Dipup​—Dimekeshin Rukat ra Yehova

Kumupup muntu kurumburikin chakusambish kumufumb ni kumulej ya kusal, pakwez kurumburikin kand kumukand ni kumwinkish chibau. Yehova ukat kutupup chakwel tumwifukwil mu mutapu ukatinay. (Ro 12:1; Heb 12:10, 11) Yisu yimwing dipup dikutwish kutwovish kusansan, pakwez dikututwal mwi njil ya kutentam ni kutuletin yiyukish. (Jnsw 10:7) Yom ik yifanyidinau kulam mu manangu antu apupena ni antu apupinau?

Mwin kupupan. Amakurump, anvaj, ni antu akwau kand, salany usu wa kupupan mu mutapu uwamp nich rukat mud musadiningay Yehova. (Jer 46:28) Ap dipup dijim ditin kudipan kukwatijan ni mutapu udia yom ni kudipan nich rukat.​—Tt 1:13.

Muntu upupinau. Chikalap nchik mutapu ukutupupau, tufanyidinap kulik dipup, pakwez tufanyidin kusal usu wa kusadin yom yikutulejau pakad kulab. (Jnsw 3:11, 12) Etu awonsu tukwet kuswir kwa dipup mulong tud antu akad kuwanyin, ni akutwish kutupup mu mitapu kushalijan. Akutwish kutupup kusutil yom tutangina mu Bibil ap tuteshina ku yikumangan. Ap yisu yimwing chitin kuyipup antu amwing kusutil komite wa dirumburish. Anch twitiy dipup tukutwish kwikal ni mwom wa chikupu.​—Jnsw 10:17.

TAL VIDEO “YEHOVA UKAT KUMUKAND MUNTU MWAWONSU UKATILAY,” NI KUPWA AKUL KU YIPUL YILONDWILAKU EY:

• Mutapu ik wapamay Canon, ni mutapu ik waswimpa mwom wend?

• Yehova wamupupa mutapu ik nich rukat?

• Rusangu rend ritufundishin ik?