Kuvumbuk—Kukwikalaku Mulong wa Difut

Chivurikish chitwikinshining mutapu uwamp wa kutongin pa yiyukish ya machuku ma kurutu yikwikalaku mulong wa difut mudi yiyukish ya divumbuk. Chitongijok cha Yehova chadingap anch antu asambisha kufa. Chawiy lel, rufu ra mukatish riletining ushon nakash. (1Ko 15:26) Yesu wova ushon nakash payimanay in kwilej end amudil lel Lazar. (Yh 11:33-35) Mulong Yesu umekeshining kuwanyin kwa Tatukwend, tukutwish kwikal nich kashinsh anch Yehova ni ndiy woviling ushon nakash pafilingau anamakwetu. (Yh 14:7) Yehova uchingedin ni musangar pakezay kuyivumbul atushalapol end, tukutwish niyetu kusanger.—Job 14:14, 15.

Mulong Yehova kadiap Nzamb wa kanvundangesh, chidi chakin kwitiyij anch divumbuk dikez kusadik pakad kanvundangesh. (1Ko 14:33, 40) Pa ndond pa kutek yidil, kukwikal yisu ya kuyak antu akeza kuvumbuk. Ov, utongijokining piur pa divumbuk, anch udi mu chisu cha mar? (2Ko 4:17, 18) Umujikitishining Yehova mulong wa difut diapanay ni mulong wa kulejan patok mu Bibil anch afu akez kuvumbuk?—Kol 3:15.

• Nany pakach pa arund ney ap anamakwey ukukata kuman kand?

• Nany pakach pa antu isambinau mu Bibil ukukata kutanijan ni kwambamb nau?