Yom ik Nifanyidina Kusal Anch Nidi Musuk wa Pornografi?
Yom ukutwisha kusal
Ijik chidiay kamu pornografi. Pornografi chidi chom cha chamwamu chikimbina kuyipish chom cha usey chatangay Nzamb. Anch waman pornografi mu mutapu winou, chinech chikukukwash ‘kukis yom yiyimp.’—Kuseng 97:10.
Tongin pa yibudikin. Pornografi ukat kukepish usey wa antu amusadina. Ukat kushadish kand kalimish ka muntu ukata kumutal. Bibil uyingin nich palondinay anch: “Muntu wa manangu anch waman yom yikash, ukat kujingam, pakwez antu amwamu akat kuya kurutu ni kwimesh mar.”—Jinswir 22:3.
Kwat mupak. Ikundj ushinshamena Job walonda anch: “Nachipa machip ni mes mam, kinikutalap kand mes kudi amband”. (Job 31:1) Kwinshin oku kudi ‘machip’ mamwing ukutwisha kusal:
Nikusadinap Internet chisu nidia amwinam.
Nikufung pakad kulab sit win mwawonsu ukweta yom yiyimp.
Anch natal kand pornografi, nikumulejamu murund nam uswila mu spiritu.
Pornografi ukat kusal anch muntu ikal musuk—anch wamutal nakash, chikukukasiken kand kulikap
Lembil. Nfund a kuseng wamulembila Yehova Nzamb anch: “Ndioshap mes mam ku yom yamwamu.” (Kuseng 119:37) Nzamb ukatin anch utwisha, ni anch wamulembila ukutwish kukwinkish usu wa kusal yom yitentamina!—Filip 4:13.
Mulejamu muntu. Kutond muntu wa kashinsh ukutwisha kulej ridi rizau ra kulik chaku chinech.—Jinswir 17:17.
Vurik anch: Chisu chawonsu wipukina kutal pornografi, uwinin chipandakena. Mulejamu Yehova Nzamb piur pa kuwin kwey ni mujikitisha mulong wa usu ukwinkishinay. Kusutil kwipuk kutal pornografi, usangareshin muchim wend!—Jinswir 27:11.