Ukutwish Kukwash ku Musangar wa Dijuku Diey

Yehova ukatin anch majuku mikala ni musangar. (Kus 127:3-5; Mul 9:9; 11:9) Pakwez tukutwish kushadish musangar wetu mulong wa yakamish ya mangand minam ni kurumbok kwa antu a mu dijuku dietu. Yom ik yikutwishay kusal muntu mwawonsu mu dijuku mulong wa kukwash ku musangar wa dijuku?

Ikundj ufanyidin kumulish mukajend. (1Pi 3:7) Ufanyidin kusutish nend chisu pamwing. Ufanyidin kumwit kusal yom yikutwishay ni kumujikitish mulong wa yom yimusadidinay ni yisadinay mulong wa dijuku. (Kol 3:15) Ukat kumulej anch umukatin ni ukat kumubaz.​—Jnsw 31:28, 31.

Mband ufanyidin kukimb mitapu ya kumukwash nfumwend. (Jnsw 31:12) Ukat kumuziyin ni akat kusal yom mu uumwing. (Kol 3:18) Ukat kumulondish nawamp ni kulond yom yiwamp piur pend.​—Jnsw 31:26.

Anvaj akat kusutish chisu pamwing ni anau. (Kuv 6:6, 7) Ni kuyilej anau anch ayikatin. (Mt 3:17) Chisu chiyikandinau, akat kumekesh rukat ni kusadin manangu.​—Ef 6:4.

An akat kuyilimish ni kuyiziyin anvajau. (Jnsw 23:22) Akat kuyilej anvajau yom yitonginau ni mutapu wiyovilau. Akat kwitiy kukand kwa anvajau ni kuyilimish.​—Jnsw 19:20.

TAL VIDEO VUDISH MUSANGAR MU DIJUKU DIEY, KUPWA AKUL CHIPUL ECH:

• Chom ik chasalay muntu ni muntu mulong wa kuvudish musangar mu dijuku?