Hi Wani Madzrungula Lamanene?

1. Xana Xikwembu Nkulukumba a ni ndzrava yini?

Xikwembu Nkulukumba a djula leswaku vhanu va hanya hi ku nyonxa la misaveni. A hambe misava ni hinkwaswu leswi nga ka yone hikusa a zrandzra vhanu. Ku nga li khale a ta yentxa leswaku vhanu va matiko hinkwawu va kuma wumundzruku lebyinene. A ta susela vhanu mintxhumu leyi vangaka ku xaniseka.​—Dondzra Yeremiya 29:11.

A ku na mfumu lowu samiki wu kota ku helisa wugevenga, mavabyi kumbe lifu. Kambe Xikwembu Nkulukumba a ni ndzrava leyinene. Ku nga li khale, a ta siva mimfumu hinkwayu ya vhanu hi mfumu wakwe. Lava taka fumiwa ha wone va ta hanya hi ku zrula, va nga li na mavabyi.​—Dondzra Ezaya 25:8; 33:24; Daniel 2:44.

2. Ha yini hi fanela ku twa madzrungula lamanene hi xihatla?

Ku xaniseka ku ta hela ntsena loko Xikwembu Nkulukumba a ta helisa vhanu lava yentxaka swa ku biha la misaveni. (Tsefaniya 2:3) Swi ta yentxeka siku muni swoleswo? Zritu dzra Xikwembu Nkulukumba dzri profete swiyimu leswi swoswi swi bekaka vhanu khombyeni. Mintxhumu ya ku biha leyi yentxekaka namunhla yi komba leswaku nkama wa kuva Xikwembu Nkulukumba a helisa wubihi wu le kusuhi.​—Dondzra 2 Timoteo 3:1-5.

3. Hi fanela ku yentxa yini?

Hi fanela ku dondzra hi Xikwembu Nkulukumba a Zritwini dzrakwe, ku nga Bibele. Dzri fana ni papela ledzri hi tsraleliwiki hi tatana lwa nga ni lizrandzru. Dzri hi byela leswaku hi nga byi kumisa kuyini wutomi bya ku yampswa swoswi ni ndlela ya ku kuma wutomi lebyi nga helikiki la misaveni a nkameni lowu taka. Vhela, van’wana va nge nyonxi hi ku ku vona na u pfuniwa ku twisisa Bibele. Kambe ndjombo leyi ya ku kuma wumundzruku lebyinene a hi yone ya ku yi tsrhika yi khaluta.​—Dondzra Amaproverbia 29:25; Apfuletelo 14:6, 7.