Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Mwinses

“Antu avud itiyijining anch Nzamb ukez kuyirumburish dichuku dimwing kwambatan nich maswir mau. Ov, ey utongin anch Dichuku dia Dirumburish didi chom kanang dia kuchingej mu machuku ma kurutu ap didi dichuku dia wom? [Mulika akula.] Tal chilondina gazet pa mulong winou.” Mwinkisha mwin chikumbu Chinong cha Kalam cha pa Mwinses 1, ni shinshikinany pamwing yom yidia mu kamutu ka mulong ka kusambish kadia pa paj wa 16 ni shinshikinany kand umwing wa ku mifund yijimbwilau. Mwinkisha magazet, ni irijeka chakwel uchirik wisamba nend chipul chikwau.

Chinong cha Kalam Mwinses 1

“Mu jindond jivud jidia mu mangand, amband amening mar ma kasolikany ni akat kuyizengol. Cha ushon kand, yitiyij ya marelijon yikasikeshining pa chisal chinech. Ov, ey utongin chakin kamu anch Nzamb uyibangidining amband? [Mulika akula.] Shinshikin mutapu uyilejinay Bibil amakundj pa mutapu wa kuyilam akajau. [Tang Efes 5:28, 29.] Gazet winou ulejen kusutil Bibil mutapu uyimenau amband kudi Nzamb.”

Réveillez-vous ! Mwinses

“Antu avud alondining anch dichuku dimwing mwom winou ukez kwikal ni nsudiel, pamwing ap kusutil kwinjit ja nikleyer ap ku mar ma chitangil, mudi kuwa kwa diyal dijim nakash dia mwiur ditazukinau anch astéroïde ap kukarumuk kwa chisu. Ov, ey utongin anch yom mudi yiney yilondinau yidi ya usey, ap utongin anch yidi kwau ya chamwamu? [Mulika akula.] Bibil utulejin kushilamu oku kwongojina nakash. [Tang Kuseng 37:29.] Gazet winou ushinshikidin pa yom yimwing yilondiningau antu avud mudi mulejenau mu Bibil mutapu ukwikala machuku ma kurutu.”