Les Témoins de Jéhovah — la foi en action, 1re partie : la sortie des ténèbres
Mu Bibil, kutok akwambateshining nich uyakin, pakwez mididim ayambateshining nich makasu. (Kus. 43:3; Isay 5:20) Satan waleta mididim mu mangand chisu chamudibay Ev, ni kupwa ndiy wapalangesh mididim mu mangand mawonsu. (Kuj. 12:9) Video Les Témoins de Jéhovah — la foi en action, 1re partie : la sortie des ténèbres ulejen jinsangu mutapu kutok kwa muspiritu kwasambisha kumekana mu mididim. (Isay 60:1, 2) Kupwa kwa kutal video winou, ov, ukutwish kwakul ku yipul yilondwilaku ey?
(1) Ov, mutapu ik mididim yikurukina yasambish kukurik kupwa kwa rufu ra atwimbuy? (2) Kusambishin mu muvu wa 1100, kuya kurutu ik kwayikwasha antu kujingunin anch maegliz mafundishinap uyakin? (3) Ov, yom ik twija piur Henry Grew ni George Storrs? (4) Ov, yinship ik mu mwom wa Charles Russell yading nich usu ukash padiay ndiy? (5) Ov, mutapu ik mwasalau Mukadivar Russell, tatukwend, ni antu akemp ileja nend Bibil, ni ashikena kwisudiel kwa Mufund ik? (6) Ov, mutapu ik chisak chinech cha in Kwilej Bibil chashikena kwinung pamwing ni chisak cha Nelson Barbour, pakwez chom ik chamusala Mukadivar Russell adiokalamu? (7) Ov, chom ik chashikena pa Kafumpul 1879 ni chasambisha nich chirung chisu ik cha kutok kwa muspiritu? (8) Kupwa, chom ik chasalau in Kwilej Bibil avud chakwel apalangesha rusangu ruwamp? (9) Mu mivu yivud kurutu kwa muvu wa 1914, ov,yom ik yamanau in Kwilej Bibil? (10) Ov, yikokujol ik yarishau nich in Kwilej Bibil kupwa kwa rufu ra Mukadivar Russell? (11) Ov, chom ik chasalau in Kwilej Bibil kupwa kwa kumudiosh Mukadivar Rutherford ni arund nend mu rukan? (12) Ov, mutapu ik video winou wajimbisha kal chovu chey ni kusangar kwey mulong wa dirijek dia Yehova? (13) Ov, mutapu ik video winou wakasikesha kal mupak wey wa kudandamen kulejan nich mushiku chikalap nchik yikokujol? (14) Ov, mutapu ik tukutwisha kusadin video winou chakwel tuyikwasha anamakwetu a kumujimbu, in kwilej netu Bibil, ni antu akwau?
Uswan wa usey mud ik watushilau kudi in Kwilej Bibil inay a pasak! Mu mangand madia mu mididim ya muspiritu, awiy ading in kulet chitokish atakamena ni in mushiku. Tukutwisha amboku kwimburij yilakej yau, nich “yaku yiwamp mudi antu adia mu kutok.”—Efes 5:8.