Program wa Rubing ra Rish 25

RUBING RA RISH 25

Muminy 39 ni Malembil

□ Dilejan dia Bibil dia Chikumangen:

jr-F shapitre 7 par. 1-6 (Min. 30)

□ Shikol ya Mudimu wa Uteokras:

Kutang Bibil: Luka 4-6 (Min. 10)

No. 1: Luka 4:22-39 (Min. 4 ap yikemp)

No. 2: Kwisu Kwadiokala Michid Kushalijan?—rs-F p. 294 par. 4–p. 295 par. 2 (Min. 5)

No. 3: Ov, Uman ik Ulejena Anch Yesu Wavumbuka?—1 Kor. 15:3-7 (Min. 5)

□ Chikumangan cha Mudimu:

Muminy 12

Min. 5: Kusambish Dilejan dia Bibil Diampos dia Kusambish. Sadilany chakumenaku cha sampul chidia pa paj wa 8, ni mekeshany mutapu ukutwishany kusambish dilejan dia Bibil Diampos dia rubing ra kusambish ra Ndol. Yikasikesha antu awonsu chakwel ipana.

Min. 25: “Mutapu wa Kusadil Broshir Rusangu Ruwamp Ridiokila Kudi Nzamb!” Yipul ni yakul. Chisu ukushinshikinanya paragraf 6, salany yakumenaku yaad.

Muminy 17 ni Malembil

3. Ov, mutapu ik broshir winou ushalijadina nich mikand yikwau ya kwilej?

³ Mutapu Umufundinau: Mikand yivud yetu ya kwilej ayifunda chakwel muntu kanang atwisha kuyitang ni kutesh uyakin pakad ukwash ap umwing. Broshir winou ushalijadin. Amufundin mudi ntakel wa kutakel nich dilejan dia Bibil kudi mwin kutakel. Chawiy, chisu tupanina broshir winou kudi muntu kanang, chiwapina kwisambin paragraf umwing ap aad. Maparagraf miswipin, chawiy lel akutwish kumatang ku chis cha muntu ap kwindond yend ya mudimu. Ap anch dilejan dia 1 diawiy didia diwamp kusambishin nich, tukutwish kusambish nich dilejan din diawonsu didia mu broshir.

4. Ov, mutapu ik utukwashina broshir winou kufundish kapamp kamwing malejan madiokila mu Bibil?

⁴ Mu mikand yetu yivud, ukutwish kutan yakul ku yipul yifundinau mu maparagraf. Pakwez, mu broshir winou, ukutwish kutan yakul ching kusu mu Bibil. Antu avud asotining kwilej Bibil pa ndond pa kwilej kusutil ku mikand yetu. Chawiy lel, ukutang ching kusu verse umwing pa maverse majimbwilau. In kwilej akwitangin ayinau maverse mu Bibil. Kutang kwinoku kukuyikwash chakwel amana anch yom yilejenau yidiokil kudi Nzamb.—Isay 54:13.

5. Ov, mulong wak chidia cha usey kudi mwin kutakel kwikal wirijekina nawamp pa chisu chawonsu cha kwilej?

⁵ Broshir karumburilap mifund yawonsu. Ov, mulong wak? Udiaku mulong wa kuyikasikesh in kwilej chakwel ipula yipul ni kumukwash mwi kutakel chakwel asadila ukaliweny wend wa kulejan. Pakwez, chidi cha usey kudi mwin kutakel kwikal wirijekina nawamp pa chisu chawonsu cha kwilej. Chiyul: Kangal walonda yom yivud. Tukatining kurumburil mifund. Pakwez, yisu yivud tuwanyishining yivud pitumwitininga mwin kwilej chakwel arumburil chitongijok chikwetay piur pa mufund. Kusutil ku kusadil yipul nich nkeu, tukutwish kumukwash chakwel atongina pa kurumburik kwa mufund ni mufund.—Mid. 17:2.