DILEJAN DIA 18
Mutapu wa Kuyijingunin In Kristu Akins
Antu avud nakash akat kulond anch ad in Kristu. Pakwez awonsu kakwetap yitiyij yimwing, ni kashichap kukwatijan ni mbil ja mutapu umwing. Chad mutapu ik tukutwisha kuyijingunin in Kristu akin?
1. Chirumburikina kwikal mwin Kristu
In Kristu ad in kwilej a Yesu Kristu. (Tang Midimu 11:26.) Mutapu ik ukatau kumekesh anch ad in kwilej a Yesu? Yesu walonda anch: “Anch en waziyilany malejan mam, en udiany in kwilejam chakin.” (Yohan 8:31) Chinech chirumburikin anch in Kristu akin afanyidin kuziyin mafundish ma Yesu. Ni mud mutapu wafundishangay Yesu ching yom yimedina pa Mifund, yitiyij ya in Kristu akin yimedining ching pa Bibil.—Tang Luka 24:27.
2. Mutapu ik ukatau in Kristu akin kumekesh rukat?
Yesu wayileja in kwilejend anch: “Katijanany muntu ni mukwau, mudi am chinikukatilanya en.” (Yohan 15:12) Mutapu ik wamekeshay Yesu anch wading uyikatin in kwilejend? Wasutishang nau chisu pamwing, wayikasikeshang, ni wayikwashang kand. Ni wapana kand mwom wend mulong wa awiy. (1 Yohan 3:16) Chilik chimwing, in Kristu akin kakatap kwau kulondol anch akatijadin, pakwez akat kumekesh mu mazu ni mu yisal anch akatijadin umwing ni mukwau.
3. Mudimu ik usadiningau in Kristu akin?
Yesu wayinkisha in kwilejend mudimu wa kusal. “Wayituma kuya kurumburil yom ya Want wa Nzamb.” (Luka 9:2) In kristu akusambish kalejanangap kwau ching pa jindond jau ja kwifukwil, pakwez alejanang kand pa jindond pading antu avud ni ku yikumbu ya antu. (Tang Midimu 5:42; 17:17.) Nlel kand in Kristu akin akat kulejan uyakin wa Bibil kwi ndond kwawonsu kudia antu. Ayikatin amutej nau, chawiy nich musangar akat kusadin chisu ni usu wau mulong wa kulejan uruu wa Bibil upanina ruchingej ni rongoj.—Marko 12:31.
ILEJA CHIKURIKINA
Jingunin mutapu ukutwisha kuyauril in Kristu akin ni antu akad kulondul mafundish ni chilakej cha Yesu.
4. Akat kukimb uyakin wa Bibil
In Kristu akusambish akwatang Dizu dia Nzamb nich usey
Kadiap antu awonsu alondining anch ad in Kristu akata kukwat nich usey uyakin wa Bibil. Talany VIDEO, kupwa isambinany chipul chidia kwinshin oku.
Ma egliz mamwing makata kulond anch mad ma win Kristu makanganya mutapu ik kuyifundish antu yom yafundishay Yesu?
Yesu wafundisha uyakin udia mu Dizu dia Nzamb. Tang Yohan 18:37, kupwa isambinany chipul ech:
Kukwatijan ni Yesu, mutapu ik tukutwisha kuyijingunin in Kristu adia ‘ku mutambu wa uyakin’?
5. Akat kulejan uyakin wa Bibil
In Kristu akusambish ayilejang antu rusangu ruwamp
Kurutu Yesu achirik mwiur, wayinkisha in kwilejend mudimu udandamedina kusadik djat ni nlel. Tang Mateu 28:19, 20 ni Midimu 1:8, kupwa isambinany chipul ech:
Mudimu wa kulejan wafanyina kusadik djat ni mu chilik ik?
6. Akat kusadin yom yikatau kulejan
Yom ik yamwinkisha Tom kashinsh anch wayijingunin kal in Kristu akin? Talany VIDEO, kupwa isambinany yipul yidia kwinshin oku.
Mu video winou, yom ik yamubachika Tom kulikap yom ya relijon?
Yom ik yamwinkisha kashinsh anch watan kal uyakin?
Yom tusadina yid ya usey nakash kusutamu kwau yom tulondina. Tang Mateu 7:21, kupwa isambinany chipul ech:
Yom ik yidia ya usey nakash kud Yesu—ov, yid yom tufila mu kan anch twitiyijin bil anch yid yom tumekeshina kusutil yisal yetu?
7. Akatijadin umwing ni mukwau
In Kristu akusambish ading akatijadin umwing ni mukwau
Ov, chakin kamu in Kristu akin akat kutek mwom yau mu ubaj mulong wa kuyikwash ambay nau? Talany VIDEO, kupwa isambinany yipul yidia kwinshin ey:
Mu video winou, yom ik yamubachika Lloyd kutek mwom wend mu ubaj mulong wa kumupandish Mukadivar Johansson?
Ov, utongin anch yom yasalay yamekesha kamu anch ud mwin Kristu wakin?
Tang Yohan 13:34, 35, kupwa isambinany yipul ey:
Mutapu ik ufanyidinau in Kristu akin kuyisadin antu akweta ulombu wa chikit ukwau ap a muchid ukwau?
Mutapu ik ukutwishau kusal mwamu pa chisu cha njit?
ANCH MUNTU WAKWEL ANCH: “Kwikil kwau relijon wakin, mulong in Kristu ni antu akad kwitiyij awonsu ad kwau mutapu umwing.”
Verse ik ulejena mutapu tukutwisha kuyijingunin in Kristu akin ukutwisha kumutangin muntu?
YOM TWILEJA KAL
In Kristu akin akat kulondul mafundish ma Bibil, akat kumekesh rukat, ni akat kulejan uyakin wa Bibil.
Ov, uvurikin?
Yitiyij ya in Kristu akin yifanyidin kwimen pak?
Mwikadil ik uyimekeshina in Kristu akin?
Mudimu ik ukatau kusal in Kristu akin?
JINGUNIN KAND
Jingunin antu asadina usu wa kulondul chilakej cha Yesu ni kuziyin mafundish mend.
Tal yom yamushikija mband umwing wa chirelijon kwikal mu “dijuku diakin dia mu spiritu.”
“Asadina Bibil Mulong wa Kwakul Yipul Yawonsu!” (Chinong cha Kalam cha 1 Ngond wa 4, 2014)
Jingunin mutapu ukatau in Kristu akin kumekesh rukat kud ambay nau in Kristu amena mar.
Kuyikwash Akadivar Netu pa Chisu cha Yinship ya Mar—Kachikunku (3:57)
Tal mutapu in Kristu akusambish ni in Kristu akin nlel muwanyishinau yijingidij yalonday Yesu ya kuyijingunin in kwilejend.
“Yisu Yijingidij ya Win Kristu Wakin?” (Chinong cha Kalam cha 1 Ngond wa 4, 2012)