Limish Program Wey wa Kutang Bibil Dichuku Dawonsu

Etu awonsu tukweting yom yivud ya kusal. Ov, chikukasikedining yisu yimwing kutang Bibil dichuku dawonsu? (Jos. 1:8) Anch mwawiy, ikasikesha kusadin yiyul yiney:

• Sadin chamu chikutwisha kukuvurish. Tek alarm pa telefon wey mulong wa kuvurik chisu cha kutang Bibil.

• Tek Bibil wey pa ndond ukutwisha kumumanaku. Anch utangining Bibil wa dipaper, muteka pa ndond ukutwisha kumuman dichuku dawonsu.​—Kuv. 11:18.

• Ukutwish kusadin Bibil wakwatinau kal mu mazu. Ukutwish kumutesh Bibil wakwatinau kal mu mazu chisu usadina midimu yey. Tara, maku umwing uda chibol ukata kusal mudimu wa chisu chikemp uchuku ulondin anch: “Kutesh Bibil wakwatinau kal mazu chisu nikata kusal midimu ya kuchikumbu, kukat kwinkwash kulam program wam wa kutang Bibil.”

• Kangal waziy. Anch kwashiken chikangesh chikutwisha kurumbangesh program wey, ikasikesha kutang ap verse umwing kurutu kwa kulal. Ap anch ukat kutang kwey maverse makemp pakwez dichuku dawonsu, ukutwish kutaninamu nakash.​—1 Pita 2:2.