Uruw ud Uumwing wa Rawonsu

Ma uruw ma musangar ma in Kristu makat kumutumbish Yehova ni kuyiletin kand ambay a uruw musangar. (Mar 10:9) Mulong wa kwikal ni uruw wa rawonsu ni wa musangar, mwin Kristu ufanyidin kusadin mbil ja Bibil chisu chitondinay mbay wa uruw.

Kangal wizez ni muntu kushik ni ‘paukusutina chisalamb cha usand,’ chirung chikatay muntu kwikal ni maku makash nakash ma kulalijan, makutwisha kumukangesh kukwat mipak yiwamp. (1Ko 7:36) Sadin nich manangu mivu yey ya ujich mulong wa kukasikesh urund wey ni Nzamb ni kukudish mikadil ya win Kristu. Mwamu, paukwatana ap kwachik, ukutwish kukwash dijuku diey kwikal ni musangar.

Kurutu kwa kwitiy kwatijan ni muntu, itekina chisu chiwanyidina cha kwilej kwijik wuntu wend “wa mukach mwa muchim.” (1Pi 3:4) Anch wasambish kwidjidjek nakash piur pa chom kanang, ichisambina nend pamwing. Mud mu urund win wawonsu ukwetingau antu, mu uruw chifanyidin kwiyipul anch, yom ik nikumwinkisha mbay nam, pa ndond pa kwiyipul anch yom ik nikutaninamu. (Fl 2:3, 4) Anch wasadin mbil ja Bibil kurutu kwa kwandam mu uruw, chikukuswapel kudandamen kusal mwamu anch wandamamu, ni ukwikal ni musangar mu uruw wey.

TAL VIDEO KWIRIJEK MULONG WA URUW​—CHIKUNKU CHA 3: “SAL TUPAMP,” KUPWA AKUL KU YIPUL YILONDWILAKU EY:

• Kwinsambishin urund wa nambaz ni Shane wading uyil mutapu ik?

• Yom ik yajinguninay nambaz pasambishay kumwijik ikundj nawamp?

• Mutapu ik wamukwashau kud anvajend, ni mupak ik wa manangu wakwatay?