Dandamen Kumushinshamen Yehova

In Kristu akin akat kusal usu chakwel kangal muntu ap umwing ap chom ap chimwing chiyikangesh kumwifukwil Yehova. Chakin kamu anch niyey wawiy mutapu wiyovila. Yehova ukwatin nich usey nakash kushinshaman kwey. (Tang 1 Jinsangu 28:9.) Yom ik yikutwisha kupak kushinshaman kwey kud ndiy ni mutapu ik ukutwisha kuyirish nich?

1. Mutapu ik ukutwishau antu akwau kupak kushinshaman kwetu kud Yehova?

Antu amwing akupakish kutukangesh kumusadin Yehova. Nany ukutwisha kusal yom mud yiney? Antu amwing alikina kal uyakin akat kulond makasu piur pa dirijek dia Nzamb mulong wa kushesh ritiy retu. Ayitazukin anch in kupumbok. Chikwau kand, antakel a marelijon amwing akat kupalangesh jinsangu ja makasu piur petu mulong wa kuyibachik in kwidjidjek amwing kulikap uyakin. Chid cha ubaj nakash kwisamb nau in kupumbok, kutang mabuku mau, kuya pa tupend twau, ap kutal mavideo mau. Yesu walonda piur pa antu akata kuyikangesh akwau kumusadin Yehova nich kushinshaman anch: “Yilikany kwau, kangal wiyakamishany! Awiy adi amputames akat kuyitakel amputames akwau. Anch mputames wamutakel mputames mukwau, awonsu mwaad wau akuwa mu dibuku.”​—Mateu 15:14.

Yom ik tukusala anch muntu twija wakwat mupak wa kulik kwikal kand Kaman wa Yehova? Tukutwish kunenganan nakash anch mwanamakwetu ap murund netu wasal mwamu. Muntu winou ukutwish kutubachik chakwel tutond kumushinshamen ndiy ap Yehova. Tufanyidin kukwat mupak wa kushal ashinshamena kud Nzamb kusutamu yom yawonsu. (Mateu 10:37) Mwamu, tukat kuziyin chijil cha Yehova cha kulik kubombakan ni antu inay.​—Tang 1 Korint 5:11.

2. Mipak ik yikutwisha kupak kushinshaman kwetu kud Yehova?

Kumukat Yehova kukutubachik kulik kwiyandjik ap pakemp mu yom ya relijon wa makasu. Mudimu tusadina, yitenchik tukwashina, ap yom wawonsu tusadina, yifanyidinap kwikal mu uumwing ni relijon wa makasu. Yehova utubabeshin anch: “Antwam, diokalany mu [Babilon Mujim].”​—Kujingunik 18:2, 4.

ILEJA CHIKURIKINA

3. Yibabela alej a makasu

Yom ik ufanyidina kusal anch watesh yom yiyimp piur pa dirijek dia Yehova? Tang Jinswir 14:15, kupwa isambinany chipul ech:

• Mulong wak tufanyidinap kwitiyij yom yin yawonsu tuteshina?

Tang 2 Yohan 10, kupwa isambinany yipul ey:

• Mutapu ik tufanyidina kuyiman in kupumbok?

• Ap anch twambambinap kamu mes ni mes nau in kupumbok, mutapu ik tukutwisha kushiken kwijik mafundish mau anch tubabelap?

• Utongin anch Yehova ukwiyov mutapu ik anch twata matu ku mazu mayimp malondinau piur pend ap piur pa dirijek diend?

4. Dandamen kumushinshamen Nzamb anch mukadivar ney wasal chitil

Anch twajingunin anch muntu kanang mu chikumangen wasalang chitil chijim, yom ik tufanyidina kusal? Shinshikin mbil yidia mu Chijil cha Nzamb chayinkishay in Isarel. Tang In Levi 5:1.

Mud mulejenau mu verse winou, anch twajingunin anch muntu kanang wasalang chitil chijim, tufanyidin kuyilejamu amakurump yom twija. Pakwez kurutu kwa kusal mwamu, chikwikal chiwamp kumukasikesh muntu warumbukang chakwel aya amwinend kuyiman amakurump ni kuyilej chitil chend. Anch walik kusal mwamu, kushinshaman kwetu kud Yehova kufanyidin kutubachik kuyilejamu amakurump yom yawonsu twija. Kusal mwamu kumekeshin mutapu ik anch tumekeshin rukat rishinshamena kud . . .

• Yehova Nzamb?

• muntu wasalang chitil?

• antu akwau mu chikumangen?

5. Budik mu Babilon Mujim

VIDEO: Budik mu Babilon Mujim! (5:06)

Tang Luka 4:8 ni Kujingunik 18:4, 5, kupwa akul ku yipul ey:

• Ov, dijin diam dichid pa list wa antu a mu relijon wa makasu?

• Ov, nid mu ditenchik kanang dikwatijadina ni relijon mukwau?

• Ov, mudimu wam ukwashin relijon wa makasu mu mutapu kanang?

• Ov, kud yom yikwau mu mwom wam nifanyidina kuswimp mulong wa kwaurik ni relijon wa makasu?

• Anch nakul anch mwaning ku chipul ap chimwing pakach pa yipul yiney, yom ik nifanyidina kuswimp?

Mu yom yawonsu, kwat mupak ukukukwasha kwikal ni kom kishitwila ni kumekesh anch umushinshamedin Yehova.

YOM TWILEJA KAL

Mulong wa kudandamen kumushinshamen Yehova, tufanyidin kwipuk kubombakan ni antu akad kumushinshamen ndiy. Tufanyidin kand kwaurik ni relijon wa makasu.

Ov, uvurikin?

• Mulong wak tufanyidinap kutal, kutang ap kutesh yitongijok ya in kupumbok?

• Yom ik tufanyidina kusal anch muntu wadia Kaman walik kwend uyakin?

• Mutapu ik tukutwisha kuziyin kubabesh kwa kubudik mu relijon wa makasu?

JINGUNIN KAND

Tal yom ufanyidina kusal anch antu apalangesh jinsangu ja makasu piur pa Atuman a Yehova.

“Ov, Ukwet Uman Wakin?” (Chinong cha Kalam cha Ngond wa 8, 2018)

Mutapu ik ukutwisha kujingunin yitenchik ap mijikit yikwashina Babilon Mujim?

“Ikal Ukwatikena mu Kusal Rusot ra Nzamb Kwinsudiel kwa ‘Machuku Minam ma Kwinsudiel’” (Chinong cha Kalam cha Ngond wa 10, 2019, paragraf wa 16-18)

Yom ik yisadiningau in kutupompat amwing mulong wa kuziyish ritiy retu?

Tubabelany Makasu (9:32)

Mu rusangu rilondina anch: “Nading Nimukimbin Nzamb Kudiosh ku Wanikanch,” tang piur pa mwimpel wa Shinto walikap yom ya relijon wa makasu.

“Bibil Ukarumwin Mwom ya Antu” (Chinong cha Kalam cha 1 Ngond wa 7, 2011)