Bibil Udi Rusangu Rakin, Ringany Bwat

“Niyam kand nitongil kukufundil rusangu ra chom ni chom mudi muchadinga.”—LUKA 1:3.

MUTAPU IK USHALIJADINAY BIBIL NI MIKAND YIKWAU? Jingany jikat kulejanang jinsangu ja pasak jamushena pakad kujimbul kamu jindond, machuku, ni majin ma antu. Chinyim ni chinech, Bibil ukwet jinsangu jivud nakash jilejenau kachom pa kachom jiyinkishina in kumutang kashinsh anch “mazu mey mawonsu miminy pa uyakin.”—Kuseng 119:160.

CHILAKEJ CHIMWING: Bibil ulejen anch “Nebukadinesar, mwant wa in Babilon . . . wamutwala kand mwant [mwant wa in Yuda] Jojakin . . . mu winkwal ku Babilon.” Kupwa, “Paswanay Evil Merodak mu want wa in Babilon. Chad mwant winou ndiy wamwovila Jojakin riy, wamudiosha mu rukan.” Chikwau kand, “pa dichuku ni pa dichuku dia mwom wend, amwinkishanga [Jojakin] yom yawonsu yaswirangay.”—2 Ant 24:11, 15; 25:27-30.

CHATANAU KUDI IN KUPUNDOL YOM YA PAKUR: Pakach pa yom ya pa mankur ma Babilon mukur, in kupundol yom ya pakur atana yom yafunday ya pa chirung cha winyikel wa Nebukadinesar II. List wa yakudia ya kuyinkish in rukan ni antu akwau adinga ku chikumbu cha mwant. Pa list winou pading “Ja’ukînu [Jojakin],” wadinga “mwant wa ngand ya Jâhudu (Yuda),” ni dijuku diend. Ov, chidi nchik piur pa kwikalaku kwa Evil Merodak wamuswinkana Nebukadinesar? Atana piswimp ni musumb wa Sus nnung yimwing mwadinga mufundilau anch: “Chipan cha Awil-Mardouk [Evil Merodak], Mwant wa Babilon, mwan wa Nebukadinesar, Mwant wa Babilon.”

OV, CHOM IK UTONGINA? Ov, kudi mukand ukwau wa relijon ulejena uyakin piwisambidina pa yom ya pasak? Ap ov, Bibil udi wa pakampwil?

[Tablo wa jinsangu udia pa paj wa 5]

“Rusangu rilejenay Bibil piur pa chisu ni ndond yasadikina yinship kanang ridi rakin ni ra kuchingejin kupandakanamu jinsangu mu mikand yikwau yikur.”—A SCIENTIFIC INVESTIGATION OF THE OLD TESTAMENT, WAFUNDAU KUDI ROBERT D. WILSON

[Chipich chidia pa paj wa 5]

Mifund ya in Babilon yilejena mwant Jojakin wa Yuda

Dizu Dirumburila Chipich Chidia pa paj wa 5]

© bpk, Berlin/Vorderasiatisches Museum, SMB/Olaf M. Tessmer/Art Resource, NY