Kuswimpol Dizu

Jinswir 8:4, 7

MU WISWIMP: Sal anch yitongijok yey yikala yovikena ni kuswimp yovil kusutin kuswimpol kujimb kwa dizu, chidjimin cha dizu ap mau ma kutang nich.

MUTAPU WA KUSADIN:

• Kuswimp kujimb kwa dizu. Kaninish kujimb kwa dizu diey mulong wa kukasikeshin pa manans majim ni kulangwish yovil kudi in kukutesh. Sal kand mwamu chisu utangina maverse malondina piur pa dirumburish. Kepish dizu diey mulong wa kulangwish musangar piur pa yom ukimbina kulond ap mulong wa kumekesh wom ap kwakam.

• Kuswimp chidjimin cha dizu. Anch chitwishikin mu dizu dien, zambwish chidjimin cha dizu mulong wa kumekesh kuzangurok, kulep ap chintampu. Kepish chidjimin cha dizu diey mulong wa kumekesh ushon ap yakamish.

• Kuswimp mau ma kutang nich. Lond mau mau nakash mulong wa kumekesh yovil yisangareshina. Lond pakemp pakemp nakash chisu ulejena manans ma usey.