Tukat Kumekesh Rukat mu Kukwash Kupup kwa Yehova

Kumopat muntu mu chikumangen kukat kuchidij chikumangen ni kumupup muntu wasalang uyimp. (1Ko 5:6, 11) Anch twakwash kupup kwa Yehova, tumekeshin rukat. Mutapu ik chikutwisha kwikal mwamu anch kumopat muntu kukat kulet ushon kud anamakwend ni kud antu adia mu komite wa dirumburish?

Pa yawonsu, anch twasal mwamu tumekeshin rukat mulong wa dijin da Yehova ni mbil jend jishitwila. (1Pi 1:14-16) Chikwau kand, tumekeshin anch tumukatin muntu wopatangau. Chikalap nchik kusansan tukata kov, kupup kukash kukutwish kulet “kutentam ni chisambu.” (Heb 12:5, 6, 11) Tukat kupipej kupup kwa Yehova anch twabombakan ni muntu wopatinau ap muntu wiyaurila kal ni chikumangen. Vurik anch, Yehova ukat kuyipup antwend “mudi mudia yisalijok [yau].” (Jer 30:11) Anch twakwash kupup kwa Yehova ni twalam nawamp yaku yetu ya mu spiritu, tukutwish kudandamen kuchingej anch muntu ukutwish kumuchirikin Tatukwetu wa ranaken.—Is 1:16-18; 55:7.

TAL VIDEO UKWETA MUTU WA MULONG ANCH LAM KUSHINSHAMAN KWEY NICH MUCHIM UMWING, NI KUPWA AKUL KU YIPUL YILONDWILAKU EY:

• 

  Kusansan ik kukatau kov anvaj in Kristu anch mwanau wamulik Yehova?

• 

  Mutapu ik ukutwisha chikumangen kuyikwash antu a mu dijuku ashinshamena?

• 

  Rusangu ik ra Bibil rimekeshina usey wa kushinshaman nakash kud Yehova kusutamu anamakwetu?

• 

  Mutapu ik tukutwisha kutek kushinshaman kwetu kud Yehova pa ndond ya kusambish kulik kud anamakwetu?