Ov, Warijekin kal Yiukusala Anch Kwashiken Kanvundangesh?

Pasejina disudiel dia mangand minam piswimp, tuchingejin anch kanvundangesh, materorism, ni njit yikupandikan. (Kuj 6:4) Mutapu ik tukutwisha kwirijek mulong wa milong yiney?

• Irijeka mu spiritu: Jingunin mbil ni jinsangu ja Bibil jikukwashina kumuchingejin nakash Yehova ni dirijek diend, ni jikukwashina kand kulik kwikal ku mutambu kanang. (Jnsw 12:5; jr-F p. 125-126 par. 23-24) Chinech chawiy chisu cha kukasikesh urund wey nau akadivar ni anambaz ney mu chikumangen.​—1Pi 4:7, 8

• Irijeka ku mujimbu: Rijek yom ukwikala nich kuswir ap yikukukwasha anch kwikil mutapu wa kubudik mu chikumbu. Tenchik yom ukusala anch chakwit kushemunik. Shinshikin yom yidia mu sakosh wey wa kuchin nich, ni tekamu yom ya kwichidij nich (mud magang, mask) ni nfalang. Ikal nish kashinsh anch ukwet mutapu wa kwambamb nau amakurump ni anch niyau akutwish kwambamb ney.​—Is 32:2; g17.5-F p. 3-7

Chisu cha kanvundangesh, lam yaku yey ya mu spiritu, mud kulembil, kwilej, ni kukumangan. (Fl 1:10) Ipuk kwendangan kwau chamwamu. (Mt 10:16) Yikwasha akwen aburedina yakudia ap yom yikwau ya usey.​—Ro 12:13.

TAL VIDEO OV, WARIJEKIN KAL YIUKUSALA ANCH KWASHIKEN MAR? KUPWA AKUL KU YIPUL YILONDWILAKU EY:

• Mutapu ik ukutwishay Yehova kutukwash pa chisu cha mar?

• Yom ik tukutwisha kusal mulong wa kwirijek?

• Mutapu ik tukutwisha kuyikwash akwetu amena mar?