“Mutapu wa Kupan Gazet Mukur ap Broshir Mwin Mwawonsu Wisambidina Piur pa Muntu Usangaredina”

Pa chisu cha ngond tupanina buku Chifundishinay Bibil ni kusal usu wa kusambish dilejan kapamp ka kusambish ka kumanijana ni muntu, atukasikeshin tupana “gazet umwing mukur ap broshir wisambidina piur pa muntu usangaredina.” Anch mwin chikumbu umukwet kal buku winou ni kitiyijinap dilejan. Ov, mulong wak?

Mabroshir ni magazet makur mashinshikidin mitu ya milong kushalijan ya pa chisu chau. Yom kanang yidia mu mikand yiney yikutwish kupukun ku muchim ya mwin chikumbu. Chawiy lel, chisu ulongijina sakosh wey wa kupanin uman, ukutekamu mabroshir kushalijan ma kusadil ni magazet makur. Anch ukwetanyap magazet makur, pamwing ap ukutwishany kutambulany magazet mamwing ma komand wen. Kupwa, anch mwin chikumbu umukwet kal buku Chifundishinay Bibil ni kitiyijinap dilejan dia Bibil, ukutwish kumulejany magazet mamwing ni mabroshir maukwetanya ni kumwit atonda misu ma musangareshina. Kupwa, irijekany chakwel uchirikany ku kudish musangar wend. Pamwing ap dilejan dia Bibil dikez kwikal nich chibudikin.