Ov, Usadidining Bibil Wakwatinau kal Mazu?

Pa kapend ketu ni mu JW Library ukutwish kutan mazu makwatinau kal ma Bibil Traduction du monde nouveau.a Akat kumabudish pakemp pakemp mu mazu kushalijan. Chom chimwing pakach pa yom yisadina anch mazu minam makwatinau kal mikal mawamp nakash chid anch asadidinamu mazu ma antu kushalijan pa ndond ya muntu ni muntu wisambidinau mu Bibil. Yom ayitangin nawamp nich yovil mulong wa kwovakesh nawamp uruu wa Bibil.

Bibil wakwatinau kal mazu uyikwashin mutapu ik antu amwing? Antu avud akata kutesh chisu ni chisu kutang kwa Bibil wakwatinau kal akat kumusanger nakash mulong ukat kuyikwash kuman yom mud yisadikin katat. Kutesh mazu ma antu kushalijan pa ndond ya muntu ni muntu wisambidinau mu Bibil, amen anch kukat kuyikwash kutongijokin nawamp yinship yisambidinau mu Bibil ni kutesh nawamp yom yifundinawamu. (Jnsw 4:5) Akwau avud niyau atanin anch kutesh mazu ma Bibil wakwatinau kal kukat kuyikwash kwiyov nawamp chisu chikwetau yakamish.​—Kus 94:19.

Kutesh Dizu dia Nzamb mutapu uditanginau nich dizu dia piur kukutwish kwikal ni usu mu mwom wetu. (2Jsng 34:19-21) Anch Bibil wakwatinau kal mazu udiaku wakabuj ap wa chikunku mu dizu uteshining, ov, umen nchik anch mu mijikit yey ya mu spiritu wawejamu chaku cha kumuteshang?

TAL VIDEO MUTAPU UKWATININGAU MAZU MA BIBIL​—KACHIKUNKU, KUPWA AKUL CHIPUL ECH:

Yom ik yikupukwina nakash piur pa mutapu ukwatiningau mazu ma Bibil?