Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Kachirikin

“Pa chirung chinech cha muvu, antu avud akat kutongijokin piur pa Yesu. Mu kutong kwey, ov, chom ik chading kuwanyin kujim kwa Yesu? [Mulika akula.] Tal mutu wa mulong wa gazet winou udia pa paj wa 16.” Mwinkisha mwin chikumbu gazet umwing wa Chinong cha Kalam cha pa Kachirikin 1, ni shinshikinany pamwing yom yidia mu kamwing ka tumitu twa milong ni shinshikinany kand umwing wa ku mifund yijimbwilau. Mwinkisha magazet, ni irijeka kumuchirikin wisambany nend chipul chikwau.

Chinong cha Kalam Kachirikin 1

“Pa chirung chinech, antu avud isambining piur pa Nowel. Pa manans ik minam, utongina ey anch madi chikunku chipandakena usey pa mulong winou? [Muleja list udia pa paj wa 3 ni mulika akula. Kupwa buril pa mutu wa mulong ufanijadina nich chipul ni tang mufund wa mutu wa mulong.] Gazet winou ulejen mitapu ya kusadil tukutwisha kumuvurikin Yesu mu muvu, chidiap ching kusu pa chisu cha Nowel.”

Réveillez-vous ! Kachirikin

“Tuyendidiling antu avud mulong kakwetingap musangar ni arishining nich yipwichikin. Ov, chimeken kudi ey anch antu akutwish kushadish swa kushimpish michim yau mu machuku minam? [Mulika akula.] Antu amwing itiyijin anch tuding mu chirung cha mar makash chabwakau pa mulong winou mu 2 Timote 3:1. [Tang] Gazet winou urumburil mulong wak kuburen kushimpish muchim chidi chom chiyimp ni upanin yiyul pa mutapu wa kwikal mwin kushimpish muchim.”