Difundish dia 13

Mayik-yik ni ulaj yidi yiyimp

Satan usotil anch usadila mayik-yik. Antu avud akat kupeshang kud angak ap aspiritu mulong wa kuyiking ku kuyip. Akat kusalang chinech mulong akweting wom wa mausu ma mwi ngand ya muspiritu. Akat kudjal tupud ap jinkau. Akat kuna ap kwikay mijimbu yau nich “nsompu” yitonginau anch yikwet usu wa mayik-yik. Mu yikumbu yau ap mu jimpangu jau, antu amwing akat kujindjikangamu yom yitonginau anch yikwet usu wa kuyiking. Akwau akat kusadil “nsompu” mulong itiyijin anch yikutwish kuyikwash mu kwisak, ku ekzamen wa shikol, ap ku uruu.

Diking diey dipandakena kuwap pantaliken ni Satan chidi kwikal ni Yehova mud murund ney. Yehova Nzamb ni angel end akwet usu nakash kupandakanamu Satan nau ayilembil end. (Jakobu 2:19; Kujingunik 12:9) Yehova usotil nakash kumekesh usu wend mulong wa arund nend—antu ashishamena kud ndiy.—2 Jinsangu 16:9, NW.

Dizu dia Nzamb dilondil anch: “Ufanyidinanyap kusadil mayik-yik.” Yehova ulikishin mayik-yik ni ulaj mulong yisalijok yiney yikutwish yamutek muntu kapamp kamwing mwishin mwa usu wa Satan Djabul.—In Levi 19:26.