MASHAKAMIN MA MWIN KRISTU

Ov, Wirijekin kal Mulong wa Kurish ni Milong ya Kuburen Nfalang?

Chikatap kutushimokish anch twaman mutapu yinship ya mangand yiletishina milong ya kuburen nfalang pa mangand mawonsu. Mulong wak? Mulong tushich kwinsudien kwa machuku ma kwinsudien ni Bibil utubabeshin kulik kutek ruchingej retu mu ‘mapit makutwisha kusheshik.’ (1Tm 6:17; 2Tm 3:1) Chilakej cha Mwant Josafat chitufundishin ik piur pa kwirijek mulong wa kurish ni milong ya kuburen nfalang?

Chisu chakimbau kuyirishikish kud akankuny, Josafat wamuchingejina Yehova. (2Jsng 20:9-12) Warijeka kand muchid kurutu kwa chisu kusutil kukasikesh misumb ni kutek yibeng ya amasalay. (2Jsng 17:1, 2, 12, 13) Niyetu tufanyidin kumuchingejin Yehova ni kwirijek mulong wa kurish ni yirung yikash, mud mwasalay Josafat.

YOM IK TUKUTWISHA KUSAL MULONG WA KWIRIJEK MULONG WA KURISH NI MILONG YA KUBUREN NFALANG?

Irijeka mu spiritu: Kudish mwikadil wa kusanger yom ukweta, ni ikal nich kashinsh anch Yehova ukuwanyish maswir mey ma pichuku pichuku. (Mt 6:26; 1Tm 6:8) Kwat mupak wa kulik kujip mbil ja Bibil mulong wa kuwanyish maswir minam. (Ro 2:21) Rijek mutapu wa kudandamen kwikal ni yakudia ya mu spiritu anch akatul kasu ka nzembu ap Internet. Lamaku mikand yimwing ya kuchap, ni anch chitwishikin, pwit pa kapend mikand yimwing ni yilamina mu aparey wey.

Irijeka ku mujimbu: Kepish mabaz ni kulandol yom chamwilandodin kurutu milong ya kuburen nfalang yishik. (Jnsw 22:7) Anch chitwishikin lamaku yakudia kanang ni yom yikwau ya usey. Antu amwing akutwish kand kushinshikin mulong wa kuman anch akutwish kudim yishash mulong wa kulam nfalang.

TAL VIDEO OV, WARIJEKIN KAL YIUKUSALA ANCH KWASHIKEN MAR? KUPWA AKUL YIPUL EY:

Yipich ya mu video “Ov, Warijekin kal Yiukusala Anch Kwashiken Mar?” tuyinkatang tumekeshin Bibil, sakosh wa kuchin nich ni telefon, ni antu in kutung.

Yom ik ukutwisha kusal pakampwil mulong wa kwirijek ku yishiken ya mar?

Your answer

Yipich ya mu video “Ov, Warijekin kal Yiukusala Anch Kwashiken Mar?” Akadivar akat kukwash kupwa kwa mar, akwashin kutung ni kushirish yom ku motak.

Mutapu ik tukutwisha kwirijek mulong wa kuyikwash antu akwau?

Your answer