DILEJAN DIA 36
Ikal Mwin Kashinsh mu Yom Yawonsu
Etu awonsu tukatining arund akweta win kashinsh. Yehova niyend usotin anch arund nend ikala in kashinsh. Pakwez chinech chiswapelap mu mangand minam mudia antu avud aburedina win kashinsh. Yiyukish ik tukwikala nich anch twikal in kashinsh mu yom yawonsu?
1. Diyingishin ik dia usey nakash ditubachikina kwikal in kashinsh?
Anch tud in kashinsh kud antu akwau, tumekeshin anch tumukatin Yehova ni tumulimishin. Tal bil: Yehova wij yom yawonsu tukata kutong ni kusal. (Hebereu 4:13) Ukat kuman anch tud in kashinsh ni ukat kutusanger. Dizu diend dilondin anch: ‘Yehova umukisin mukamakasu, pakwez ukat kuta urund wa piswimp ni antu atentamina.’—Jinswir 3:32.
2. Mu mitapu ik tukutwisha kwikal in kashinsh mu mwom wa pichuku pichuku?
Yehova ukatin anch “[tulondang] uyakin kudi muntu ni mukwau.” (Zakariy 8:16, 17) Chinech chirumburikin ik? Anch twambambin ni anamakwetu, ambay netu a mudimu, akadivar ni anambaz netu in Kristu ap antu a mburamatad, tufanyidinap kudimban ap kupan jinsangu ja makasu. Antu in kashinsh kakatap kuyiy akwau. (Tang Jinswir 24:28 ni Efes 4:28.) Ni akat kufut yitad yawonsu yifanyidinau kufut. (Rom 13:5-7) Mu mitapu yiney ni mitapu yikwau, tukat ‘kwikal in kashinsh mu yom yawonsu.’—Hebereu 13:18.
3. Kwikal mwin kashinsh kukat kutuletin yiyukish ik?
Anch twikal in kashinsh, antu akwau akutwish kutuchingejin. Tukukwash chakwel muntu ni muntu iyova nawamp mu chikumangen. Tukwikal ni kom kishitwila. Win kashinsh wetu ukutwish kand “[kumekesh] katumb ka malejan ma Nzamb Mupandish wetu,” ni kuyibachik antu akwau kwez mu difukwil diakin.—Titus 2:10.
ILEJA CHIKURIKINA
Tal mutapu ukatay Yehova kwiyov, niyetu ayinetu anch tud in kashinsh, ni ileja mutapu ukutwisha kwikal mwin kashinsh mu mitapu kushalijan.
4. Win kashinsh ukat kumusangaresh Yehova
Tang Kuseng 44:22 ni Malakiy 3:16, kupwa isambinany yipul ey:
Ey utongin anch mulong wak tufanyidinap kutong anch tukutwish kumujindjikin Yehova chom kanang?
Utongin anch Yehova ukat kwiyovang mutapu ik anch twatond kulond uyakin ap anch chitukasikedin kusal mwamu?
Anch an alond uyakin, akat kuyisangaresh anvajau. Niyetu anch twalond uyakin, tukat kumusangaresh Yehova
5. Ikal mwin kashinsh chisu chawonsu
Antu avud atongining anch chikasikening nakash kwikal mwin kashinsh. Pakwez tal mulong wak tufanyidin kwikal in kashinsh chisu chawonsu. Talany VIDEO.
Tang Hebereu 13:18, kupwa isambinany mutapu tukutwisha kwikal in kashinsh . . .
mu dijuku dietu.
ku mudimu ap ku shikol.
mu yom yikwau.
6. Win kashinsh ukat kutukwash
Yisu yimwing chikutwish kumekan mud kwikal mwin kashinsh kukat kulet milong. Pakwez mu kusut kwa chisu, ukuman anch chawiy chom chiwamp ufanyidina kusal. Tang Kuseng 34:13-17, kupwa isambinany chipul ech:
Win kashinsh ukutwish mutapu ik kuwapish mashakamin mey?
Amakundj ni amband in kashinsh akat kukasikesh uruw wau
In kusal mudimu in kashinsh akat kuyichingejin kud amakurump au
An a ngand in kashinsh akat kuyilimish kud antakel a ngand
ANCH MUNTU WAKWEL ANCH: “Makasu mamwing mad kwau makemp nakash ni chiyipinap kwau kumasadin.”
Mulong wak witiyijin anch Yehova ukisining makasu ma mitapu yin yawonsu?
YOM TWILEJA KAL
Yehova ukatin anch arund nend ikala in kashinsh mu yom yawonsu yilondinau ni yisadinau.
Ov, uvurikin?
Mu mitapu ik yimwing tukutwisha kwikal in kashinsh?
Mulong wak chidiap cha manangu kutong anch tukutwish kujindjik uyakin?
Mulong wak ukatin kwikal mwin kashinsh chisu chawonsu?
JINGUNIN KAND
Mutapu ik ukutwishau anvaj kuyifundish anau kwikal in kashinsh?
Mulong wak chid chiwamp kuwanyish kushilamu kwetu?
Tal anch tufanyidin kufut yitad ap anch ayisadidin nayimp.
“Ov, Tufanyidin Kulambul Yitad?” (Chinong cha Kalam cha 1 Ngond wa 9, 2011)
Yom ik yamubachika ikundj umwing wading wakad kwikal mwin kashinsh kuswimp mwom wend ni kusal mudimu uwamp?
“Najingunina Anch Yehova ud Mwin Riy ni Mwin Kulikishin” (Chinong cha Kalam cha 1 Ngond wa 5, 2015)