BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • mwb21 Mwinses map. 3 ​-​ 16
  • Sadin “Sanger Mwom Chikupu!” mu Mudimu wa Kulejan

Kwikil video ukimbina

Video winou umukimbinap amboku nawamp.

  • Sadin “Sanger Mwom Chikupu!” mu Mudimu wa Kulejan
  • Mudimu ni Mashakamin ma In Kristu—Mukand wa Chikumangan—2021
  • Yom Yifanakena
  • Mutapu wa Kutakel Malejan ma Bibil mu Kusadin Buku “Sanger Mwom Chikupu!”
    Yikata Antu—Ikadish in Kwilej
  • Yikwasha in Kwilejey a Bibil Kushiken ku Dibatish
    Chinong cha Kalam Chilejen Want wa Yehova (Cha Kwilej)—2021
  • Mutapu wa Kumukwash Mwin Kwilej wa Bibil Chakwel Ashiken ku Dibatish—Chikunku Chakusambish
    Chinong cha Kalam Chilejen Want wa Yehova (Cha Kwilej)—2020
  • Mutapu wa Kusadil Broshir Rusangu Ruwamp Ridiokila Kudi Nzamb!
    Mudimu Wetu Wa Want—2013
Tal Yom Yivud
Mudimu ni Mashakamin ma In Kristu—Mukand wa Chikumangan—2021
mwb21 Mwinses map. 3 ​-​ 16

MASHAKAMIN MA MWIN KRISTU

Sadin Sanger Mwom Chikupu! mu Mudimu wa Kulejan

Tusanger nakash pa kwikal ni broshir musu ni buku musu ya kutakel nich malejan ma Bibil! Tumulembil Yehova chakwel ayukisha usu tusadina mulong wa kwikadish in kwilej avud. (Mt 28:18-20; 1Ko 3:6-9) Mutapu ik tukutwisha kusadin mikand yiney yisu?

Sanger Mwom Chikupu!, mukand wa kwilej nich Bibil, ulejen mitapu yisu ya kufundish nich, chawiy londul umutakel unou chisu wirijekina ni utakedina dilejan dia Bibil.a

  • Tang yom yilejenau, ni isambinany yipul

  • Tang maverse malejenau anch “tang” ni mukwasha mwin kwilej kuman mutapu wa kumasadin

  • Talany ni isambinany mavideo, sadinany yipul yilejenau

  • Sal usu wa kupwish dilejan mu kapamp kamwing

Mu mudimu wa kulejan, pan bil broshir mulong wa kuman anch muntu usangaredin. (Tal mushet: “Mutapu wa Kupan Broshir Sanger Mwom Chikupu! Kapamp ka Kusambish.”) Anch wapwishany kwilej broshir pamwing, ni mwin kwilej wakatish kudandamen, ukutwish chad kumwinkish buku ni kusambishin pa dilejan dia 04. Anch wad wasambishin kal kwilej ni muntu mu buku Chitufundishinay ap Shal mu Rukat ra Nzamb, mutwala mu buku Sanger Mwom Chikupu! ni tal ndond ukutwisha kusambishinany.

TAL VIDEO WEZAKU KU DILEJAN DIEY DIA BIBIL, NI KUPWA AKUL KU YIPUL YILONDWILAKU EY:

  • Yom ik yikwilejay mwin kwilej wa Bibil mu buku winou musu?

  • Mulong wak ufanyidin kumulej mwin kwilej musu video winou?

  • Tufanyidin kumukasikesh pakemp pakemp mwin kwilej kukwat ni kuwanyish mipak ik?​—Tal kart: “Yitongijok ni Ya Kusal Mulong wa Chikunku ni Chikunku”

a CHIJIKISH: Ap anch yom yidia mu chikunku “Jingunin Kand” ukutwish kuyitalany ap bwat pa chisu cha dilejan, pakwez ey itekina chisu cha kutang ni kutal yom yawonsu chisu wirijekina. Mwamu ukwijik yom yikutwisha kumusangaresh ni kumukwash mwin kwilej wey. Buku udia pa kapend ap mu JW Library ukwet jindond ja kushat mulong wa kutan mavideo ni yom yikwau.

YITONGIJOK NI YA KUSAL MULONG WA CHIKUNKU NI CHIKUNKU

 

MALEJAN

CHITONGIJOK

YA KUSAL YA MWIN KWILEJ

1

01-12

Shinshikin mutapu ukutwishay Bibil kukukwash ni mutapu ukutwisha kushiken kwijik musul wend

Mukasikesha mwin kwilej kutang Bibil, kurijek dilejan, ni kusambish kukumangan

2

13-33

Shinshikin yom yatusadinau kud Nzamb ni difukwil dikata kumusangaresh

Mukasikesha mwin kwilej kulejan uyakin kud akwau ni kwikal mwin kulejan

3

34-47

Ileja yom yitinay Nzamb kud atushalapol end

Mukasikesha mwin kwilej kwipan kud Yehova ni kumubatish

4

48-60

Jingunin mutapu wa kushal mu rukat ra Nzamb

Mufundisha mwin kwilej kwijik mutapu wa kwauril kuwap ni kuyip ni mutapu wa kukul mu spiritu

MUTAPU WA KUPAN BROSHIR SANGER MWOM CHIKUPU! MU KAPAMP KA KUSAMBISH

Mud mutapu uding ma trakt metu, panyim pa broshir pad chipul chiwamp nakash. Pakish kusal mwamu:

  • Ipul chipul chikweta yakul kushalijan yikutwishay muntu kwitondinap

  • Tang chakul cha Bibil mu Kuseng 37:29

  • Isambinany yom yidia mu chikunku “Chirumburikina Mazu Minam Kud Ey.” Anch kud chisu, tang maverse ni rumburil yipich

  • Mwita muntu chakwel wakul ku chipul chidia piswimp ni kwinshin kwa paj, ni sambishany kwisambin dilejan dia kusambish

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan