Yakul Ku Yipul yen

◼ Ov, tukutwish kulembil pa chisu tutakedila dilejan dia Bibil dia ku chis?

Chiding cha musangar uvud kusambish ni kupwish nich malembil chisu cha dilejan dia Bibil. Pa chisu tukata kulembil, tumwitining Yehova spiritu wend utumbila mu minsamb yetu. (Luka 11:13) Kulembil kumukasikeshining kand mwin kwilej wetu chakwel atambul yom ni usey mu dilejan diend dia Bibil ni kumufundishining mutapu wa kulembil. (Luka 6:40) Chawiy, chidi cha usey kusambish kulembil kurutu kwa dilejan anch chitwishikin. Pakwez, kukwatijan nich mashakamin kushalijan, mwin kutakel ufanyidin kujingunin chakwel akwata mupak wa kulembil chisu cha dilejan dia Bibil dia ku chis.

Chom chimwing cha usey chidi kushinshikin ndond yishichay mwin kwilej. Anch utakedil dilejan pa ndond yidia antu akad kwijidin nau, ukutwish kusal ku ujindj malembil ma mu wiswimp chakwel usambisha ni upwisha dilejan nend mwin kwilej wilejininga nend chisu chawonsu. Pakwez, anch usadin mwamu ukutwish kupwit jinkeu ja antu akutadinanya ap mwin kwilej wa Bibil ukutwish kwiyov mudi kadiap nawamp, chawiy lel, chikutwish kwikal chipandakena kuwap kuchingel djat ni pa chisu chikezay mwin kwilej kwikal mu mwikadil uwamp ukutwisha kumutek waurikina ni antu inay avud. Chikalap nchik ndond yishichay mwin kwilej, tufanyidin kusadin chitongijok chiwamp chakwel twijik nawamp ndond tufanyidina kulembil.—Tal Mudimu Wetu wa Want wa Rish 2005, pa paj wa 4.