musangar mud ik mulong wa uyakin wa muspiritu wizwila utwinkinay Yehova, mu kushalijan ni mafundish ma makasu ma Kristendom. (Isa. 65:13, 14) Njil yimwing tukutwishina ‘kwimekesh in kujikitish’ yidi kuman chikumangan cha distrik mud chisu cha kutufundish kudiay Yehova. (Kol. 3:15) Tang matu ku diskur kangal kud mukadivar udisadila, ni kuman anch uruu winou udiokil kudiay ‘Mulej wetu Mujim.’ (Isa. 30:20, 21; 54:13) Tang matu nakash. Fund mu wiswimp manans majim. Chirikin manans majim ma program urel ni urel. Sadil yom wilejang.
5 Chikumangan chin chawonsu cha distrik chisadikina kurutu kwa Armagedon, chisadikinap nchik mu chibeng cha in kuchin, mwi ngand yidia njit, ap mwi ndond mudia chisambu, kudi kumuwin Satan! Pitudia mu umwing wa ukadivar, tukat kusanger yisu yetu ya kukumangan pamwing ku yikumangan ya distrik. (Ezek. 36:38) Tuchingejin kand anch Yehova ukutwinkish nich rukat kupan “yakudia yau pa chisu chiwanyidina.”—Luka 12:42.
5. Ov yikumangan ya distrik yitwinkishin mayingishin ik ma musangar?
[Caption on page 1]
[Study Questions]
[Caption on page 4]
[Picture on page 4]
Sangerany Tebur wa Yehova
◼ Tang matu nakash
◼ Fund manans majim
◼ Urel ni urel chirikin manans ma program
◼ Sadil yom wilejang