Mazu ma Kusambish Nich Dizu da Nzamb

Bibil ukwet uruu wa Nzamb, ap dizu mulong wetwetu nlel unou. Utulejin mutapu wa kushakam nawamp mu mwom ni mutapu wa kumusangaresh Nzamb. Bibil wakwil kand ku yipul yilondwilaku ey:

1 Ov, Nzamb ud nany?
2 Mutapu ik ukutwisha kumwijik Nzamb?
3 Nany wafunda Bibil?
4 Ov, Bibil wovijadin ni yom ya siyans?
5 Ov, uruu ik uda mu Bibil?
6 Yom ik yasambelay Bibil kulejan piur pa Mesiya?
7 Yom ik yasambelay Bibil kulejan piur pa chirung chetu?
8 Ov, Nzamb ndiy tufanyidina kufish nich mulong wa mar ma antu?
9 Mulong wak antu amen mar?
10 Yom ik yikaninay Bibil mulong wa machuku ma kurutu?
11 Chom ik chikata kushiken anch muntu wafa?
12 Yom ik tukutwisha kuchingej mulong wa antu afila kal?
13 Yom ik yilondinay Bibil piur pa kusal mudimu?
14 Mutapu ik ukutwisha kusadin nawamp mapit mey?
15 Mutapu ik ukutwisha kwikal ni musangar?
16 Mutapu ik ukutwisha kurish ni yakamish?
17 Mutapu ik ukutwishay Bibil kukwash dijuku dey?
18 Mutapu ik ukutwisha kumusejin Nzamb piswimp?
19 Yom ik yida mu mabuku kushalijan ma Bibil?
20 Mutapu ik ukutwisha kutaninamu mu kutang kwey kwa Bibil?

MUTAPU WA KUTAN MAVERSE MA BIBIL

Bibil ukwet mabuku ni mikand yikemp yikemp 66. Amwauril mu yikunku yaad: Mifund ya Hebereu ni ya Aram (“Mansuk Makur”) ni Mifund ya Grek ya win Kristu (“Mansuk Masu”). Mifund ya Grek yikwet mabuku 27, kusambishin kamu ku rusang rilejena mwom wa Yesu Kristu. Buku mwawonsu wa Bibil amwauril mu mashapitre ni maverse. Chisu chijimbwilau mifund, nimero wa kusambish uda kupwa kwa dijin da buku ulejen shapitre, ni nimero ap manimero malondwilaku malejen verse ap maverse. Chilakej, Mateu 1:1 urumburikin Mateu shapitre wa 1, verse wa 1.