‘Pan Uman’
1. Ov, chilakej ik chiwamp chashay kambuy Paul piur pa mudimu wa kulejan?
1 ‘Wanyish mudimu wey wawonsu wa kulejan.’ (2 Tim. 4:5) Kambuy Paul walonda chakin kamu patok pamwinkishay Timoteu chiyul chinech. Chakin kamu, kusambishin pa mu muvu wa 47 djat ni wa 56 C.C., Paul wawanyisha weny usatu wa umishoner. Mukand wa Midimu uchirikidin mazu ma Paul ma “kupan uman.” (Mid. 23:11; 28:23) Ov, mutapu ik tukutwisha kusal niyetu mu chirung chetu?
2. Ov, mutapu ik tukutwisha kupan uman pa chisu tulejeninga ku chikumbu ni chikumbu?
2 Mudimu wa Kulejan wa ku Chikumbu ni Chikumbu: Pitusadina usu wa kwisamb nau in chikumbu akad kutesh rusangu ruwamp dichuku ap dimwing, tufanyidin kuyendil pa chisu chindjing pa dichuku. Mwin chikumbu ukutwish kwikalaku pa saa ya urel ap kwinsudiel kwa rubing. Tufanyidin kusal usu wetu wawonsu wa kwisamb ni muntu kanang ku chikumbu ni chikumbu, kuyichirikin antu akad kwikalaku ku yikumbu yau. Anch usadining usu wey mulong wa kukimb muntu kanang pakwez umutaniningap, ov, chom ik ukusal? Pamwing ap anch washa mukand ap wamutazuk ku telefon kukez kwikal nich yibudikin yiwamp.
3. Ov, yisu ik yimwing tukwetinga ya kupan uman wa patok ni uman wa kukashimwish?
3 Kupan Uman wa Patok ni wa Kukashimwish: Nlel unou atushalapol a Yehova ijikishining ‘manangu makin’ kudi antu awonsu asotila kumatesh. Yisu yivud kwijikish kwinoku kusadikining “mu mikombil” ap “mu mabur majim.” (Jinsw. 1:20, 21) Pituyilinga mu mijikit yetu ya machuku mawonsu, ov, tuding nich ukashinsh anch tupanining uman? Ov, chitwishikina kulond anch tudi ‘ipanina chisu chawonsu mulong wa kurumburil dizu dia Nzamb’? (Mid. 18:5) Anch chidi mwamu, komb tuwanyishining chisend chetu cha ‘kupan uman’—Mid. 10:42; 17:17; 20:20, 21, 24.
4. Ov, mutapu ik kulembil ni kutongijokin kutukwashining mu mudimu wetu wa kupan uman?
4 Yisu yimwing, mulong wa kuziy kwa muntu ipend ap usany twaswana, tukutwish kwov wom wa kupan uman. Chakin kamu, Yehova wij nawamp mipak yetu. (Kus. 103:14) Pakwez, anch mikadil mudi yiney yatushiken, tukutwish kumwit mu malembil chakwel atwinkisha usu wa kulond pakad wom. (Mid. 4:29, 31) Chikwau kand, chisu twilejininga dilejan dia muntu ipend ni kutongijokin pa Dizu dia Nzamb, tukutwish kushinshikin nakash pa musangar wa usey ujim upandakena wa rusangu ruwamp. (Fil. 3:8 ) Chinech chikez kutubachik mud ik chakwel tulejana rusangu ruwamp nich mushiku!
5. Ov, mutapu ik tukutwisha kwipan mu kuwanyish kwa uprofet wa Jowel?
5 Uprofet wa Jowel wasambela kubwak anch kurutu kwa kwez dichuku dijim dia Yehova dikwatishena wom, antu a Nzamb akez ‘kudandamen kuya kurutu’ ni kwikil chom ap chimwing chikutwisha kuyikangesh kusal mudimu wa kulejan. (Jow. 2:2, 7-9) El, amboku etu awonsu tudandamenany kusal yawonsu mu mudimu winou wa kupan uman ukezap kand kusadik!