Yoh. 14:16, 17; 16:7, 8, 13, 14—Pisambidinay piur pa mwongoj, ap anch spiritu wa uyakin, ov, mulong wak dizu ‘ndiy’ adisadil mu Yohan 14:16, 17, oku mu Yohan 16:7, 8, 13, 14 asadidil dizu “yend” ni “ukez”? Diyingish didi kwau mulong wa gramer. Mu rudim ra Grek, mwafundau Rusangu Ruwamp rafunday Yohan, dizu disadidilau mulong wa “mwongoj” didi dia kumutambu wa ikundj, pakwez dijin “spiritu” didi kwau pakach. Mu kufund mazu ma Yesu, chawiy Yohan wasadila dizu dia ku mutambu wa ikundj, mudi “ndiy” ap “yend,” pisambidinay chikezay kusal mwongoj. Dizu dia pakach “ukez” wadisadila pisambidinay yikezay kusal spiritu wa uyakin.

Yoh. 14:26; 16:13. Spiritu utumbila wa Yehova usadil mudi mulej ni mwin kuvurishan. Usadil kand mulong wa kujingunish uyakin. Chawiy lel, ukutwish kutukwash tukula mu ronganyin, manangu, njingunin, dirumburish, ni ukaliweny wa kutongijok. Chawiy tufanyidin kudandamen mu malembil, kwit kamu spiritu winou.—Luka 11:5-13.