DILEJAN DIA 55
Kwash Chikumangen Chey
Pa mangand mawonsu, mamiliyon ma antu makat kumwifukwil Yehova nich musangar mu yikumangen yivud. Akat kujikitish nakash mulong wa malejan ni umutakel utambwilau, ni kukwash chikumangen nich muchim wawonsu mu mitapu kushalijan. Ov, wawiy mutapu wiyovila piur pa chikumangen chey?
1. Mu mitapu ik yimwing ukutwisha kusadin chisu ni usu wey mulong wa kukwash chikumangen?
Etu awonsu tukutwish kukwash chikumangen. Chilakej, ov, mu chikumangen chen mud amapal ap ayilim? Ov, ukutwish kuyisend mulong wa kuyitwal ku yikumangan? Ap ov, ukutwish kuyikwash mu mitapu yikwau, mud kuyilandin yom mu sok ap kuyisadin midimu ya ku chikumbu? (Tang Jakobu 1:27.) Tukutwish kand kwipan mulong wa kwinangish ni kurijek Chot chetu cha Want. Kwikil muntu ap umwing ukutubachika kusal yom yiney. Rukat tukweta mulong wa Nzamb ni mulong wa akadivar netu rawiy rikutubachika ‘kwipan ayinetu nich muchim umwing.’—Kuseng 110:3.
Atuman abatishinau kal akutwish kukwash chikumangen mu mitapu yikwau kand. Akadivar a mu spiritu awanyishina yitinau akutwish kusal mud ankwash a mudimu, ni mu kusut kwa chisu akutwish niyau kwikal amakurump. Ikala akadivar ap anambaz, awonsu akutwish kukwash mudimu wa kulejan mu kusal mud ayibol. Atuman amwing akat kukwash kutung jindond ja difukwil ap kushemunikin kwi ndond kudia maswir kanang mu chikumangen.
2. Mutapu ik tukutwisha kusadin yom yetu ya ku mujimbu mulong wa kukwash chikumangen?
Tukutwish ‘kumutumbish [Yehova] nich yom yetu ya usey nakash.’ (Jinswir 3:9) Tukwet musangar nakash wa kupan nfalang ni mapit metu mulong wa kukwash chikumangen chetu ni mudimu wa kulejan usadikina pa mangand mawonsu. (Tang 2 Korint 9:7.) Yipan yetu yikutwish kand kukwash ku jindond kusadikina yishiken yikash. Antu avud akat kutek chisu chawonsu “chikunku cha nfalang kuns” mulong wa kukwash chikumangen. (Tang 1 Korint 16:2.) Tukutwish kupan yipan yetu mu mishet yidia mu jindond jetu ja difukwil ap pa Internet, pafundinau anch donate.jw.org. Yehova utwinkishin mutapu wa kumekesh anch tumukatin kusutil mutapu tusadidina yom yetu ya ku mujimbu.
ILEJA CHIKURIKINA
Shinshikin mitapu yimwing ukutwisha kukwash chikumangen.
3. Tukutwish kusadin yom yetu ya ku mujimbu
Yehova ukatining mwin kupan ukweta musangar, ni wawiy mutapu wiyovilingay Yesu. Chilakej, Yesu wamumana mwadiamufu kazwendj ni wamana usu wasalay mulong wa kupan chipan chend. Tang Luka 21:1-4, kupwa isambinany yipul ey:
Ov, chitin kupan nfalang jivud mulong wa kumusangaresh Yehova?
Mutapu ik ukatau Yehova ni Yesu kwiyov piur pa yipan tupanina ni muchim wawonsu?
Mulong wa kwijik mutapu ukatau kusadin yipan yetu, talany VIDEO. kupwa isambinany chipul ech:
Mutapu ik ukatau kusadin yipan mulong wa kukwash nich yikumangen ya pa mangand mawonsu?
4. Tukutwish kwipan mulong wa kukwash
Pasak, atushalapol a Yehova asalang nich mushiku mulong wa kulam nawamp jindond jau ja difukwil. Pakwez kusal mwamu kwadingap kwau kwitina ching kupan nfalang. Tang 2 Jinsangu 34:9-11, kupwa isambinany chipul ech:
Mutapu ik wakwashangay mwin Isarel mwawonsu mulong wa kulam nawamp chikumbu cha Yehova?
Mulong wa kuman mutapu ulondwilau Atuman a Yehova chilakej chinech cha pasak, talany VIDEO. Kupwa isambinany yipul ey:
Mulong wak chid cha usey kudandamen kwinangish Chot chetu cha Want ni kuchirijek?
Mu mitapu ik yimwing ukutwisha niyey kukwash?
5. Akadivar akutwish kuwanyish yitinau mulong wa kutambul yisend yikwau
Bibil uyikasikeshin in Kristu amakundj kusal usu wau wawonsu mulong wa kukwash chikumangen. Mulong wa kuman chilakej chimwing, talany VIDEO. Kupwa isambinany chipul ech:
Mu video winou, mutapu ik wikasikeshangay Ryan mulong wa kukwash nakash chikumangen chend?
Bibil ulejen yom yifanyidinau akadivar kuwanyish mulong wa kusal mud ankwash a mudimu ap amakurump. Tang 1 Timote 3:1-13, kupwa isambinany yipul ey:
Yom ik yifanyidinau kuwanyish akadivar asotina kusal mud ankwash a mudimu ap amakurump?
Majuku mau mafanyidin kusal ik?—Tal verse wa 4 ni 11.
Anch akadivar ikasikesh kuwanyish yom yiney, antu awonsu mu chikumangen akat kutaninamu mutapu ik?
ANCH MUNTU WAKWIPUL ANCH: “Kwisu kudiokiling nfalang jikatau Atuman kusal nich mudimu wau?”
Ey ukumwakul nchik?
YOM TWILEJA KAL
Yehova ukwatining nich usey nakash yom tusadina mulong wa kukwash chikumangen nich chisu chetu, usu wetu ni yom yetu ya ku mujimbu.
Ov, uvurikin?
Mutapu ik tukutwisha kusadin chisu ni usu wetu mulong wa kukwash chikumangen?
Mutapu ik tukutwisha kusadin yom yetu ya ku mujimbu mulong wa kukwash nich chikumangen?
Ey ukatin kukwash chikumangen mu mitapu ik?
JINGUNIN KAND
Shinshikin mulong wak Nzamb kayitiningap kand in kumwifukwil end kupan cha dikum.
“Yom ik Yilondinay Bibil Piur pa Kupan cha Dikum?” (Mutu wa mulong udia pa jw.org)
Jingunin chirumburikina ‘kwikasikesh kuwanyish mudimu uwamp’ mu chikumangen.
“Ov, Wikasikeshin ‘Kuwanyish Mudimu Uwamp’?” (Chinong cha Kalam cha 15 Ngond wa 9, 2014)
Tal akadivar amwing atakamena ipana nakash mulong wa kuyitwadin anamakwau in Kristu mikand.
Jingunin kudiokiling nfalang tukata kusal nich midimu yetu chinyim ni marelijon makwau.