Mareferans ma Mudimu ni Mashakamin ma in Kristu Mukand wa Chikumangan
NGOND WA 2 RUBING RA 4-10
YOM YA USEY YIDIA MU DIZU DIA NZAMB | ROM 1-3
“Dandamen Kufumb Kom Key”
Kom Kawamp Kurutu kwa Nzamb
6 Ap antu akad kumwijik Yehova ijing anch kudi yom yidia yiwamp ni yom yidia yiyimp. Bibil ulondin anch: “Mulong yitongijok yau yikat kuyifish nich yisu yimwing, pakwez yisu yikwau yikat kuyiyingish.” (Rom 2:14, 15) Chilakej, antu avud ijing anch chiding chiyimp kujipan ap kwiy. Ap anch kijap mwamu, akat kutesh kom kau, mutapu wayinkishau kudi Yehova wa kwijik kwauril yom yiwamp ni yom yiyimp. Akat kulondul kand mbil ja Nzamb, ap uyakin wa pa dishin wapanay Yehova mulong wa kutukwash kukwat mipak yiwamp mu mwom.
Kom Kawamp Kurutu kwa Nzamb
8 Antu amwing atongin anch kutesh kom kau kurumburikin kulondul yovil yau. Atongining anch akutwish kusal yom yawonsu yikatinau anch yom yiney yiyisangareshin. Pakwez yovil yetu yidi yakad kuwanyin ni yikutwish kutudimb. Yovil yetu yikutwish kwikal ni usu ukutwisha kuyipish kom ketu. Bibil ulondin anch: ‘Muchim ukwet rubabek nakash kupandakan chom chin chawonsu, upandaken kamu kuyip. Nany ukutwisha kuwijik?’ (Jeremiy 17:9) Chawiy tukutwish kusambish kutong anch chom kanang chidi chiwamp ap anch chidi chiyimp. Chilakej, kurutu Paul ikala mwin Kristu, wayimesha antu a Nzamb mar nakash ni kutong anch wading usadin yom yiwamp. Mu kutong kwend, wading umen anch ukwet kom kawamp. Pakwez kupwa walonda anch: “[Yehova] ndiy mwin kwinrumburish.” (1 Korint 4:4; Midimu 23:1; 2 Timote 1:3) Pilejay Paul mutapu wading wovilay Yehova piur pa yom yadingay kusal, wamana anch wading ufanyidin kuswimp. Chakin kamu, kurutu tusala chom kanang, tufanyidin kwiyipul anch, ‘Yom ik yikatinay Yehova anch nisala?’
9 Anch umukatin muntu, ukukatap kulik kumusangaresh. Mulong tumukatin Yehova, tukatinap kusal chom ap chimwing chikutwisha kulik kumusangaresh. Wom wetu wa kulik kumusangaresh Yehova ufanyidin kupandakan nakash. Tumen yom yiney kusutin chilakej cha Nehemiy. Walika kusadin ndond yend ya uguverner mulong wa kwikal mpich. Mulong wak? Warumburila anch chading mulong wa ‘wom wa Nzamb.’ (Nehemiy 5:15) Nehemiy kakatap kusal chom ap chimwing chela kulik kumusangaresh Nzamb. Mudi Nehemiy, niyetu tukat kwov wom wa kulik kumusangaresh Yehova kusutil ku kusal chom chiyimp. Tukutwish kwilej yom yimusangarishina Yehova kusutin kutang Bibil.—Tal Mazu ma Kwinsudiel 6.
Kukimbijol Mapit ma mu Spiritu
wp08 15/6 paj 30 par. 5
Manans Majim ma Buku wa Rom
3:4. Pimakata mazu ma muntu kupwitijan nich yilondilay Nzamb mu Dizu diend, tukat kumulik “Nzamb ikal mwin yakin” kusutil ku kuchingejin uruu udia mu Bibil ni kusal kukwatijan nich rusot ra Nzamb. Kusutil ku kulejan nich mushiku mudimu wa Want ni wa kuyikadish in kwilej, tukutwish kuyikwash antu amana anch Nzamb udi mwin yakin.
wp08 15/6 paj 29 par. 6
Manans Majim ma Buku wa Rom
3:24, 25—Ov, mutapu ik ukutwisha ‘difut diapanay Kristu Yesu’ kujimwangesh ‘yitil yasalau pasak’ kurutu afuta difut dined? Uprofet wa kusambish piur pa Mesia, wafundau mu Disambishil 3:15, wawanyina mu muvu wa 33 C.C. pamujipinau Yesu pa mutond wa mar. (Gal. 3:13, 16) Pakwez, pa chisu chalonday Yehova ya uprofet winou, usey wa difut wadinga ku mes kwend mudi aufuta kal, mulong kwadingap chom chikutwisha kumukangesh Nzamb kuwanyish jintong jend. Chawiy lel, kwengamin pa difut dia Yesu Kristu diadinga dichidia kurutu, Yehova watwisha kulikishin yitil ya an a Adam akeza kutek ritiy rau mu kushilamu kwinoku. Difut ditwishishin kand kuvumbuk kwa antu adingaku kurutu kwa win Kristu.—Mid. 24:15.
NGOND WA 2 RUBING RA 11-17
YOM YA USEY YIDIA MU DIZU DIA NZAMB | ROM 4-6
“Nzamb Wamekesha Mutapu Utukatilay Etu”
wp11 1/6 paj 20 par. 5
Nzamb Wamekesha Mutapu Utukatilay Etu
5 Paul wisambina mulong winou, pasambishay nich mazu minam anch: “Yitil yandamina mu mangand ku muntu umwing, chad yitil yend yaleta rufu chawiy rufu riner rashika kudi antu awonsu, mulong antu awonsu asala yitil.” (Rom 5:12) Tukutwish kujingunin chinech nawamp mulong Nzamb wafunda mukand ulejena mutapu mwom wa muntu wasambisha. Yehova wayitanga antu aad, Adam nenday Ev. Sakatang udi mwin kuwanyin, antu akusambish, ap ashankur netu niyawiy ading awanyidina. Pakwez Nzamb wayinkisha yany yifanyidinau kulondul ni wayileja anch kuburen kuziyil ku chijil chinech kukez kuyiletin rufu. (Dis. 2:17) Pakwez, awiy atonda kusal uyimp, ajirila yany yitentamina ya Nzamb, chawiy lel awiy alika kumuziyil ndiy Mukaleng ni mwin kupan Chijil.—Kuv. 32:4, 5.
wp11 1/6 paj 20 par. 6
Nzamb Wamekesha Mutapu Utukatilay Etu
6 Chading ching kusu kupwa kwa Adam kwikal mukayitil pawiy pavalay an, ni kusal anch awonsu ikala akayitil ni amana awonsu yibudikin ya chitil chinech. Mulong, awiy kajirilap chijil cha Nzamb mudi mwasalay Adam, chawiy lel awiy kikalap nich chitil chinech chimwing; ap kikalap nich chijil chin chawonsu chafundau pa mulong winou. (Dis. 2:17) Pakwez, an enday Adam aswana chitil. Chawiy lel chitil ni rufu rasambisha kutakel pa chisu chapanay Nzamb chijil kudi in Isarel, chamekesha patok anch awiy ading akayitil. (Tang Rom 5:13, 14.) Chibudikin cha chitil chaswanau chikutwish kumekan kusutil ku kuburen kuwanyin ap mayej mudi anémie méditerranéenne ap hémophilie. Watesha pamwing ap anch Alexis, mwan wa mwin Russie Czar Nicholas II ni Alexandra, aswana mayej ma kupwa kwa mash ma hémophilie. Ap mwamu, mu dijuku dined an amwing kavadikap nich mayej minam, pakwez ela kupalangesh kand mayej minam. Chidiap mwamu ku mutambu wa chitil. Uyimp wa chitil cha Adam wading ukasikena kwiyep. Wayishikena antu awonsu. Udandamedin kwikal ukash. Kupwa wayishikena antu awonsu. Ov, chitwishikin kupandakan uyimp winou?
wp11 1/6 paj 21 par. 9-10
Nzamb Wamekesha Mutapu Utukatilay Etu
9 Ov, kurumburik ik kudiokila mu mazu ma Grek mafundau anch “twaleta kuyingish” ni “kupand kweza kudi antu awonsu ku kwiyingish”? Mwin kukarumun Bibil umwing wafunda anch: “Chidi chifanikesh chimekeshina chom pa chom mu mutapu uwanyidina. Chilejen piur pa kukarumuk kwa mikadil ya muntu mu urund wend ni Nzamb, chidiap kukarumuk kwa muchim wa muntu bwat . . . Chifanikesh chinech chimumekeshin Nzamb mudi nkalansambu wakwata mupak mulong wa kumukwol muntu wafishau nich, waletau kurutu kwa dirumburish dia Nzamb, muntu wafishau anch udi wakad kutentam. Pakwez Nzamb washikena ku kumukwol.”
10 Ov, chom ik chafanyidinay kusadil “Nkalansambu [utentamina] wa mangand mawonsu” chakwel amukwola muntu wakad kutentam? (Dis. 18:25) Mulong wa kupwish mulong, Nzamb wamutuma Mwanend kapokal pa divu. Yesu wasala rusot ra Tatukwend mu mutapu uwanyidina, chikalap nchik yoziu, kumusip, ap kumusaal. Ndiy wadandamena kujijaman djat ni pafay ku mutond wa mar. (Heb. 2:10) Kusutil ku kupan mwom wend uwanyidina, Yesu wapana difut chakwel ayikola an a Adam ku chitil ni ku rufu.—Mat. 20:28; Rom 5:6-8.
Kukimbijol Mapit ma mu Spiritu
wp08 15/6 paj 29 par. 7
Manans Majim ma Buku wa Rom
6:3-5—Chirumburikin ik kutambul dibatish mu Yesu Kristu ni kutambul dibatish mu rufu rend? Chisu Yehova chayizizinay in kwilej a Kristu many ma spiritu, ayinunga pamwing ni Yesu ni ikala yid ya chikumangen chidia mujimbu wa Kristu, ni ndiy udi Mutu wach. (1 Kor. 12:12, 13, 27; Kol. 1:18) Diawiy dined dirumburikina dibabatish diau mu Kristu Yesu. In Kristu azizidilau many akat ‘kubabatishiu mu rufu ra [Kristu]’ charumburik anch ashich ni mwom wa kwipan ni wa kulik ruchingej rin rawonsu ra kushakam chikupu pa divu. Chawiy lel, rufu rau, ridi ra kwipan, mudi mwafay Yesu, ap anch rufu rau ridiap ra usey wa difut. Kubabatishiu kwinoku mu rufu ra Kristu kukat kuwanyin pafilingau ni ayivumbul chakwel aya mwiur.
wp14 1/6 paj 31 par. 1
Ov, Ruchingej ik Ridiaku Piur pa Angak Am?
Pakuyivumbulau antu ayimp, ov, akuyirumburish kusutil yom yasalau pasak? Bwat. Rom 6:7 ulondin anch: “Anch muntu wafa, amukwol kal, chad yitil kiyikumukwatap kand.” Muntu muyimp akez kumufut mulong wa yitil yend pakumwinkishau dipup dia rufu. Pakwez, akez kuyirumburish kusutil ku yom yikusalau kupwa kwa kuyivumbul, kulik ku yom yasalau kwinsambishil pakad kumwijik Nzamb kurutu kwawawiy kufa. Ov, akutaninamu nchik?
NGOND WA 2 RUBING RA 18-24
YOM YA USEY YIDIA MU DIZU DIA NZAMB | ROM 7-8
“Ov, Ukat ‘Kuchingel Nich Impu Nakash’?”
wp12 1/7 paj 16 par. 17
Mulika Yehova Akutakela Ku Want Ipau Wakin
17 Pisambinay piur pa want ipau wayilaminay Yehova atushalapol end adia pa divu, Paul wafunda anch: “Yom yawonsu yatangay Nzamb yikat kuchingel nich impu nakash kuman anany akumekeshay Nzamb mudi anend.” Ni kuwejaku kand anch: “Yom yatangay Nzamb akez kuyikwol chakwel kangal yez kuvund. Chad niyau yikez kutambul want ipau wa uyaj pamwing nau an a Nzamb.” (Rom 8:19-21) “Yom yatangay Nzamb” yirumburikin antu akweta ruchingej ra kushakam pa divu, antu akeza kutaninamu kusutil kudi “akumekeshay Nzamb” mudi anend azizidilau many a muspiritu. Kumekan kwinoku kukez kusambish pakezau “an” inay kuvumbuk ni kuya mwi ndond ya muspiritu, ni kusal pamwing mudimu wa kuyidiosh antu ayimp pa divu ni kulam “runtu ruvud” mu ditenchik disu dia yom.—Kuj. 7:9, 14.
wp12 1/3 paj 23 par. 11
Sangerany Mu Ruchingej Retu
11 Yehova wayinkisha antu “ruchingej ridi kwaku” papanay kushilamu kwend anch ukez kuyikwol mu makas ma “nnak mukur,” Satan Djabul, kusutil kwi “mbut” ya kushilamu. (Kuj. 12:9; Dis. 3:15) “Mbut” yiney pakusambish wading Yesu Kristu. (Gal. 3:16) Kusutil ku rufu ni kuvumbuk kwend, Yesu waleta mufulandal ukash wa ruchingej ra antu ra kukwolik mu uswik wa chitil ni wa rufu. Kuwanyin kwa ruchingej riner kwambaten nich “kuman anany akumekeshay Nzamb mudi anend.” Azizidilau many atumbila akez kwikal chikunku chikwau cha “mbut.” Awiy akez kwikal “akumekeshay Nzamb” pa chisu chikezau kusal pamwing ni Kristu mudimu wa kudishesh ditenchik diyimp dia yom dia Satan. (Kuj. 2:26, 27) Chinech chikez kuyipandish amikoku akwau, adiokila mu mar makash mapandakena.—Kuj. 7:9, 10, 14.
wp12 1/3 paj 23 par. 12
Sangerany Mu Ruchingej Retu
12 Ov, ukwash mud ik ukutambula ‘chitang’ cha muntu mu Mivu Kanan ya Kuyikel kwa Kristu! Pa chisu chinicha, “an a Nzamb” atumbishau akez ‘kuyimekesh’ kand pakezau kusal mudimu wa in kupesh nenday Kristu, mu kusadil yiyukish ya chakupesh cha difut dia Yesu mulong wa antu. Padiau yid ya Want wa mwiur, antu ap “yatangay” akusambish kuman kukwolik ku yibudikin ya chitil ni ya rufu. Pakemp-pakemp, antu aziyidila akez kuyikol “mu uswik wa yom yivundila.” Anch adandamen kushinshaman kudi Yehova mu Mivu Kanan ni chirung cha kupakiu kwa nsudiel kukeza kusadik kwinsudiel kwa mivu kanan, majin mau akez kumafund rawonsu mu “mukand wa mwom.” Akez kwandam mu “want ipau wa uyaj pamwing nau an a Nzamb.” (Kuj. 20:7, 8, 11, 12) Ruchingej ra katumb mud ik!
Kukimbijol Mapit ma mu Spiritu
w17.06-F p. 3
Ov, Uvurikin?
Kushalijan ik kudia pakach pa ‘kutek manangu ku yom ya ku mujimbu’ ni ‘kutek manangu ku yom ya mu spiritu’? (Rom. 8:6)
Muntu ukata kutek manangu ku yom ya ku mujimbu ukat kushinshikin pa maswir ni yitongijok yend yakad kuwanyin, ni ukat kulond chisu chawonsu ni kusanger piur pa yom yiney. Muntu ukata kutek manangu ku yom ya mu spiritu ukat kutek pa ndond ya kusambish yom yikwatijadina ni Nzamb ni yitongijok yend ni ukat kulik anch amutakela kudi spiritu utumbila. Kutek manangu ku yom ya ku mujimbu kukat kulet rufu chad kutek manangu ku yom ya mu spiritu kukat kulet mwom ni chisambu.—w16.12, paj 14-17.
wp09 1/11 paj 14 par. 20
Malembil Mey Malejen Ik Padi ey?
20 Pa yisu yimwing, tukutwishap twijik yom yitufanyidina kulond mu malembil ma kuns kwa ayinetu. Paul wafunda anch: “Mulong etu kitwijip kulembil mudi muchifanyidina; pakwez [spiritu] amwinend ukat kutulembidil etu nich kunungan kwakad kwovakan; ni ndiy [Nzamb] ukat kupak michim, ndiy wij kal manangu ma [spiritu].” (Rom 8:26, 27) Yehova wasala anch afunda malembil mavud mu Mifund. Ndiy witiyija malembil minam mudi kumwit kutukutwisha kumwit ni ukutwish watwitiyij. Nzamb utwij ni kurumburik kwa yom yisadilay anch spiritu wend alonda kusutil kudiau antu afunda Bibil. Yehova ukat kwakul ku malembil metu pakatay spiritu “kutulembidil,” ap anch kwit mulong wetwetu. Pakwez anch twijik nawamp Dizu dia Nzamb, yom yitukutwisha kwit yikubudik mu muchim wetu kamu.
NGOND WA 2 RUBING RA 25–3 NGOND WA 3
YOM YA USEY YIDIA MU DIZU DIA NZAMB | ROM 9-11
“Chishimu cha Mutond wa Mpach”
wp11 1/5 paj 25-26 par. 13
‘A, Kujimb Kwa Ronganyin Ra Nzamb!’
13 Kambuy Paul udandamedin kwisikesh antu akeza kwikal chikunku cha mbut ya Aburaham nich mitiy ya mutond wa mpach wa chifanikesh. (Rom 11:21) Mitond yiney yisatu yifanikeshin kuwanyin kwa rusot ra Nzamb pantaliken nich manswik ma Aburaham. Muj wa mutond winou udi utumbila ni umekeshin anch Yehova ndiy upanina mwom kudi in Isarel a mu spiritu. (Isay 10:20; Rom 11:16) Mutond umufanikeshin Yesu mulong udi chikunku cha kusambish cha mbut ya Aburaham. Mitiy yivud yirumburikin “uvud” wa antu adia mu uvud wa chikunku cha kaad cha mbut ya Aburaham.
wp11 1/5 paj 26-27 par. 15
‘A, Kujimb Kwa Ronganyin Ra Nzamb!’
15 Pakwez, chisu ik chawanyishay Yehova rutong rend? Paul urumburil anch mitiy yidiokila ku mutond wa mpach wa mwisuku akez kuyinung ku mutond wa mpach wakunau mulong wa kuswinkan ku mitiy yakatulau. (Tang Rom 11:17, 18.) Chawiy lel, in Kristu azizidilau many a michid, mudi antu amwing adia mu chikumangen, ayinunga mu chifanikesh ku mutond wa chifanikesh wa mpach. Mwawiy mwikalau chikunku cha mbut ya Aburaham. Chakusambish awiy adinga mudi mitiy ya mutond wa mpach kadingap nich chisu cha pakampwil cha kwikal chikunku cha manswik ma pakampwil. Pakwez Yehova wayinkisha mutapu wa kwikal in Yuda a muspiritu.—Rom 2:28, 29.
wp11 1/5 paj 28 par. 19
‘A, Kujimb Kwa Ronganyin Ra Nzamb!’
19 Mwaning, rutong ra Yehova pantaliken ni “in Isarel akin a Nzamb” rikat kuwanyin mu mutapu wamushena. (Gal. 6:16) Mudi mwalonday Paul, akez “kuyipandish in Isarel awonsu.” (Rom 11:26) Mu chisu chimenay Yehova anch chawiy chifanyidina, “in Isarel awonsu”—wawiy uvud wawonsu wa in Isarel a muspiritu—akez kusal mudi ant ni in kupesh mwiur. Kwikil chom chikutwisha kukangesh kuwanyin kwa rutong ra Yehova!
Kukimbijol Mapit ma mu Spiritu
wp13 1/6 paj 24 par. 5
El Kukand Kwa Yehova Kukuumba
5 Ov, chidi nchik anch antu alikin nich chibud kuyiumb kudi Muumb Mujim? Ov, mutapu ik ukatay kusadil ulabu wend wa winzamb? Tongin bil pa mutapu ukutwisha kwikal kam anch muumb kawanyishinap mudimu wend. Mulong wak, muumb ukutwish kusal nnung ya mutapu windjing ap kuyidjibul kwau! Chawiy lel, yisu yivud anch kam kawapinap, muumb ndiy ukwetinga mulong. Chad chidap mwamu ku mutambu wa Muumb wetu. (Kuv. 32:4) Anch muntu kakatap kuchingejin chakwel amuumba kudi Yehova, uyimp uding kusu kudi muntu winou. Yehova ukat kusadil ulabu wend wa muumb padi antu kusutil ku kutenchik mutapu wa kushakam nau kulondwish nich kwakul kwau pakatay kuyiumb. Antu akata kwitiyij kuyiumb akat kuyiumb nawamp. Chawiy chalonday Paul kudi in Kristu azizidilau many; anch ayiuumba chakwel ikala ‘chom chimwing cha kusadil mudimu wa katumb,’ ap, “etu ovilay riy.” Chikwau kand, antu alikina kumuziyil ni akweta chibud akat kushiken ku kwikal mudi “antu ovilay ujim [adia] piswimp ni kusheshik.”—Rom 9:19-23.
it-1-F p. 1234 par. 6
Mwin Mukau, Mukau
Mushiku Wakad Kuwanyin. Pamwing ap tukutwish kwikal kamu ni mushiku ap ni mukau wa kusal chom kanang, pakwez tukutwish kwidimb ni kulik kumusangaresh Nzamb. Chinech chawiy chayishikena in Yuda avud a mu mivu chitot ya kusambish. Asota kwikal atentamina mu yisal yau kukwatijan ni Chijil cha Moses. Pakwez Paul wamekesha anch mushiku wau wading wakad kuwanyin mulong kadingap ni ronganyin rakin. Chawiy katambulap kutentam kwakin kudiokila kudi Nzamb. Afanyina kwitiyin kurumbuk kwau ni kumuchirikin Nzamb kusutil Kristu chakwel atambula kutentam ni kwikal akwolikina mulong ayifisha nich kudi Chijil. (Ro 10:1-10) Saul wa ku ul wa Taris wading wa pakach pau, wading ni mushiku nakash mu yom ya win Yuda kushik ni mu chilik cha ‘kuzengol chikumangen cha Nzamb ni wasota kamu kuchishesh.’ Wading ulimishin Chijil nakash mudi ‘muntu uyingina nich.’ (Gal 1:13, 14; Fl 3:6) Pakwez, mukau wend mulong wa yom ya win Yuda wading wakad kuwanyin. Mulong muchim wend wading uwamp, chawiy Yehova wamumekeshina ranaken rakad kuwanyin kusutil Kristu chakwel aya mwi njil ya difukwil diakin.—1Tm 1:12, 13.