Rijek Muchim wey

Pa chisu twilejina Bibil, tukatining anch yitongijok ya Yehova yipukun michim yetu, ap wuntu wetu. Esidera watushila chilakej chiwamp pa mulong winou ‘patenchikay muchim wend mulong wa kwilej Yijil ya Yehova.’ (Esi. 7:10) Mutapu ik tukutwisha kurijek muchim wetu?

Lembil. Kurutu kwa kwilej, ufanyidin kulembil. Mwita Yehova chakwel akukwash kutesh ni kusadin yom wilejina.​—Kus. 119:18, 34.

Ikal mwin kwikepish. Nzamb ukat kujindjik uyakin kud antu in kwibaz akata kuchingejin pa manang mau. (Luka 10:21) Chikwau kand, tukwilejangap mulong wa kuyimekeshin antu akwau anch etu twij yom. Ikepisha ni swimp yitongijok yey anch yikwatijadinap ni ya Nzamb.

Pakish kutesh muminy wa Want. Mizik yikwet usu wa kupukun muchim wetu, ni kuturijek mulong wa difukwil. Kutesh muminy wa Want kwinsambishin kwa dilejan, kukutwish kukukwash kurijek muchim wey.