Kampany wa Pakampwil Mulong wa Kusambish Malejan ma Bibil Mwi Ngond wa 9

Mwi Ngond wa 9, tukwipan nakash mulong wa kusambish malejan ma Bibil mu kusadin broshir Sanger Mwom Chikupu!. In kulejan akutwish kusal mudimu wa uchibol nkwash wa asaa 30. Mutapu ik tukusala kampany winou?

• Kapamp ka Kusambish: Sadin chibur cha panyim cha broshir mulong wa kusambish mambamb, ni rumburil mutapu ukata kusadik dilejan. Kangal wayivuramen antu asangera uruu wetu mu machuku ma kwinyim, kuwejaku ni antu ukata kuchirikinang. Ap anch alika kwitiy dilejan dia Bibil pakur, pamwing ap akutwish kusanger mulad wetu usu wa kwilej ni antu mu kusadin broshir. Tufanyidinap kusha broshir anch tumutaninap muntu ku chikumbu ap kuyituminay antu alika kusanger uruu wetu. Komite wa Mudimu wa Chikumangen ukutwish kutenchik kand yikumangan yikwau ya mudimu mwi ngond ukusadika kampany.

• Milad Yikwau: Anch chikumangen chen chikat kusadin ma prezantwar, ukutwish kutekanamu broshir Sanger Mwom Chikupu!. Yijikishany antu awonsu akusenda broshir anch akutwish kwilej Bibil pakad kufut kusutil broshir winou. Murumburila muntu mu wiswimp mutapu ukata kusadik dilejan dia Bibil, ap ovijan nend mulong wa kumurumburil chisu chindj. Kalam wa mudimu ukutwish kutond in kulejan awanyishina yitinau akutwisha kuya kusambish malejan ma Bibil mwi ndond musadidinau antu mudimu wa kwisak. Ukutwish kand kuyilej ambay ney a mudimu chakwel usambisha kwilej nau Bibil ap kand antu wisambina nau paulejena mu mutapu wa chikashimwish.

Yesu watwinkisha mbil ya ‘kwikadish in kwilej’ ni “kuyifundish.” (Mt 28:19, 20) Elany amboku kampany winou wa pakampwil atukwasha kusal mwamu kusutil kusadin Sanger Mwom Chikupu!