Yakamish Yawonsu Yikwet Nsudien

Yakamish yikutwish kutuziyish pakad kulab, pakampwil anch yamekan mud yilabin ni kupwa. David wading wij anch mulong wend ni Mwant Saul wafanyina kwikil ni nsudien ni anch wafanyina kwikal mwant mud mwashilayimu Yehova. (1Sam 16:13) Ritiy ra David ramukwasha kwikal mwin kushimpish muchim ni kumuchingejin Yehova.

Chisu turishina ni yakamish, tukutwish kusadin manangu, ronganyin ap ukaliweny wa kutong mulong wa kupwish yakamish yetu. (1Sam 21:12-14; Jnsw 1:4) Pakwez yakamish yimwing yikutwish kudandamen ap anch twasalap nchik usu wetu wawonsu kukwatijan ni mbil ja Bibil. Mu yisu mud yiney, tufanyidin kushimpish muchim ni kumuchingel Yehova. Piswimp ap ukupwish mar mawonsu tumena ni kukusol mansoj mwawonsu’ ku mes metu. (Kuj 21:4) Anch mar metu makep mulong wa ukwash udiokila kud Yehova ap mulong wa mayingishin makwau, tukwet kashinsh anch: Yakamish yawonsu yikwet nsudien. Kwijik yom yiney kukutwish kutukasikesh.

TAL VIDEO ATUSHALAPOL ADIA MU UUMWING MU MANGAND MAUROKINA, NI KUPWA AKUL KU YIPUL YILONDWILAKU EY:

• Yikokujol ik yarishau nich in Kristu a kurul kwa États-Unis?

• Mutapu ik wamekeshau mwikadil wa kushimpish muchim ni rukat?

• Mutapu ik wadandamenau kushinshikin pa ‘yom yikweta usey nakash’?—Fl 1:10