BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • fg dilejan 2 ques. 1 ​-​ 5
  • Nzamb Udi Nany?

Kwikil video ukimbina

Video winou umukimbinap amboku nawamp.

  • Nzamb Udi Nany?
  • Rusangu Ruwamp Ridiokila kudi Nzamb!
  • Yom Yifanakena
  • Ov, Nzamb Udi Nany?
    Chinong cha Kalam Chilejen Want wa Yehova—2011
  • Nzamb Udi Nany?
    Chom ik Chitufundishinay Bibil?
  • Wisu Uyakin Piur pa Nzamb?
    Chom ik Chakin Kamu Chifundishinay Bibil?
  • Mulong wak Tufanyidin Kusadil Dijin Dia Nzamb?
    Chinong cha Kalam Chilejen Want wa Yehova—2012
Tal Yom Yivud
Rusangu Ruwamp Ridiokila kudi Nzamb!
fg dilejan 2 ques. 1 ​-​ 5

DILEJAN 2

Nzamb Udi Nany?

1. Ov, mulong wak tufanyidina kumwifukwil Nzamb?

Nzamb wakin udi Sakatang wa yom yawonsu. Ndiy kakwetap disambishil ni kakezap kwikal ni nsudiel. (Kuseng 90:2) Ndiy udi Musul wa rusangu ruwamp ridia mu Bibil. (1 Timote 1:11) Mulong Nzamb watwinkisha mwom, tufanyidin kumwifukwil ching kusu ndiy.—Tang Kujingunik 4:11.

2. Ov, Nzamb ufaniken nich ik?

Kwikil muntu ap umwing wamumanap kal Nzamb, mulong udi Spiritu, chawiy chirumburikin anch ndiy uding piur nakash pa yitang yawonsu yikweta mwom pa divu. (Yohan 1:18; 4:24) Ap mwamu, tukutwish twashinshikin untu wa Nzamb kusutil ku yom yatangay. Chilakej, mitapu kushalijan ya mabuj ni yisalamb yitulejin rukat ni manangu. Kujimb kupandakena mudi ik kwa diur kutulejin usu wend.​—Tang Rom 1:20.

Tukutwish kwilej yom yivud piur pa Nzamb kusutil ku kutang Bibil. Chilakej, utulejin chom chikatiningay Nzamb ni chakadiay kukat, mutapu uyimeningay antu, ni mutapu wakwilingay ku mashakamin kushalijan.​—Tang Kuseng 103:7-10.

3. Ov, Nzamb ukwet dijin?

Dijin dia Nzamb, Yehova mu mazu kushalijan

Yesu walonda anch: “Tatukwetu udia mwiur dijin diey aditumbish.” (Mateu 6:9) Ap anch Nzamb ukwet yijiken yivud, ukwet dijin dimwing kusu. Mu jindim kushalijan, adijimbwil mu mitapu kushalijan. Mu Uruund tulondining anch “Yehova.” Pakwez antu amwing aditazukining anch “Yahweh.”​—Tang Kuseng 83:18.

Dijin dia Nzamb adidioshin kal mu ma Bibil mavud ni kudiswimp nich yijiken mudi Mwant ap Nzamb. Pakwez pafundau Bibil, dijin dia Nzamb adifunda tupamp 7 000. Yesu wijikisha dijin dia Nzamb mu kudisadil parumburilay Dizu dia Nzamb kudi antu. Ndiy wayikwasha chakwel amwijika Nzamb.​—Tang Yohan 17:26.

Tal video ulondina anch Nzamb Ukweting Dijin?

4. Ov, Yehova ukat kutubangin?

Tatuku ni maku amusendin mwanau uyendina

Chidiay tatuku wa rukat, Nzamb usadin mulong wa ntong jetu jiwamp ja machuku ma kurutu

Ov, kupandakan kwa mar kumekeshin anch Nzamb kakatap kutubangin? Antu amwing alondining anch Nzamb utumeshining mar mulong wa kutupak, pakwez chidiap chakin.​—Tang Jakobu 1:13.

Nzamb wamwinkisha muntu want ipau. Ov, tukatap kusanger want ipau tukweta wa kutond mulong wa kumusadil Nzamb? (Joshua 24:15) Mar mapandiken mulong antu avud asotining kuyisal antu akwau uyimp. Chimwovishining Yehova ushon pa kuman uyimp winou.​—Tang Disambishil 6:5, 6.

Yehova udi Nzamb ukata kutubangin. Ndiy usotin etu twikal ni musangar mu mwom. Piswimp ap ukez kudiosh mar ni antu amaletininga. Ndiy ukwet diyingish diwamp dia kulikidil mar chisu chikemp. Mu dilejan dia 8, tukez kwilej chirumburikina diyingish dined.​—Tang 2 Pita 2:9; 3:7, 13.

5. Ov, mutapu ik tukutwisha kwikal piswimp ni Nzamb?

Mband ukat kumulembil Nzamb

Yehova ututazukin chakwel twikal piswimp nend kusutil ku kwambamb nend mu malembil. Ndiy ukata kutubangin muntu ni muntu panrend. (Kuseng 65:2; 145:18) Ndiy ukat kusanger dilikishin. Ndiy wij usu tusadina mulong wa kumusangaresh, ap tukangening yisu yimwing. Chawiy, chikalap nchik kuburen kuwanyin kwetu, tukutwish chakin kamu kusanger urund wa piswimp ni Nzamb.​—Tang Kuseng 103:12-14; Jakobu 4:8.

Mulong Yehova watwinkisha mwom, tufanyidin kumukat nakash kupandakanamu muntu mukwau. (Marko 12:30) Piumekeishin rukat rey kudiay Nzamb kusutil ku kwilej yom yivud piur pend ni mu kusal yom yitinay, ukez kwikal piswimp kamu nend.​—Tang 1 Timote 2:4; 1 Yohan 5:3.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan