Kutetul ni Kashinsh

Luka 1:3

MU WISWIMP: Sadin nawamp mareferans mulong wa kuyikwash in kukutesh ashikena ku kwikal ni kashinsh ka yom.

MUTAPU WA KUSADIN:

• Kimb ni sadin mareferans mawamp. Yom yiulondina yifanyidin kwimen pa Dizu dia Nzamb ni tang kapamp kamwing mu Bibil anch chitwishikin. Anch ulejen uman wa siyans, marapor masu, yom yasadikina, ap uman ukwau win wawonsu, shinshikin kurutu kwa chisu anch mareferans minam madi ma kuchingejin ni ma katat.

• Kusadin mareferans nawamp. Rumburil maverse kukwatijan ni rusangu rawonsu, ni uruu ujim wa Bibil, ni mikand ya “kashalapol ushinshamena ni kubabal.” (Mat. 24:45) Sadin nawamp mareferans makad kwimen pa Bibil pakad kuswimp kurumburik kwa mwin kufund ap kulond yom yishalijadina ni yafunday ndiy.

• Tong pamwing nau in kukutesh. Kupwa kwa kutang verse ap kujimbul referans, ipul yipul ni nkeu ap pan chilakej chikuyikwasha in kukutesh kwikal ni kashinsh ka yom.