-
Ilejina ku Chishimu cha TalentChinong cha Kalam Chilejen Want wa Yehova—2015
-
-
4, 5. Ov, nany udia muntu ap mwant wa mu chishimu, chom ik chirumburikina talent?
4 Tang Mateu 25:14-30. Mikand yetu yading kurumburil anch muntu ap mwant, wa mu chishimu chinech udi Yesu ni waya mu weny chisu chayay mwiur mu muvu wa 33 C.C. Mu chishimu cha kusambish, Yesu wamekesha rutong rend ra kuya chakwel “akamudisha want.” (Luka 19:12) Yesu kikalap Mwant kapamp kamwing chisu chachirikay mwiur.b Pakwez, ndiy “washakam[a] ku chikas cha katatuku cha Nzamb; kwawiy kukat kuchingilay ni pakuyitekau akankuny nend kwikal chipwan cha kwanzuk mend yend.”—Heb. 10:12, 13,TMK.
-
-
Ilejina ku Chishimu cha TalentChinong cha Kalam Chilejen Want wa Yehova—2015
-
-
d Kwinyim kwa rufu ra atwimbuy, Satan wandjika kupumbwok, ni kwikalaku mu yitot yivud ya mivu. Mu chisu chinech, kwadingap mutapu wa kuwanyish chisend chinech cha kuyikadish antu in kwilej ashinshamena a Kristu. Pakwez, yom yafanyina kuswimp chisu cha “kwangul,” mu machuku ma kwinsudiel. (Mat. 13:24-30, 36-43) Tal Chinong cha Kalam cha Kafunfut 1, 2013, paj 15-18.
-
-
Ilejina ku Chishimu cha TalentChinong cha Kalam Chilejen Want wa Yehova—2015
-
-
8. Ap anch kashalapol mwawonsu watambula talent uvud ushalijadina ni wa mukwau, ov, chom ik chadingay mwant kuchingejin?
8 Chishimu cha talent chimekeshin anch mwant wamwinkisha kashalapol umwing talent jitan, kudi mukwau jaad, ni kudi wa nsudiel umwing. (Mat. 25:15) Ap anch kashalapol mwawonsu watambula uvud ushalijadina ni wa mukwau, mwant wading uchingejin anch awonsu ajisadina nawamp, chilik chimwing, chifanyidin kusadil nawamp ukaliweny wau mu mudimu wa kulejan. (Mat. 22:37; Kol. 3:23) Mu mivu chitot ya kusambish, kusambishil pa 33 C.C., in kwilej a Kristu asambisha kwisak nich talent. Mushiku wau wa kulejan ni mudimu wa kuyikadish antu in kwilej aufundin patok mu Bibil mu mukand wa Midimu.d—Mid. 6:7; 12:24; 19:20.
KUSAL MUDIMU WA KWISAK NICH TALENT MU CHISU CHA NSUDIEL
9. (a) Ov, chom ik chasalau atushalapol awonsu aad nich talent, ni chom ik twilejina ku chom chinech? (b) Ov, chisend ik chikwetau “amikoku akwau”?
9 Mu chisu cha nsudiel, pakampwil kudiosh mu muvu wa 1919, in Kristu azizidilau many ashinshamena isaka nich ma talent mayinkau kudi Mwant wau. Mudi atushalapol aad akusambish, akadivar ni anambaz azizidilau many asala mudimu nich yom yau yawonsu yading yikwetau. Chidiap cha usey kukimb kwijik anch nany watambula talent jitan ap jaad. Mu chishimu chinech, atushalapol awonsu aad avudisha tupamp twaad yom yayinkishau kudi mwant, chawiy lel awonsu aad amekesha mushiku. Ov, chisend ik chikwetau antu akweta ruchingej ra kushakam pa divu? Chisend cha usey nakash mudi ik! Chishimu cha Yesu cha amikoku ni ampemb chitufundishin anch antu akweta ruchingej ra kushakam pa divu akwet chisend chiwamp cha kuyikwash anamakwend a Yesu azizidilau many mu mudimu wa kulejan ni wa kufundish. Mu machuku minam makash ma kwinsudiel, yisak yiney yaad yisadin pamwing mudi “chisak chimwing” nich mushiku mu mudimu wa kulejan ni kuyikadish antu in kwilej.—Yoh. 10:16.
10. Ov, chom ik chijim chidia chijingidij cha kwikalaku kwa Yesu?
10 Mwant uchingejin yibudikin. Mudi mulejenau kwiur oku, in kwilejend ashinshamena a mu mivu chitot ya kusambish avudisha chakin kamu mudimu wend. Ov, chidi nchik piur pa chisu chinech cha kwinsudiel pakeza kuwanyin chishimu cha talent? In kwilej a Yesu ashinshamena, ayij mu rusangu rau mudi in kulejan akash ni in kuyikadish antu in kwilej. Usu wau usadinau mu mudimu ukwet yibudikin, kudi in kwilej avud akat kwibomb ku chisak cha in kulejan a Want muvu ni muvu, ni akat kusal mudimu wa kulejan ni wa kufundish udia chijingidij chijim cha kwikalaku kwa Yesu mu uyaj wa Want wend. Chakin kamu, mwant wau ukwet musangar mud ik!
-