Yakul ku Yipul ya Bibil

Ov, Chitwishikin kutesh Bibil?

Bibil didi Dizu dia Nzamb. Udi mudi mukand udiokila kudi tatuku wa rukat. (2 Timote 3:16) Mu BibiI, Nzamb ulejen patok mutapu tukutwisha kumusangaresh, mulong wak ndiy ulikidil uyimp, ni yikezay kusal mulong wa antu awonsu mu machuku ma kurutu. Pakwez alej a ma relijon alejana makasu piur pa Bibil; mudi chibudikin, antu avud atongining anch kakezap kwau kutesh Bibil.—Midimu 20:29, 30.

Yehova Nzamb usotin anch twijika uyakin piur pend. Chawiy lel, ndiy watwinkisha mukand utukutwisha kutesh nawamp.—Tang 1 Timote 2:3, 4.

Ov, mutapu ik ukutwisha kutesh Bibil?

Kupwa kwa kutwinkish BibiI, Yehova utukwashin chakwel tumutesha nawamp. Ndiy wamutuma Yesu chakwel atulejan. (Luka 4:16-21) Yesu wayikwasha in kutesh chakwel atesha Mukand wa Nzamb, pisambinay pa verse umwing ni mukwau.—Tang Luka 24:27, 32, 45.

Yesu wateka chikumangen cha in Kristu chakwel chidandamena kusal mudimu wasambishay. (Mateu 28:19, 20) Lel unou, in kwilej akin a Yesu akat kuyikwash antu chakwel atesha chifundishinay Bibil piur pa Nzamb. Anch usotin kutesh nawamp yilondinay Bibil, Atuman a Yehova akez kwikal nich musangar wa kukukwash.—Tang Midimu 8:30, 31.