Mareferans ma Mudimu ni Mashakamin ma In Kristu Mukand wa Chikumangan
RUBING RA 4-10 NGOND WA 3
YOM YA USEY YIDA MU DIZU DA NZAMB | KUSENG 16-17
“Yehova, Musul Wam wa Kuwap”
Ansand, Ukutwishany Kwikal Nich Mwom Usangareshina
TOND ARUND AWAMP
11 Tang Kuseng 16:3. David wading wij mutapu wa kutan arund awamp. Watondang arund ching amukatina Yehova, ni chinech chamuletina ‘musangar nakash.’ Wayimekesha arund nend mudi “antu atumbila” mulong asalang usu wa kulimish mbil jishitwila ja Yehova. Nfund a kuseng mukwau niyend wiyova mwamu piur pa kutond arund ni wafunda anch: “Nidi murund wa antu awonsu akata kukulimish ey, awiy kamu akata kulam yijil yey.” (Kus. 119:63) Mudi twilejang mu mutu wa mulong wasambelang, niyey ukutwish kutan arund awamp avud pakach pa antu amukatina ni amuziyidina Yehova. Chakin kamu, arund ney kafanyidinap kwikal ching a mivu yimwing niyey.
w14-F 15/2 p. 29 par. 4
“Shinshkin kuwap kwa kwa Yehova”
Davia wawanga anch “[Yehova] ey udi uswan wam unitondila. Ey ukat kwingikish yawonsu yinikweta nich kuswir. Machuku mam mawonsu madi mu makas mey. Ey wantondila uswan upandakena kuwap.” (Kus. 16:5, 6) David wajikitisha mulong wa “uswan” wend, Charumburik anch urund wend uwamp wadingay ni Yehova ni dilau dadingay nich da kumusadin. Mud ndiy pamwing ap ukat kurish ni milong, pakwez ukat kwikal ni yom yiwamp yivud ya mu spiritu! Chawiy dandamen kusanger difukwil dakin ni “shinshikin kuwap” kwa tempel wa mu spiritu wa Yehova!
w08 15/2 paj 3 par. 2-3
Mutekany Yehova Machuku Mawonsu Kurutu Kwa Mes Men
2 Etu awonsu tukutwish kwilej yom yivud kusutil ku yom yashikena ya antu ijikena nawamp mu Bibil—Aburaham, Sara, Moses, Rut, David, Ester, kambuy Paul, ni antu akwau. Pakwez, jinsangu ja antu akad kwijikan nakash jikutwish kand kutukwash etu. Kutongijokin pa jinsangu ja Bibil kukutwish kutukwash kusal yom kwambatan nich yalonday nfund a Kuseng anch: “Nikat kutal kudi [Yehova] udia kurutu kwam, ni udi kand ku chikas cham cha katatuku, kinikez kashemunikip.” (Kus. 16:8) Mutapu ik tukutesha kurumburik kwa mazu minam?
3 Isalay wading ni kusadinang mukwal wend nich chikas chend cha katatuku, ni kushang mutambu winou wakad kuking nich rikibu rend rikwatinay ku chikas chend cha kamaku. Chikwau kand, wading ni kwiking anch murund urishina piswimp nend udi ku mutambu wend wa katatuku. Anch twadandamen kumulam Yehova mu manangu ni twasal rusot rend, ndiy ukez kutuking. Chawiy lel, talany amboku mutapu jinsangu ja Bibil jikutwish kukasikesh ritiy retu chakwel tudandamena ‘kutal kudi [Yehova] udia kurutu [kwetu].’
Mapit ma mu Spiritu
it-2-F p. 697 par. 6-7
Kan a dis
Dizu da hebereu ʼishôn (Kuv 32:10; Jnsw 7:2), anch adisadin ni ʽayin (dis), dirumburikin “kan a dis,” chilik chimwing, bath (changadim) adisadidin mu Madil ma Jeremiy 2:18 mu chitongijok cha “kan a dis,” mazu minam maad ma mekeshin kan a dis. Mazu minam maad mameken mu Kuseng 17:8 mulong wa kukasikeshin chitongijok cha (ʼishôn bath-ʽayin), yirumburikina, “kan a dis.” Afanakeshin ni kamwizuzwimb katumening pa dis da muntu mukwau.
Dis diziyining ni dikweting wom; ap kadivuj kakemp ap kawinsukuril anch kandam mu chibwibu cha dis, dis dakabuj dikutwish kutesh. Chikunku chimekena cha dis (chikit) chibwikina kan a dis chifanyidn ku chichidij ni kuchok, mulong anch kayel ap pibul chom, chinech chikutwish kuyipish dis ap kudikangesh kuman nawamp. Bibil usadidin mazu “kan a dis” mulong wa kumekesh chom chifanyidinau kukokoj nakash. Wawiy mutapu tufanyidina kuman chijil cha Nzamb. (Jnsw 7:2) Kukwatijan ni mutapu wayichidijay Nzamb in Isarel mud an end, Kuvurik Yijil 32:10 ulondin anch Nzamb wachidija muchid winou mud, “kan a dis ka dis diend.” Mu malembil mend, David wamwita Nzamb chakwel amuchidij ni kumukokoj mud “kan a dis.” (Kus 17:8) Wading ukatin anch Yehova amuchidij pa chisu chikumurishishau kud akankuny. (Tal kand Zak 2:8, muda mazu ma hebereu ba·vathʹ ʽaʹyin, “kan a dis”.)—Tal pafundinau anch ŒIL.
RUBING RA 11-17 NGOND WA 3
YOM YA USEY YIDA MU DIZU DA NZAMB | KUSENG 18
“Yehova ud . . . Mwin kwinkamunin Wam”
w09-F 1/5 p. 14 par. 4-5
Musangar wa Yehova Wawiy Usu Wetu
Bibil ukat kumufanakesh Yehova ni yom yakad mwom. Amulejen muchilakej mud “diyal da Isarel,” “dipat” ni “mpwembu.” (2 Samwel 23:3; Jnswir 18:10; Kuseng 18:2) Majin minam mawonsu makimbin kulond ik? Chijiken diyal. Diyal diminying daang ni dikatap kunyikek. Chilik chimwing Yehova ud ndond ya kwikangin yakin ni yakad kuswimpang; Komb tufanyidin kuchingejin diking dend.
5 Buku wa Kuseng wizwil ni yilakej yiney. Chilakej mu Kuseng 84:11, Yehova amufanakeshin ni “muten ni rikibu.” Chawiy, ud musul wa chitokish, mwom ni usu; pakwez ud kand Nzamb ukata kuyichidij antushalapol end. Kumutambu ukwau tutangin mu Kuseng 121:5 anch: ‘[Yehova] ud urel wey kuchikas cha katatuku.’ Chirumburikin ik? Mud mutapu ukata urel kutuchidij ku muten ukash, chilik chimwing Yehova ukutwish kuyichidij atushalapol end amena mar mukuyijindjik mu urel wa “makas” mend ap mu “mapur” mend.—Isay 51:16; Kuseng 17:8; 36:7.
Yehova Ukat Kututesh
5. Nlel unou tukutwish kwikal akasikeshinau kusutin mazu manam: ‘Ukez kakwanaken ku kudil kwey mulong wa kwit ukwash.’ (Isay 30:19) Isay utwinkishin kashinsh anch Yehova ukututesh kamu pitumudididina, ni ukwakul mau malembil metu. Isay wafunda kand anch: ‘Anch wamulembil, ndiy ukukukwash [pakad kulab].’ Mazu minam makasikeshina matuvurishin anch Tatukwetu ukatin kamu—inge, ukwet impu—ya kuyikwash awonsu akata kukimb ukwash kud ndiy. Kwijik uyakin winou kukutwish kutukwash kujijaman nich musangar.
Mutapu wa Kutwish Kujijamen Yakamish
2. Tongijokin. Pautongijokidina piur pa mwom wey wa kwinyim, ukutwish kand kutongijokin pa yikokujol yimwing watwisha kujijamen kusutin ukwash wa Yehova. Anch twatongijokin pa mutapu watukwashay Yehova pakur ni mutapu wayikwashay atushalapol end a pakur, tukwikal ni usu wa kujijaman ni kukasikesh ruchingej retu mudiay ndiy. (Kus. 18:17-19) Joshua udia mukurump wa chikumangen ulondin anch: “Nikwet list wa malembil mawonsu makwilau kal kud Yehova. Chinech chikat kwinkwash kuvurik yisu namwita Yehova chom cha pakampwil ni ndiy wanginkish kamu yom nading nikweta nich kuswir.” Chakin kamu, chisu tukata kutongijokin pa yom yatusadidinau kal kud Yehova, tukat kwikal kand ni usu wa kudandamen kujijamen yakamish.
Mapit ma mu Spiritu
it-1-F p. 437 par. 2
Sheribin
Kadingap mud yijingidij yachifanakesh yasadinangau mu difukwil da apagan a michid yading yiyinyingumukinamu mud mutapu ulondinau antu akwau. kukwatijan ni testama umwing mukur wa in Yuda (Bibil kalejenap chom ap chimwing pa mulong winou), A sheribin inay ading mud antu. Ayisalang ku makas mulong wa kufanakesh katumb kadingau nich angel, ni ayisalang kamu nawamp mud mudingau “kukwatijan ni mbil” jatambulay Moses kud Yehova amwinend. (Kub 25:9) Kambuy Paul wayisambina anch “yirumbidij ya aruu a mwiur, jimpur jau jading jitandil piur pa chibwik cha Mushet” Asheribin inay ading amekeshin kwikalaku kwa Yehova: “Kwinikwa kwawiy kunikeza kakusanken ey piur pa chibwik cha riy, ni pakach pa yirumbidij yaad yatekau piur pa mushet wa manswik ma Uman.” (Kub 25:22; Kuch 7:89) Yawiy yalondangau anch Yehova ‘wading ushich [mukach] mwa asheribin.’ (1Sam 4:4; 2Sam 6:2; 2Ant 19:15; 1Jnsg 13:6; Kus 80:1; 99:1; Is 37:16) Asheribin ading amekeshin mu kulond kwa chifanakesh mud “antakel a ditemb” da Yehova pading piminyay (1Jnsg 28:18), ni mapur mau mading mulong wa kuchidij ni kushemunik maw maw. Chawiy mu muminy wa nkumbu wading ulejenamu mutapu wa mukwasha kud Yehova pakad mulab, David ulondin anch “[Yehova] wezang ukandamin pa sheribin, wading utwikina,” inge, “wilengidika pa jimpur ja rinkind.”—2Sam 22:11; Kus 18:10.
RUBING RA 18-24 NGOND WA 3
YOM YA USEY YIDA MU DIZU DA NZAMB | KUSENG 19-21
“Diur dikat kulejan uyaj wa Nzamb”
w04-F 1/1 p. 8 par. 1-2
Chifanyidin Yitang Yawonsu Yimushiman Yehova!
DAVID wasutisha wanikanch wend mu masuku ku Betelehem mulong wakulam amikoku a Tatukukwend Jessé. Yisu ya uchuku wakerang mulong wa kulam yimun mu madil ma kuns, wading ni chisu cha kuzambul mes mulong wa kutal atutumbu mu maur! Chakin kamu wavurikang yom yiney chisu chamutakelau kud spiritu utumbila, Wafunda muminy ukweta mazu mapandakena kuwap uda mu Kuseng 19 ulondina anch: “Diur dikat kulejan uyaj wa Nzamb, ni yom ya mwiur yikat kumekesh mudimu wa makas mend. dizu diau diashika pansh pawonsu, ni mazu djat kwisudiel kwa mangand.”—Kuseng 19:1, 4.
2 Pakad mazu, maur makat kutumbish uyaj wa Nzamb dichuku dawonsu uchuku ni muten. Yitang yikat kulejan uyaj wa sakantang chisu chawonsu. Ni chishimokishena uman winou wakand kulond upaninau “pa mangand mawonsu,” ni kud antu awonsu! Ushimokishen pakwez kadap kwau ching kusu yiney. Antu ashinshamena akat kuyikasikesh kubomb mazu pamwing ni yitang yakad kulond mulong wa kupan uman. Nfund a kuseng wafunda mazu mina uyikasikeshin atushalapol ashinshamena ni mazu minam mapepilau anch: “Panany kudi [Yehova], uyaj ni ukaleng! Panany kudi [Yehova] uyaj wa dijin diend.” (Kuseng 96:7, 8) Wawiy mutapu ukatau kwiyov antu awonsu ada piswimp ni Yehova. Pakwez, mutapu ik tukata kupan uyaj kud Yehova?
w04-F 1/6 p. 11 par. 8-10
Chifanyidin Yitang Yawonsu Yimushiman Yehova
8 David ulejen kand yitang yikwau yipandakena kuwamp ya Yehova: “Mwiur kand mwawiy mwatungilay muten chikumbu, Ndiy udi mudi ngatan ukata kubudik mu chikumbu chend, ukat kuzangam mudi muntu mukash ubambidila mau. Ku kuya kwend kudiokal ku mutambu umwing wa diur, ni kwandam kwend kushikil djat ni ku musong wa diur, kwikil chom chijingamina ku kutok kwend.”—Kuseng 19:4-6.
9 Katumbu ud mujim kusut muten. Pakwez muten ud katumbu umwing ushimokishena, ni ukat kutokish maplanet mawonsu ma munyingumukina. Referans umwing ulondin anch ukwet kuvul kwa “amiliyon aad amamiliar ni mamiliar mamaton,” ap 99,9% wa kuvul kwa chitokish cha muten. Usu wa muten ukat kukwash divu kunyingumuk muchintapu cha mamilion 93 (makilometre mamilion 150) pakad kunyikek ap pakad kuupwish usu. Pakwez kachikunku kusu kwau ka miliar ka usu wa muten kakata kushik pa divu, chawiy kakat kukwash yom yikweta mwom kudandamen kwikalaku.
10 Nfund a kuseng usadidin muten muchifanakesh. Uwufanakeshin ni “muntu ukweta usu” ukata kwend mutambu ni mutambu djat ni pa kwiswedishinay mu “mwikand” urel. Anch wandam urel, katumbu winou ukweta usu umekening pa divu, ukat kumekan mud wandam kal mu “mwinkand” mulong wa kupim. Pamanch, ukat kumekesh anch ubudikin kwa kukashimwish, ni kuzaz “mudi ngatan ukata kubudik mu chikumbu chend.” Padingay kafung, David wova mutapu uding mashik ma uchuku. (Disambishil 31:40) Wavurika mutapu wabudikang nsas ja muten ni kumuletin ma rungul, ni jindond ja piswimp. Chimeken anch muten waziyangap mulong wa “weny” kudokal kwingangel djat kurand, wading mud “ikundj uketwa usu,” mulong wa kudandamen ni weny.
g95-F 8/11 p. 7 par. 2
In Kusal Yom ya Makas Akad Kwijikan Nakash
Pitushinshikidina nakash kuwap kwa yom yatangau, yikat kutukwah kwilej piur pa sakatang wa yom yiney. Dichuku dimwing Yesu wayikasikesha in kwilej end kushinshikin pa yisalamb ya mu masuku yading kuminyang mu galaliya: “Talany yom ukutwishanya kwilejin ku yisalamb ya mu masuku, yawiy yikusalangap mudimu ap yikwichiminangap masun; pakwez nakulejany chakin, ap Salomon mu uyaj wend wawonsu kadjalap mud chisalamb chimwing pakach pa yisalamb yiney.” (Mateu 6:28, 29) Kuwamp kwa chisalamb cha mu masuku kukutwish kutuvurish anch Nzamb ukat kubangin maswir ma antu.
Mapit ma mu Spiritu
it-1-F p. 1093 par. 6-7
Hebereu, II
Kud kushalijan kwa mitapu ya kusal yom (kutung) mitambu yowonsu yaad yidap mutapu umwing, pakwez yawonsu yid ya usey ni yikat kulet chom chisu. Ukat kuwapish chitongijok chakusambish ni kuwejinaku chitongijok chisu. mu Kuseng 19:7-9 mud chilakej chilondwilaku ech:
Yijil ya Nzamb yiwanyidin,
yikat kupizurish mupim.
Malejan ma Nzamb mad [makunchingejin],
makat kuyibabesh ayisup.
Yijidik ya Nzamb yitentamin,
yikat kusangarish muchim;
Yijil ya Nzamb yidi zwang,
yikat kutaurish mes.
Kumov Nzamb wom kuwapin,
kushiching chikupu.
Dirumburish dia Nzamb didi diakin;
ditentamin pamwing.
Chimeken anch chikunku cha kaad cha mufund wawonsu chiwanyishin chitongijok; yom yiney yawonsu yibombin chitongijok, charumburik anch yibudikin ya yom yaad. Ching chikunku cha kaad cha verse, chilakej “yikat kupizurish mupim” ni “makat kuyibabesh ayisup”, in kutang akwijik usey wa ‘yijil yida zwang’ ni “malejan ma Nzamb mad [makunchingejin].” Anch mazu malondulijadin mu mutapu winou, kushalijan kwinoku mu chikunku chakusambish ni cha kaad kusadikining mud kupim kwa dizu. Mwamu, yitongijok yikat kudandamen, mufund ukutwish kulam mazu ma nkumbu, kukwatijan ni mutapu uda yom. Dawiy diyingishin disadina anch yom yiney yishalijadina ayela anch yitungin (yitongijok).
RUBING RA 25-31 NGOND WA 3
YOM YA USEY YIDA MU DIZU DA NZAMB | PSALM 22
Yijingidij Yasambelay Bibil Kubwak Piur pa Rufu ra Yesu
w11 1/8 paj 17 par. 16
Amutana Mesia!
16 Mesia akez kumulik kudi Nzamb. (Tang kuseng 22:1.) Kwambatan nich uprofet, “pa muten wa yisatu Yesu wabarika nich dizu dikash anch: ‘Eloi, Eloi, lema sabakatani?’ chirumburikin anch: ‘Nzamb wam, Nzamb, ov, mulong wak wanlika am?’” (Mar. 15:34) Yesu kashadishap ritiy mudi Tatukwend wa mwiur. Nzamb wamulika Yesu mu makas mwa akankuny nend pakad diking chakwel apaka kushinshaman kwa Kristu. Ni kusutil ku kudil kwinoku, Yesu wawanyisha Kuseng 22:1.
w11 1/8 paj 17 par. 13
Amutana Mesia!
13 David wabwaka anch akez kumusal Mesia. (Tang Kuseng 22:7, 8.) Amusala Yesu padinga pa mutond wa mar, Mulong Mateu ulejen anch: “Antu ading ni kusut mwi njil amuzwiya Yesu mitu ni kumukonkurol anch: ‘Ey welanga anch nikuumbwol chikumbu cha Nzamb, chad nikuchitung kand mu machuku masatu! Anch udi mwan a Nzamb, shirik bil pa mutond, wipandisha amwiney!’” Chawiy chimwing, in kupesh ajim ni alej, ni amakurump amuswingisha Yesu anch: “Ndiy wapandisha antu akwau, pakwez katat kakutwishap kwipandish amwinend! Ov, kindiyap Mwant wa in Isarel katat anch washirik ku mutond, niyetu tukumwitiyij. Ndiy ukungamena kudi Nzamb, chad wadi ni kufa mukan anch: ‘Nidi Mwan a Nzamb.’” (Mat. 27:39-43) Mwaning, Yesu witiyija yom yiney yawonsu nich kalimish. Chidi chilakej chiwamp mud ik kud etu!
w11 1/8 paj 17 par. 14
Amutana Mesia!
14 Ubal akez kuutek pa yidjal ya Mesia. Nfund a kuseng wafunda anch: “Angana yidjal yam pakach pau, ni kabwik wam amutila ubal.” (Kus. 22:18) Chawiy chashikena, mulong “[amasalay in Rom] amupampila [Yesu] ku mutond, chad anganijana maswin mend patau ubal.”—Matt. 27:35; tang Yohan 19:23, 24.
Mapit ma mu Spiritu
w06 1/11 paj 29 par. 7
Mitapu ya Kumekesh Anch Tulimishin Yikumangan Yetu
7 Kudi mitapu yimekena tukutwisha kumekesh anch tulimishin yikumangan yetu. Mutapu umwing wa kumekesh anch tulimishin yikumangan yetu udi wa kwikalaku pa chisu chiwanginau miminy ya Want. Miminy yiney yivud, ayifundin mudi malembil ni chifanyidin kamu kuyiwang nich kalimish. Chajimbulay Kuseng 22, kambuy Paul wafunda piur pa Yesu anch: “Nikez kwijikish dijin diey kudi akadivar, nikez kukushiman mukach mwa antu.” (Hebereu 2:12) Chawiy lel, tufanyidin kwikal ni chaku cha kwikal pa ndond yetu kurutu mwin kutakel asambisha kuwangish muminy ni patuwangina tufanyidin kushinshikin kurumburik kwa mazu. El mutapu wetu wa kuwang umekesha yitongijok ya nfund-a-kuseng wafunda anch: “Am nikumujikitish [Yehova] ni muchim wam wawonsu mu chiyul cha atentamina ni mu kukumangan kujim.” (Kuseng 111:1) Chakin, kuwang miminy ya kumushiman nich Yehova diawiy kamu diyingish dijim dietwetu kushikin kurutu kwa chisu ku yikumangan yetu ni kushakam djat ni kwisudiel.
w03-F 1/9 p. 20 par. 1
Tumutumbishan Yehova “Mukach mwa Chikumangen”
Nlel mud kand pakur, akwata kal mipak chakwel muntu ni muntu alonda piur pa ritiy rend “mukach mwa chikumangen.” Antu awonsu akwet mutapu wa kusal mwamu kusutil kwakul ku yipul yipwilau ku yikumangan. Kangal kupipej usu ukweta yakul. Chilakej, mutapu wa kupandakan milong ni kuyipuk, tukat kukasikesh mupak ukwatinau akadivar mulong wa kudandamen kusadin mbil ja Bibil. Kusutin kurumburil mifund ya Bibil yida mu ma referans maletinau mu mutapu uswapela ap kulond yom twatanang mu kukimbijol kukat kuyikasikesh antu akwau ikal ni mushiku wa kwilj.
RUBING RA 1-7 NGOND WA 4
YOM YA USEY YIDA MU DIZU DA NZAMB | KUSENG 23-25
“Yehova Ud Kafung Wam”
w11 1/6 paj 11 par. 3
“[Yehova] Ndiy Kafung Wam”
Yehova uyitakedil amikoku end. Amikoku akad kafung akutwish kushadik. Chilik chimwing kand, tuswiridin ukwash chakwel tutana jinjil jitentamina mu mwom. (Jeremiy 10:23) David urumburil anch, Yehova uyitakedil antwend mu “madil mawamp” ni ku “mayij ma mem ma chitosh chiwamp.” Ndiy uyitakedil “mu jinjil jitentamina mulong wa katumb ka dijin diend.” (Verse wa 2, 3) Yilakej yiney ya ukafung yitukasikeshin anch tukutwish kumuchingejin Nzamb. Kusutil ku kulondul wintakel wa spiritu wend mudi mu umekeshinau mu Bibil, tukutwish kulondul jinjil ja mwom jiletina musangar, kwipuwangesh, ni diking.
w11 1/6 paj 11 par. 4
“[Yehova] Ndiy Kafung Wam”
Yehova ukat kuyilam amikok end. Pakad kafung amikok akat kwovang wom ni kakwetingap ruchingej. Yehova uyilejin antwend anch kafanyidinap kwov wom, ap anch ‘andam nchik mu ruwengil ra rufu’—mu yikutwisha kumekan mudi mididim ya mwom. (Verse wa 4) Yehova uyitadin, ni udi tayad mulong wa kuyikwash. Ndiy ukutwish kuyinkish in kumwifukwil end manangu ni usu uswiridinau chakwel arisha nich yoziu.—Filip 4:13; Jakob 1:2-5.
w11 1/6 paj 11 par. 5
“[Yehova] Ndiy Kafung Wam”
Yehova ukat kuyidish amikoku end. Amikoku akat kumuchingejin kafung wau mulong wa kuyikimbin yakudia. Tukwet maswir ma muspiritu tufanyidina kuwanyish ching kusu nich ukwash wa Nzamb. (Mateu 5:3) Chidi chom chisangareshina, mulong Yehova uding mwing Kupan, ukat kuyitenchikin atushalapol end yakudia yivud. (Verse wa 5) Bibil ni mikand yikwashina kwilej Bibil, mudi gazet winou utangina, yidi misul ya yakudia ya muspiritu yiwanyishina maswir metu ma kwijik kurumburik kwa mwom ni kwa rutong ra Nzamb kudi etu.
Mapit ma mu Spiritu
w11 1/2 paj 24 par. 1-3
Katish Kutentam Nich Muchim Wey Wawonsu
KUSUTIL ku Dizu diend ni spiritu wend utumbila Yehova uyitakedil antwend “mu jinjil jitentamina.” (Kus. 23:3) Pitudia akad kuwanyin, tusotining kudiokal mwin njil yiney. Chakwel tusala yom yitentamina chifanyidin kusal usu. Ov, chom ik chikeza kutukwash chakwel tutwisha? Mudi Yesu, tufanyidin kukatish kusal yom yitentamina.—Tang Kuseng 45:7.
2 Ov, “jinjil jitentamina” chom ik? Njil yitentamina yidi njil yikemp. “jinjil” jinej jimedin piur pa kulondul yijil yitentamina ya Yehova. Mu mazu ma Hebereu ni ma Grek, “kutentam” kurumburikin chom chidia “chiwamp,” chimedin piur pa kulondul nakash yijidik ya ngikadil. Mulong Yehova ukwet “win yakin” in kumwifukwil akwet musangar wa kumuchingejin chakwel ayikwasha kutond njil yiwamp yifanyidinau kulondul.—Jer. 50:7.
3 Ching kusu kwikasikesh ni muchim wetu wawonsu mu kulondul yijil yitentamina ya Nzamb kwawiy kukeza kumusangaresh. (Kuv. 32:4) Chifanyidin kusambish nich kwilej yom yawonsu tukutwisha kwilej piur pa Yehova Nzamb mu Dizu diend Bibil. Pitwilejina nakash piur pend, tukez kumushejin nakash dichuku ni dichuku, ni tukez kukatish nakash kutentam kwend. (Jak. 4:8) Tufanyidin kwitiyij kand umutakel wa Dizu diapepilau kudi Nzamb pitusotina kukwat mipak ya usey mu mwom.
RUBING RA 8-14 NGOND WA 4
YOM YA USEY YIDA MU DIZU DA NZAMB | KUSENG 26-28
Mutapu Wakasikeshay David Kujijaman Kwend
w04-F 1/12 p. 14 par. 8-9
Twendinany mu kujijaman
8 David walembila anch: “Mpapata, A! [Yehova], mpaka bil, pak muchim wam ni manangu mam.” (Kuseng 26:2) Makund majingamining mukach mwa mujimbu. Mu chifanakesh, yimekeshin yitongijok ni yovil yijingamina ya muntu. Muchim wa chifanakesh aufanakeshin ni wuntu wa mukach, yitongijok ni yovil. Palembilay David anch Yehova amushinshikin, yading yitongijok ni yovil yend ya mukach yading yikatinay anch ayishinshikin ni kuyichidij.
9 David wita kand chakwel makund ni michim yend ayiwapisha. Mutapu ik Yehova ukatay kuwapish mwikadil wetu wa mukach? David wawangang anch: “Nikat kumushiman Yehova ukata kwinyul. Uchuku kom kam kakat kwimbabesh.” (Kuseng 16:7) Mazu minam marumburikin ik? Anch yiyul ya Yehova yading kwadamang mu manangu ma David ni yikunangamu, kushik mu chilik cha kuwapish yitongijok yend ni yovil yend ya mukach. Anch twatongijokin nich kujikitish piur pa yiyul tutambwila kud Nzamb kusutin Dizu dend, antu asadidinay ni dirijek dend, ni anch twalik yiyul yiney yikuna mu michim yetu niyetu tukutwish kwikal mud David. Anch tukat kumulembil Yehova chisu chawonsui chakwel atukwash, chikutuswapel kwendil mukujijaman.
w04-F 1/12 p. 15-16 par. 12-13
Twendinany mu kujijaman
12 Patonginay mutapu ukwau wa kujijaman kwend, David walonda anch: “Kinishichap nau antu amakasu ap kwend nau in kutwambol. Nikisin kwibomb nau antu in kusal nayimp, ap kovijan nau akayitil.” (Kuseng 26:4, 5) David walikang kamu nakash kushakam nau antu ayimp. Wading ukisin arund ayimp.
13 Chid nchik kud etu? Tukisining kushakam nau antu ayimp ni kulik kuyendin kusutin yom mud, yom yilondinau ku televizon, ma film, ni tupend twa internet? Tukat kuyiyep antu ajindjikina chidau? Kumidimu ap kushikol, antu amwing akutwish kumekesh mud ad arund nentu chisu chawiy chimwing akat kutong kutusal nayimp. Ov, tukatin chakan kamu kuta urund nau antu akad kwendin mu uyakin? In kupumbok akutush kupalangeh nsang jau jamakasu ja maku mau mulong jitukangesha kusal mudimu wa Yehova. Ov, mu chikumangen mud antu akata kusal yom yiwimp ku ujindj? Niyawiy akat kujindjik chidau chakin kamu. Jayson, uda katat nkwash wa mudimu niyend wading ni arund a mutapu winou padingay nsand. “Ulondin anch, dichuku dimwing umwing wa pakach pau wanleja anch: ‘Yom tusadina nlel yikwetap kwau usey nakash, mulong ngand yisu payikushika tukwikal twafil kal. Tukwijikap anch kud chom twaburena.’ Mazu mud minam mading kud am mud chom chimbabeshina. Nikatinap kufang chisu chikweza ngand yisu.” Jayson wakwata mupak wakulik arund ayimp. “Kangal akudimbany, mwababeshay kambuy Paul. Arund ayimp akat kuyipish yaku yiwamp.” (1 Corinthiens 15:33) Chid cha usey kwipuk arund ayimp!
w04-F 1/12 p. 16 par. 17-18
Twendinany mu kujijaman
17 Dizang ni chintamb cha kulambwil, yawiy yading ndond ya dishin ya difukwil da Yehova mu Isarel. Mulong wa kumekesh musangar wadingay nich mulong wa ndond yiney, David walembila anch: “A! Yehova, nikatil kushakam mu chikumbu chey, ni ndond ya uyaj wey.”—Kuseng 26:8.
18 Ov, tukating kukumangan ku jindond tukata kwilejin kumwijik Yehova? Chot cha Want ndond tukutwisha kutaninamu program wa mu spiritu, yid ndond ya dishin ya difukwil dakin. Chikwau kand, muvu ni muvu tukweting yitentam ya rejon, ya munyingumuku ya dichuku dimwing. Mu yisu ya yikumangan mud yiney, tukat kwilej “yivurish” ya Yehova. Anch twilej kumukat chikurikina,’ tukat kuchingel nich impu kukumangan kuyikumangan ni kulondul mafundish nawamp. (Kuseng 119:167) Ov, chikasikeshinap kwikal pamwing nau ambay netu atubangidina ni atukwashina kudandamen mwinjil ya kujijaman?—Hebereu 10:24, 25.
Mapit ma mu Spiritu
w06 1/8 paj 21 par. 15
Yehova Ukat Kumukamunin Chimana Mar
15 Nfund a kuseng David wawanga anch: “Tatukwam ni makwam anch anlik, chawiy [Yehova] ukwitambul.” (Kuseng 27:10) Chitwongojin mud ik kwijik anch rukat ra Yehova ripandiken ra anvajetu! Ap anch anvaj atudjibul, twaman mar ni kusansan, chinech chikwetap usu pa mutapu ukukulamau kud Yehova. (Rom 8:38, 39) Vurik anch Nzamb ukat kuyisejin antu akatilay. (Yohan 3:16; 6:44) Chikalap nchik mutapu wakusadilau kud anvaj, Tatukwey wa mwiur ukukatin nakash!
RUBING RA 15-21 NGOND WA 4
YOM YA USEY YIDA MU DIZU DA NZAMB | KUSENG 29-31
Dipup—Dikat Kumekesh Rukat ra Nzamb
it-1-F p. 863 par. 10
Chifu
Dizu ‘kujindjik mpal’ dikutwish kulond yom yivud, kukwatijan ni chishiken. Anch Yehova Nzamb wajindjik mpal yend, chinech chirumburikin anch wamutambul kal muntu ap chisak cha antu dilau ni usu wend, chilakej wasala mwamu ku muchid wa Isarel mulong wa kubwambwil kwau. (Job 34:29; Kus 30:5-8; Is 54:8; 59:2) Yisu yimwing, Yehova ukutwish kulik kwimekesh kusutin yisal ap kulik kuyakul antu, mulong uchingedin chisu chatekay kal. (Kus 13:1-3) David pamwilembinay Nzamb anch: “Jindjik mpal yey ku yitil yam,” wading umwitin chakwel amulikishina yitil yed ap kuyijimish.—Kus 51:9; tal kand Kus 10:11.
w07-F 1/3 p. 19 par. 1
Wayuk Muntu Ukata Kumuchingel Yehova
Mutapu ukatay Yehova kutupup tukutwish ku ufanakesh ni dibuj dikata kushikena kukuswang. Bibil ulondin piur pa dipup da Nzamb anch: “Kukand kwinoku kukez kubudish kutentam ni chisambu mu mom yetu.” (Hebereu 12:11) Chilik chimwing chitining chisu mulong dibuj diswa, chitin chisu mulong wa kuswimp mutapu wa kuman yom kukwatijan ni kufumb tutambwila kud Nzamb. Chilakej anch chikutwit kushadish yisend mu chikumangen, mulong wa chisal chiymp, maswir metu ma kumuchingel Yehova makutwish kutukangesh kuziy ni kulikap. Mu yisu mud yiney chitin kuvurik mazu masikeshina ma David malondina anch: “Mulong ujim wend udi wa kachisu, untu wend udi wa mwom wawonsu. Kudil kukat kwez uchuku, pamanch musangar wez kand.” (Kuseng 30:5) Anch twamuchingel Yehova ni twasadin mbil jitwinkishinay kusutin Dizu ni dirijek dend, kukwil chisu tukubarik nich “dizu da musangar.”
Kukarumuk Kwakin Chom Ik?
18 Chakwel amekesh anch ukarumukin chakin kamu, muntu wopatangau ufanyidin kudandamen kwez ku yikumangan, ni kulondul yiyul ya amakurump ya kwikal ni chaku cha kulembil ni kwilej Bibil. Ufanyidin kand kusal usu wa kwipuk yom yamubachika kuwil mu chitil chinech. Anch wasal usu wa kuchirish urund wend ni Yehova, ukutwish kwikal nich kashinsh anch Yehova ukumulikishin kamu ni amakurump akumuchirish mu chikumangen. Chisu chisadinau amakurump usu wa kushinshikin anch muntu ukarumukin kamu chakin, akat kushinshikin mulong ni mulong kulondwish mutapu wasadikang pakad kufanikesh ni mulong ukwau, ni kwipuk kurumburish kwa chisum.
Mapit ma mu Spiritu
w06 1/6 paj 31 par. 10
Manans Majim ma Buku wa Kusambish wa Kuseng
31:23—Ov, muntu ukata kwitumbish akat kumufut chipandikena mutapu ik? Difut disambidinau pinap chidi chibau. Muntu utentamina ukutambul difut diend mulong wa kurumbuk kwend kwakad kutongin mu mutapu wa dipup didiokila kud Yehova. Mulong muntu witumbishina kakulikap njil jend jiyimp, ndiy amufutin chipandikenamu nich chibau chijim nakash.—Jinswir 11:31; 1 Pita 4:18.
RUBING RA 22-28 NGOND WA 4
YOM YA USEY YIDA MU DIZU DA NZAMB | KUSENG 32-33
Mulong wak Tufanyidin Kulejan Chitil Chijim?
w93-F 15/3 p. 9-10 par. 7
Ranaken ra Yehova Rikat Kutuchidij Kulik Kushadish Ruchingej
7 Anch twasal chitil chijim chijipina chijil cha Nzamb, chikutwish kutukasiken kulejan chitil chetu ap kud Yehova. Yom ik yikushikena pa mulong mud winou? Mu Kuseng 32, David witiya anch: “Pinalika kwitiyil yitil yam, mafup mam mauma, nading ni kukimuk muten wawonsu. muten ni uchuku Yehova wanlejanga kadimu. Mujimbu wam wapuroka mudi mayij malipila ma chishipu.” (Verse 3, 4) Ntomboj David wapakisha kujindjik chitil chend ni kupim kuninetish muchim wend wamufishang nich. Ushon wasala anch ashadish usu wend ni kwikal mud mutond uwumina ni chishipu ni uburedina mem makata kuwukwash. Chakin kamu, chimeken anch pamwingap wayela mu manangu ap kumujimbu. Chikalap nchik mwamu washadisha musangar wend. Anch yom mud yiney yamushiken umwing wa pakach petu, chom ik chifanyidinay kusal?
Nzamb “Witenchikin mu Kulikishilan”
8 David wakarumuka walonda anch: “Chad nabutula chitil cham kudi Ey, ni jinshid jam kinajijindjikap. . . . Ni Ey wanjimangeshil kal milong ya yitil yam.” (Kuseng 32:5, TMK) Dizu “wanjimangeshil kal” didiokil kudi dizu dia Hebereu dirumburikina ‘kuzambul’ ap ‘kusend.’ Chawil lel, dizu dined dirumburikin ‘kudiosh kwifish nich, chitil, ap uyimp.’ Chirumburikin kand anch Yehova wazambula yitil ya David mulong wa kuyitek kulemp. Chawiy chasala anch David ipuka kudandamen kwifish nich. (Kuseng 32:3) Niyetu tufanyidin kumuchingejin Nzamb ukata kuzambul yitil ya antu akimbina dilikishin diend mulong atekin ritiy rau mu chakupesh cha difut dia Yesu.—Mateu 20:28.
w01-F 1/6 p. 30 par. 1
Kulejan Yitil Kukat Kukwash Kuyerik Mu spiritu
Kupwa kwakulejan yitil yend, David kifishap kand nich. Mutapu ulondinay piur pa kulejan yitil mu Kuseng winou umekeshin anch wiyova pee ni wakwata mupak wa kumusadin Nzamb nich kushinshaman. Mu chilakej mu Kuseng 32. Kuseng 32 verse wa kusambish tutangin anch: “Wayuk muntu ulikishidilau kubwambul ni ubwikidilau yitil yend.” Chikalap nchik kujimb kwa chitil, muntu ukukarumuka kamu chakin ukutwish kwikal kand ni musangar. Mutapu umwing wa kumekesh anch ud mwin kashinsh ud wa kwitiyin yom, mud mwasalay David. (2 Samwel 12:13) Ndiy kakimbap kwiyingish nich kurutu kwa Yehova ap kuyibachikin antu akwau kurumbuk. Tutangin mu Kuseng 32 verse 5 anch: “Chad nitiyil chitil cham kudi ey, [Yehova], kinajindjikap jinshid jam. Nalonda anch: ‘Nikwitiyil kuyip kwam kudi [Yehova].’ Chad ey wanlikishidin yitil yam yawonsu.” Kulejan yitil patok kukat kumukwash muntu kwiyov nawamp, mwamu kom kamuntu wasadina chitil kakumufishap kand nich mulong wa yisalijok yiyimp yasalay.
Mapit ma mu Spiritu
w06 1/6 paj 31 par. 11
Manans Majim ma Buku wa Kusambish wa Kuseng
33:6—“Mwiku” wa mu kan mwa Yehova chom ik? Mwiku winou udi usu wa Nzamb, ap anch mwiku utumbila, wasadilay patangay maur mamekena ni mes. (Disambishil 1:1, 2) Autazukin anch mwiku wa mu kan mwend mulong, mud mwiku ukash, chitwishikin kuutum ukasala yom yidia kulemp.
RUBING RA 29 NGOND WA 4–5 NGOND WA 5
YOM YA USEY YIDA MU DIZU DA NZAMB | KUSENG 34-35
“Mutumbisha Yehova Chisu Chawonsu”
w07 1/3 paj 26 par. 11
Tutumbishany Dijin Dia Yehova Pamwing
11 “Am nikez kumuyukish [Yehova] ku miten yawonsu kushiman kwend kukez kudandamen mukan mwam.” (Kuseng 34:1) Chashakamay mudi mwin kuchin, David wiyakamisha nakash piur pa yom ya ku mujimbu, pakwez mudi muchilejenau mu mazu minam, kwibangin kwend pichuku-pichuku kwamushadishinap mupak wend wa kumushiman Yehova. Chidi chilakej chiwamp kudi etu piturishina nich mikadil yikash mu mwom! Twikala ku shikol, ku mudimu, ni ambay netu in Kristu, ap mu mujikit wa patok, maswir metu ma kusambish mafanyidin kwikal ma kumushiman Yehova. Tongin bil amboku pa miril ni miril ya mayingish tukweta ma kumushimen! Chilakej, kwikiling musul ku yitukutwisha kujingunin ni kusanger mu midimu yamushena yatangay Yehova. Ni shinshikin yom yasadilay kal kusutil ku chikunku cha dirijek diend didia pansh! Ap anch adi akayitil, Yehova uyisadidil antu ashinshamena mu mutapu ujim mu yisu ya katat. Ov, midimu ya Nzamb yidi nchik anch twayisikesh ni ya antu ifukwidilau mu mangand? Ov, witiyinap yafunday David anch: “[Kwikil] umwing udia mudi Ey Mwant pakach pa anzamb, ap kusu kwikil midimu yidia mudi midimu yey.”—Kuseng 86:8.
w07 1/3 paj 26 par. 13
Tutumbishany Dijin Dia Yehova Pamwing
13 “Mupim wam ukez kashimekin mudi [Yehova], ni in kwitudish akez kateshiluku, akikal ni musangar.” (Kuseng 34:2) Pinap David kibazinap piur pa yisal ya muntu ap umwing. Chilakej, kibazap piur pa mutapu wamudimbay mwant wa Gat. Ndiy wijika anch Yehova wamuchidija padingay mu Gat ni ndiy wapanda mulong Yehova wamukwasha. (Jinswir 21:1) Chawiy, David wibaza, kadiap mwi ndiy amwinend, pakwez mudiay Yehova. Pa chinech, antu idutishina eza kudi Yehova. Yesu niyend washimana chikupu dijin dia Yehova, ni chom chinech chayipwita in kwikepish, antu adinga itiyijina anch Ndiy ayifundisha. Ilel, antu in kwikepish a michid yawonsu akat kwez mu chikumangan cha pa mangand mawonsu cha in Kristu azizidilau many, ni Yesu ndiy Mutu wau. (Kolosai 1:18) Michim ya antu in kwikepish yidi yibachikinau pakatau kutesh akat kutumbish dijin dia Nzamb kudi atushalapol end in kwikepish ni pakatau kutesh uruu wa Bibil, uyitwishishinau kutesh kudi spiritu wa Nzamb.—Yohan 6:44; Midimu 16:14.
w07 1/3 paj 27 par. 15
Tutumbishany Dijin Dia Yehova Pamwing
15 “Am namusota [Yehova], Ndiy wangakula wankamunina ku wom wam wawonsu.” (Kuseng 34:4) Uman winou wadinga wa usey nakash kudi David. Chawiy, wadandamena kulond anch: “Nshon kazwendj ou wadila, [Yehova] wamwova, wamupandisha ku milong yend yawonsu.” (Kuseng 34:6) Pa chisu cha kukumangan ni ambay akaritiy, tukwet yisu yivud ya kushimunin uman utungina ni mutapu Yehova watukwashay kujijaman ku mikadil yikash ya mar. Uman winou ukat kukasikesh ritiy, mudi kamu mazu ma David makasikesha ritiy ra ambay nend. Ku mutambu wa David, ambay nend “atala kudi Ndiy [Yehova] amunyika, ni jimpal jau kakez kajoviship usany.” (Kuseng 34:5) Ap anch adinga ni kumuchin Mwant Saul, awiy kovap usany. Amuchingejina Nzamb anch wadinga ni kumukwash David, ni jimpal jau jasangara. Mu mutapu mudi winou, antu asu asangaredina pamwing ni antu ikala kal in Kristu akin mu mivu yivud, akat kutal kudi Yehova mulong wa kuyikwash. Mulong amana ukwash wend, jimpal jau jisangera jimekeshin mupak wau wa kushal ashinshamena kudi ndiy.
n Mapit ma mu Spiritu
w06 1/6 paj 32 par. 1
Manans Majim ma Buku wa Kusambish wa Kuseng
35:19—Kulembil kwalembilay David anch kangal ayilika akankuny nend akapul dis diau kurumburikin yom ik? Kukapul dis kwela kumekesh anch akankuny a David asangaredin kuying kwa mipit yau yimutidinau David. Chawiy chalembilay David anch kangal chom chinech chisadik.