Nzamb Udi Chilakej cha Rukat

1. Yehova Nzamb udi chilakej cha rukat

Ndiy ututakedil.

Mu yom yawonsu yasalay, watuleja

Mutapu wa kumekesh rukat.

Watwinkisha etu Mwanend wa pakampwil

Mulong wa kulikishin kamu yitil yetu.

Winou udi uman wa rukat rend rijim!

Chakin kamu njil ya Nzamb yidi rukat.

2. Anch twamwimburij, tukuyikat akwetu

Nakash kamu, chakin kamu,

Rikutubachik kuyital akatish,

Asu ni akur, pakad katond.

Anch tumukatin chakin Yehova Nzamb,

Komb tukuyikat kand akadivar netu.

Tukulikishin kurumbuk kwa akwetu,

Rawiy rukat ra ukadivar.

3. Rukat udi moj utubombina pamwing

Twikalany mudi dijuku.

Yehova Nzamb wetu utulejin kamu anch:

“Ez, manany uumwing wakin.”

Lejanany rukat ritumekeshina;

Dizu dia Nzamb ni spiritu wend yitukwashin.

Akadivar akat kutuvurish anch,

Yehova Nzamb udi chakin rukat.