Chom ik Ukutwisha Kwilejin Kusutil in Kristu Akweta Ronganyin?

Mu yikumangen yetu mudi akadivar nau nambaz amusadina kal Yehova mu mivu yivud. Tukutwish kwilej yom yivud kusutil mutapu wamuchingejinau Yehova. Tukutwish kuyipul piur pa rusangu ra dirijek dia Yehova ni piur pa yishiken yarishau nich ni mutapu wayipandakanau kusutil ukwash wa Yehova. Tukutwish kand kumutazuk mukadivar ukweta ronganyin mu difukwil dietu dia mu dijuku mulong wa kumwipul chakwel atuleja yom yijay.

Anch udi mwin Kristu ukweta ronganyin, ukutwish kuyilej ansand kwa kwikatin piur pa mutapu wamusadina kal Yehova mu mivu yivud. Jakob ni Josef ayilejang anau piur pa yom yayisadinau kudi Yehova. (Dis 48:21, 22; 50:24, 25) Kupwa, Yehova wayileja antakel a majuku chakwel ayifundish anau piur pa yisal yend yishimwokishena. (Kuv 4:9, 10; Kus 78:4-7) Nlel, anvaj ni antu akwau a mu chikumangen akutwish kuyilej ansand piur pa yom yamanau kal yishimwokishena yasalay Yehova kusutil dirijek diend.

TAL VIDEO UKWETA MUTU WA MULONG ANCH TULAMANY UUMWING PA CHISU CHIKANGESHINAU MUDIMU WETU, NI KUPWA AKUL KU YIPUL YILONDWILAKU EY:

• Mutiy wa Ostrali wayikwasha mutapu ik akadivar netu ading mu jingand mwading mukangeshinau mudimu wetu?

• Mutapu ik wadandamenau akadivar a mu jingand jinej kwikal ni ritiy rikash?

• Mulong wak wadiokalau in kulejan avud a mwi ngand ya Rumani mu dirijek dia Yehova ni mutapu ik wachirikau kand?

• Yilakej yiney yikasikeshin ritiy rey mutapu ik?