Mutapu Ukutwishau Ambay a Uruw Kukasikesh Uruw wau

Aburaham ni Sara adi yilakej yiwamp kudi ambay a uruw akatijadina ni alimishijadina umwing ni mukwau. (Dis 12:11-13; 1Pi 3:6) Ap mwamu, uruw wau wading wakad kuwanyin ni arisha ni yikokujol mu mwom wau. Yom ik yikutwishau ambay a uruw kwilej kusutin chilakej cha Aburaham nend Sara?

Ambamb ni mbay ney wa uruw. Akul nich kwikepish anch mbay ney wa uruw walond kwa ujim ap kwa kuswej. (Dis 16:5, 6) Itekina chisu cha kushakam nend pamwing. Mu kulond ap mu yisal, mekesh anch umukatin mbay ney wa uruw. Cha usey nakash pa yom yiney, muteka Yehova pa ndond ya kusambish mu uruw wey kusutil kwilej, kulembil ni kwifukwil pamwing. (Mul 4:12) Uruw ukash ukat kumushiman Yehova, udia Sakatang wa ditenchik dined ditumbila.

TAL VIDEO MUTAPU WA KUKASIKESH MOJ WA URUW, NI KUPWA AKUL KU YIPUL YILONDWILAKU EY:

• Mu video winou, yom ik yamekesha kal anch Shaan ni Kiara ading asadin yom muntu ni muntu panrend?

• Mulong wak kwambamb patok kudi kwa usey nakash mu uruw?

• Chilakej cha Aburaham ni Sara chamukwasha mutapu ik Shaan ni Kiara?

• Yom ik yasalay Shaan ni Kiara mulong wa kukasikesh uruw wau?

• Mulong wak ikundj ni mband kafanyidinap kuchingej anch mbay nend wa uruw ikala uwanyidina?