Ov Ukat Kusadilany Broshir Nzamb Witin Mulong wa Kusambish Malejan?
1 Ov wij anch ang ukat kwisambin piur pa Baibel pakad kujing nich ukaliweny, ap kusu mu wiswimp, ni muntu umekeshina kusanger ni kwisambin yom yidia mu umwing wa mikand yijimbwilau, ukat kutakel dilejan dia Baibel? Chakin kamu, dined didi dilejan dia Baibel ap anch dilejan dikat kusadikin ku chikumbu ap ku telefon. Ov, ukutwishap kusal usu wa pakampwil mu chirung cha Ndol-Mem ni Kalol chakwel kusambish dilejan nich kusadil broshir Nzamb Witin?
2 Irijeka Chakwel Kwikal Nich Dilejan: Chisu upanina broshir Nzamb Witin, ufanyidin kwijik kamu nawamp yiusotila kwisambin. Anch usadil kuchirikinamu, vurik misamb wadingany nich piweza kapamp ka kusambish. Iyipulap amwiney anch: ‘Paragraf ik udia mu broshir nikutwisha kukasikeshin nakash chakwel kuvuvurish nakash misamb yikutwisha kutwal ku dilejan dia Baibel?’ Anch uyil ku chikumbu ni chikumbu, shinshikinany mitu ya milong yifanyidina kud nsand ukweta mivu kudiosh ku 13 kushik ku 19, ipal, ikundj, ap mband. Chirikin mitu ya milong yijim yisambidinau mu broshir, ni kutond mutu wa mulong umwing usangareshina. Kupwa kwa kutond misamb ya kwambambin, pakish kwiyijidish tupamp tuvud mutapu wa kuyisadil. Winou udi umwing wa mitapu tukutwisha kusambish dilejan.
3 Wenjil wa Mudimu Wetu wa Want wa Chiwong upanin yiyul chinan mu mutu wa mulong “Yiyul Mulong wa Kupan Broshir Nzamb Witin.” Mushet “Mazu ma Kusambish Kamu Nich” ulejen mutapu wa kusadil broshir mulong wa kusambish malejan. Ukutwish kwambatanish chiyul cha kusambish mu mutapu ulondwilaku ou:
◼ “Ov wij anch mu aminit kusu akemp, ukutwish kutan chakul ku chipul chimwing cha usey nakash cha Baibel? Chilikej, mulong wak kudia marelijon mavud makata kulond anch madi ma Ukristu? Ov, wapakishap kal kutongijokin piur pa mulong winou?” Kupwa kwa kutesh chakul cha muntu, karumukin ku difundish 13 ni isambinany maparagraf maad ma kusambish. Anch chisu chidiaku, tang ni kwisambin mufund umwing ap yaad. Kupwa tang chipul cha nsudiel chidia kwiur kwa paj, ni kulond anch: “Chikunku chishadilaku cha dilejan chikasikeshidin yijiken yitan yijim ya relijon wakin. Nikwet musangar wa kwez kand kushinshikin yom yiney pamwing niyey.”
4 Dandamenany: Isakinany chisu chawonsu chimekena mulong wa kusambish dilejan dia Baibel mu broshir Nzamb Witin. Lembil mulong wa kutan chiyukish cha Yehova. (Mat. 21:22) Anch wadandamenany kusal usu wen wawonsu, ukez kumanany musangar wakashinsh wa kumukwash muntu kanang kwitiyin rusangu ruwamp!