DILEJAN DIA 34
Mutapu ik Tukutwisha Kumekesh Anch Tumukatin Yehova?
Ov, wiyovil anch ud piswimp nakash ni Nzamb kudiosh wasambishidina kwilej Bibil? Ov, ukatin kudandamen kukasikesh urund wey ni ndiy? Anch mwawiy, vurik anch pamenay Yehova mutapu rukat rey ridandamedina kukul mulong wendendiy, niyend ukudandamen kukukat ni kukubangin. Mutapu ik ukutwisha kumekesh anch umukatin?
1. Mutapu ik tukata kumekesh anch tumukatin Yehova?
Tukat kumekesh anch tumukatin Yehova anch twamuziyin. (Tang 1 Yohan 5:3.) Kakatap kumushindin muntu ap umwing kumuziyin. Pakwez ukat kutwinkish etu awonsu mutapu wa kutond anch tukumuziyin ap bwat. Mulong wak? Yehova usotil anch ‘tumuziyin nich muchim wetu wawonsu.’ (Rom 6:17) Mu kulond kukwau, ukatin anch umuziyin, kadiap mulong ufanyidin kusal mwamu, pakwez mulong umukatin. Chikunku cha 3 ni cha 4 ya buku winou yikukukwash kumekesh anch umukatin Yehova mu kusal yom yimusangareshina ni kwipuk yom yikisinay.
2. Mulong wak chikutwish kutukasiken kumukat Yehova?
“Mwin kutentam ukwet yakamish yivud.” (Kuseng 34:20) Etu awonsu tukat kurish ni kuburen kuwanyin kwetu. Ni tukutwish kand kurish ni milong ya nfalang, kuburen kutentam, ni milong yikwau kand. Chisu turishina ni yakamish, tukutwish kuman anch chikasiken kusal yom yitwitinay Yehova. Chid mwamu mulong chiswapeling kulondul njil yiyimp. Pakwez anch wasal nich kushinshaman yom yikulejinay Yehova, umekeshin anch umukatin nakash kusutamu yom yikwau yawonsu. Ni umekeshin anch ud ushinshamena kudiay ndiy. Mwamu niyend ukwikal ushinshamena kud ey. Kakez kakulikap ap pakemp.—Tang Kuseng 4:4.
ILEJA CHIKURIKINA
Shinshikin mulong wak kuziyin kwey kud kwa usey kud Yehova, ni ileja yom yikutwisha kukukwash kushal ushinshamena kudiay ndiy.
3. Mulong umwing ukutadina niyey
Kukwatijan ni buku wa Job, Satan kamufundap ching Job, pakwez wayifunda kand antu awonsu akatina kumusadin Yehova. Tang Job 1:1, 6–2:10, kupwa isambinany yipul ey:
Kukwatijan ni Satan, mulong wak Job wading umuziyidin Yehova?—Tal Job 1:9-11.
Yom ik yalonday Satan piur pa antu awonsu, kukuwejaku niyey?—Tal Job 2:4.
Tang Job 27:5b, kupwa isambinany chipul ech:
Mutapu ik wamekeshay Job anch wading umukatin chakin kamu Yehova?
Job wamekesha anch umukatin Yehova mu kumushinshamen ndiy
Tukat kumekesh anch tumukatin Yehova mu kushal ashinshamena kudiay ndiy
4. Sangaresh muchim wa Yehova
Tang Jinswir 27:11, kupwa isambinany yipul ey:
Mutapu ik wiyovilingay Yehova anch wikal mwin manangu ni wamuziyin? Mulong wak?
5. Ukutwish kumushinshamen Yehova
Rukat retu mulong wa Yehova rikat kutubachik kuyilejamu antu akwau piur pend. Kushinshaman kwetu kudiay ndiy kukat kutubachik kusal mwamu ap anch chiswapelap. Talany VIDEO, kupwa isambinany yipul ey:
Ov, chikukasikedining kuyilejamu antu akwau piur pa Yehova?
Mu video winou, yom ik yamukwasha Grayson kupandakan wom wend?
Chiswapel kwikal ashinshamena kud Yehova anch twakat yom yikatinay ni kukis yom yikisinay. Tang Kuseng 97:10, kupwa isambinany yipul ey:
Kukwatijan ni yom wilejina kal, yom ik yimwing yikatiningay Yehova? Yom ik yimwing yikisiningay?
Mutapu ik ukutwisha kwilej kukat yom yiwamp ni kukis yom yiyimp?
6. Tukat kutaninamu anch twamuziyin Yehova
Kumuziyin Yehova kuding ching kuwamp. Tang Isay 48:17, 18, kupwa isambinany yipul ey:
Ov, witiyijin kamu anch Yehova wijing yom yidia yiwamp mulong wetwetu? Mulong wak?
Kwilej Bibil ni kumwijik Yehova kwakukwashin mutapu ik?
ANCH MUNTU WAKWEL ANCH: “Nzamb kakwetap chisu cha kutal yom nisadina.”
Verse ik ukutwisha kusadin mulong wa kumulej anch yom tusadina yikutwish kumusangaresh ap kumunenganesh Yehova?
YOM TWILEJA KAL
Ukutwish kumekesh anch umukatin Yehova mu kumuziyin ni mu kushal ushinshamena kud ndiy chikalap nchik yakamish.
Ov, uvurikin?
Yom ik wileja kal kusutil chilakej cha Job?
Mutapu ik ukumekesha anch umukatin Yehova?
Yom ik yikukukwasha kumushinshamen Yehova?
JINGUNIN KAND
Jingunin mutapu ukutwisha kumushinshamen Yehova ni chikumangen.
Ileja yom yivud piur pa makasu mayidimbenau antu kud Satan.
“Job Walama Kujijaman Kwend” (Bibil Ukwet Uruu ik? chikunku cha 6)
Tal mutapu ukutwishau anakemp niyau kumekesh anch amukatin Yehova.
Mutapu ik ukutwishay nsand urishina ni yibachikin ya akwau kushal ushinshamena kudiay Nzamb?