DILEJAN DIA 48

Tond Arund Ney Nich Manangu

Dichap

Arund a piswimp akat kutuletin musangar mu yirung yiwamp, ni akat kutukasikesh mu yirung ya mar. Pakwez Bibil utubabeshin anch kadiap muntu win mwawonsu ukutwisha kwikal murund muwamp. Chad, mutapu ik ukutwisha kutond arund nawamp? Shinshikin yipul yilondwilaku ey.

1. Arund ney akwikal ni usu ik pad ey?

Tukat kuyimburijang antu tusutishining nau chisu pamwing. Ni yibudikin yikutwish kwikal yiwamp ap yiyimp—chinech chiding mwamu pitudia nau mes ni mes ap pa tupend twa kwambambin. Chawiy chilondinay Bibil anch: “Muntu ukata kwend nau in manangu, niyend ukwikal mwin manangu, pakwez ukata kwend nau ayisup [antu akad kumukat Yehova] ukuman mar.” (Jinswir 13:20) Arund amukatina Yehova ni amwifukwidina akutwish kukukwash kwikal piswimp ni ndiy ni kukwat mipak yiwamp. Pakwez arund akad kumukat Yehova akutwish kutwauril nend. Chawiy chitukasikeshinay Bibil kutond arund netu nich manangu! Anch arund netu amukatin Yehova, etu awonsu tukutaninamu. Tukutwish ‘kukasikeshijan mu ritiy muntu ni mukwau, ni kukwashijan kand.’—1 Tesalonik 5:11.

2. Mutapu ik ukwiyovay Yehova piur pa arund utondina?

Yehova kakutondangap arund nend chamwitondin. ‘Ukat kuta urund nau antu atentamina.’ (Jinswir 3:32) Mutapu ik ukwiyovay Yehova anch twatond arund akad kumukat ndiy? Ukunenganan nakash! (Tang Jakobu 4:4.) Ku mutambu ukwau, Yehova ukusangar ni tukwikal arund nend anch twipuk arund ayimp, ni anch twamusejin ndiy ni antu amukatina.—Kuseng 15:1-4.

ILEJA CHIKURIKINA

Shinshikin mulong wak chid cha usey kutond nawamp arund, ni tal mutapu ukutwisha kuta urund ukukuletina musangar mu mwom.

3. Yibabela arund ayimp

Antu akad kumukat Yehova ni mbil jend ad arund ayimp. Talany VIDEO, kupwa isambinany chipul ech:

VIDEO: Ileja Kwipuk Arund Ayimp (6:17)

Mutapu ik tukutwisha kusambish kuta urund nau antu ayimp pakad ayinetu kujingunin?

Tang 1 Korint 15:33, kupwa isambinany yipul ey:

Antu a mutapu ik akutwisha kwikal arund ayimp kud ey? Mulong wak?

Tang Kuseng 119:63, kupwa isambinany chipul ech:

Mutapu ik ukutwisha kwijik anch muntu ud murund muwamp?

Dilong dia mabuj. Dibuj dimwing divundina diletin angej ni diasambishang kal kuvundish mabuj makwau. — Dibuj dimwing divundina dikutwish kuyipish makwau. Arund ayimp akutwish kukuyipish mutapu ik?

4. Antu tushalijadina nau akutwish kwikal arund netu awamp

Bibil ulejen rusangu ra David ni Jonatan, amakundj aad a mu Isarel wa pakur. Ading ashalijadin mivu nakash, kupwa Jonatan wading mwan a mwant; pakwez ading arund awamp. Tang 1 Samwel 18:1, kupwa isambinany chipul ech:

Mulong wak arund netu kafanyidinap kwikal ching antu a chimbu chetu ap akweta mashakamin mud metwetu?

Tang Rom 1:11, 12, kupwa isambinany chipul ech:

Mutapu ik ukutwishau arund amukatina Yehova kukasikeshijan umwing ni mukwau?

Mu video ulondwilaku ou, tal mutapu mukadivar umwing nsand mwashikenay kutan arund pa jindond jakad kutongin. Talany VIDEO, kupwa isambinany yipul ey:

VIDEO: Tan Arund kwi Ndond Wakad Kutongin (5:06)

Mu video winou, mulong wak anvaj a Akil ading iyakamishin piur pa arund ading akwetay ku shikol?
Yom ik yamubachika kuyikat arund inay chakusambish?
Yom ik yamukwasha kwiyov mud kadiap amwinend?

5. Mutapu wa kuta urund uwamp

Tal mutapu wa kutan arund awamp—ni mutapu ukutwisha kwikal niyey murund muwamp. Talany VIDEO.

VIDEO: Nany Udia Murund Wakin? (4:14)

Yipich ya mu video ‘Nany Murund Wakin?’ Nsangarum amwombilamu kud arund nend a yimbu, ulombu wa chikit ni a ukaliweny kushalijan.

Tang Jinswir 18:24 ni 27:17, kupwa isambinany yipul ey:

Mutapu ik ukatau kukwashijan arund akin?
Ov, niyey ukwet arund a mutapu winou? Anch kimwawiyap, yom ik ukutwisha kusal mulong wa kuyikal nich?

Tang Filip 2:4, kupwa isambinany chipul ech:

Mulong wa kwikal nau arund awamp, ufanyidin niyey kwikal murund muwamp. Mutapu ik ukutwisha kusal mwamu?

Tuyipich: Changadim umwing ud nau arund nend asatu. 1. Wambambin ni murund nend umwing ku telefon. 2. Wambambin ni murund nend udia ipal ku Chot cha Want. 3. Wayang kal kumutal murund nend unenganena. — Mulong wa kwikal nau arund awamp, ufanyidin *kwikal* niyey murund muwamp

ANCH MUNTU WAKWEL ANCH: “Chidia cha usey kud kwikal ni murund, kusutamu kuburen ap umwing.”

Ey ukwakul nchik?

YOM TWILEJA KAL

Anch twatond arund netu nich manangu, tukumusangaresh Yehova ni tukutaninamu kand ayinetu.

Ov, uvurikin?

Mulong wak mutapu tutondina arund netu ukwet usey ku mes ma Yehova?
Arund a mutapu ik tufanyidina kwipuk?
Mutapu ik ukutwisha kuta urund wa piswimp nau antu awamp?

Dilejan diapwa kal machuku ma ngond:

Cha kusal

Sal usu wa kwijikijan nau antu avud mu chikumangen.

Yikwau:

Your other goal

JINGUNIN KAND

Tal mutapu ukutwishau arund awamp kutukwash mu yirung yikash.

“Kasikesh Urund Wey Nau Antu Akwau Kurutu Disudiel Dishika” (Chinong cha Kalam cha Ngond wa 11, 2019)

Shinshikin yom ukutwisha kusal mulong wa kwikal ni arund awamp.

“Mutapu ik Nikutwisha Kwikal ni Arund Awamp?” (Yakul ya Ukwash ku Yipul Yikatau Ansand Kwiyipul, Volim wa 1, shapitre wa 8)

Yom ik ufanyidina kwijik piur pa kuta urund nau antu pa Internet?

Babel Tupend twa Kwambambin (4:12)

Mu rusangu rilondina anch “Nading Nikwet Kuswir Nakash kwa Kwikal ni Tatuku,” tal yom yamubachika ikundj umwing kuswimp arund ading akwetay.

“Bibil Ukarumwin Mwom ya Antu” (Chinong cha Kalam cha 1 Ngond wa 4, 2012)