Yiyul Piur Pa Mutapu Wa Kusadin Kapend Ketu

Mutapu wa Kutan Mitu ya Milong Yisu Yibudikining pa Kapend

Akadivar ni anambaz netu avud akat kusadin mu mudimu wa kulejan mitu ya milong yisu yikata kubudik pa paj wakusambish wa jw.org. Yiswapel kumutuminay muntu kusutil ma aparey ma elektronik, ni yikat kurumburil yisu yivud mutapu yom yisadikina katat yiwanyishina uprofet wa Bibil. Mukadivar umwing wafunda anch mitu ya milong yikata kubudik pa paj wakusambish wa jw.org “yawiy kamu yom tukweta nich kuswir mu mulad tusadidina katat mulong wa kulejan.”

Pakwez mitu ya milong ya pa paj wa kusambish akat kuyiswimpang chisu ni chisu, chad mutapu ik tukutwisha kutan mitu ya milong yakad kand kubudik pa paj wakusambish?

• Anch wafungul paj wakusambish wa jw.org, ni washirikaku pakemp, shat pafundinau anch “Tal Yivud.” Akukubudishin pafundinau anch “Yatekangau pa Paj wa Nsambishil Kand kal Palab,” pawiy ukutana mitu ya milong yivud yabudikina kand kal palab pa paj wakusambish.

• Pa jw.org ap mu JW Library^®, yang pa “Bibiliyotek,” kupwa pa “Mitu ya Milong,” ni kupwa chad pa “Yom Yikwau.” Ukutan mwinimwa mitu ya milong yivud yadia kubudikang pa paj wakusambish.