Sadilany Nawamp Magazet Makur

Mulong magazet makur makutwishap kumukwash muntu kanang anch amaruzokin mu stok wa mikand ap amadjibwiling kwau, chawiy tufanyidin kupakish kumapan. Gazet umwing ukutwish kumubachik muntu kanang chakwel amekesha musangar mu uyakin ni kumubachik kand chakwel asambisha kutazuk dijin dia Yehova. (Rom 10:13, 14) Yiyul yimwing yilondwilaku ey yilejen mutapu wa kusadil nawamp magazet makur.

• Yisu yivud, chiwapil kutambul mbil pakampwil kudi muntu winkishinau mbil anch udiaku. Anch umena anch kuchidi kand magazet mavud pinap, kangal wamasha mavud.

• Ov, muntu winou ukweta dijuku? Ov, usotil kukas weny? Ov, usangaredin kudim? Kimb manimero makur ma magazet chakwel wijika anch mudi mutu wa mulong ukezay muntu kusanger kutang ni kumulejau chisu ukumuchirikin.